طرق تخزين الثوم بسهولة | احتفظ به لفترة أطول من غير تلف

مشكلة تخزين الثوم من المشكلات اللي بيعاني منها عدد كبير من ربات البيوت، خصوصًا عند شراء كميات كبيرة منه، وعلشان ميحصلش التلف ده "Foodo" هيستعرض مجموعة من النصائح وطرق تخزينه علشان منضطرش للخروج من المنزل كل فترة لشرائه.

طرق تخزين الثوم

تخزين الثوم المفروم في الثلاجة

ممكن نخزن الثوم داخل الثلاجة عن طريق فرم أو طحن كمية من الفصوص الحلزونية.

وبعد كدة نحطه في علبة بلاستيك مش زجاج، بشرط تكون جافة ونظيفة.

بعد كدة نصب كمية قليلة من الزيت فوق الثوم.

يفضل يكون زيت زيتون علشان بيحفظ الثوم من التحول إلى اللون الأخضر مع طول المدة.

ونحفظ الثوم في الثلاجة مش في في الفريزر، ونستخدمه عند الحاجة.

تخزين الثوم

تخزين الثوم في أكياس شبكية

زي ما قولنا ممكن نخزن الثوم في أكياس شبك بشرط طبعًا إن ده يكون في مكان جاف وجيد التهوية.

كمان لازم يكون المكان بارد بعيد عن أشعة الشمس.

وده علشان نقص الرطوبة بيؤدي لتلف الثوم وجفافه، وقلة التهوية ممكن تسبب تعفن الثوم.

مهم جدًا نسيب الثوم في مكان جيد التهوية بعيدًا عن الشمس والرطوبة، علشان يقدر يتنفس مهما طالت مدة تخزينه.

ملحوظة

مهم جدًا إننا نتجنب تخزين ثمار الثوم الكاملة في أكياس بلاستيك أو أوعية محكمة الغلق؛ علشان ده ممكن يتسبب في تعفنها.

تخزين فصوص الثوم

لو عاوزين نخزن فصوص الثوم بس في طريقتين ممكن نستخدمهم هنعرفهم في السطور الجاية:

الطريقة الأولى

ممكن نحفظ فصوص الثوم كاملة بالقشرة.

عن طريق وضعه  بالبلاستيك الشفاف والتعبئة والتغليف.

أو نحط فصوص الثوم في أكياس حفظ الطعام، وبعد كدة نحطها في الفريزر، ونستخدمها عند الرغبة.

الطريقة الثانية

ممكن نقشر فصوص الثوم ونحطها في برطمان زجاج ونصب من الزيت فوق الثوم لحد ما يغطيه ونقفل البرطمان كويس جدًا ونحفظه في في الفريزر.

تحزين الثوم غير المفروم في الزيت

لو عاوزين نخزن الثوم في الزيت في شوية نصائح لازم نعملها وهي:

أول حاجة نقشر فصوص الثوم، بعد كدة نغسله كويس جدًا بالماء ونصفيه.

بعد كدة نحضر برطمان زجاج نظيف ومعقم كويس جدًا.

نحط فصوص الثوم داخل البرطمان.

نضيف أعواد الروز ماري في البرطمان، ونوزعها بين فصوص الثوم.

بعد كدة نقطع قرون الفلفل الأحمر الحار ونحطها في البرطمان ونوزعه بين الفصوص.

نصب كمية كبيرة من الزيت، لحد ما يغمر فصوص الثوم كلها.

نقفل البرطمان كويس جدًا ونحطه خارج أو داخل الثلاجة، ممكن نحفظ الثوم بالطريقة دي لمدة سنة كاملة.

ملحوظة

ممكن نستخدم الزيت المحفوظ به فصوص الثوم في تحضير وتشويح الطعام.

زي مثلًا ممكن نستخدمه في تتبيلة الفراخ وتتبيلة السمك، وكمان عند تشويح صوص المكرونات.

كمان ممكن نستخدم الزيت ده في تحضير السلطات المختلفة، علشان طعمه الرائع بسبب خلطه مع الثوم والروز ماري والفلفل الحار.

تحزين الثوم

قد يعجبك أيضًا تخزين ورق العنب بطرق سهلة جدًا وغير مكلفة

خطورة تخزين الثوم بالتبريد

درجة حموضة الثوم منخفضة تتراوح بين 5.3 و 6.3 درجة؛ علشان كدة طريقة تبريد الثوم في الثلاجة مش طريقة مناسبة  لحفظه من التلف.

ده هيساعد على تكاثر بكتيريا كلوستريديوم البوتولينوم المسببة للتسمم الغذائي، ولو متعالجش بطريقة مناسبة ممكن يؤدي إلى الوفاة.

حفظ الثوم بالتجفيف

في الطريقة دي أول حاجة لازم نتأكد من سلامة كل فصوص الثوم وقوامها المتماسك، وده بيكون عن طريق تجفيف الفصوص بتقشيرها وتقطيعها من المنتصف.

بعد كدة ندخل فصوص الثوم داخل الفرن على درجة حرارة 60 درجة مئوية لمدة ساعتين.

نقلل درجة الحرارة إلى 54 درجة، ونخرج فصوص الثوم من الفرن بعد ما تجف تمامًا.

نجمع الثوم المجفف ونحطه في أكياس الثلاجة أو في برطمانات ونستخدمه عند الحاجة.

تخزين الثوم

تخزين الثوم بالخل

ممكن نحفظ الثوم في الخل ونحطه في الثلاجة.

الطريقة دي بتساعد على حماية الثوم وحفظه من التلف لمدة تتراوح بين 3 إلى 5 أشهر.

وده بيكون عن طريق وضع الثوم في وعاء، وبعد كدة نضيف إليه كمية مناسبة من الخل.

ملحوظة

لو هنستخدم الطريقة دي لازم نخلي بالنا كويس من توافر درجة برودة ملائمة ومراقبة مستمرة للثوم.

وده طبعًا علشان نتجنب تكون العفن، والفطريات على السطح، اللي ظهورها بيعتبر مؤشر على ارتفاع درجة حرارة الوسط المحيط بشكل زيادة عن المطلوب.

تخزين الثوم بالخل والملح

تعتبر طريقة تخزين الثوم بالخل والملح من أكثر الطرق الآمنة اللي ممكن نستخدمها.

الطريقة دي بتحافظ على الثوم من التلف لمدة 5 أشهر.

وده بيكون عن طريق فرز الثوم كويس جدًا، وبعدين نختار الفصوص السليمة.

نقشر الثوم ونحطه في وعاء به خل وكمية قليلة من الملح.

بعد كدة نحط الثوم في أكياس بلاستيك أو برطمان زجاج.

ممكن في الطريقة دي نحفظ الثوم في الفريزر أو في الثلاجة، لكن مينفعش نسيبه برة الثلاجة نهائيًا.

كمان لازم تكون درجة حرارة الفريزر باردة جدًا.

لو هنحط أكياس الثوم في الثلاجة يبقى لازم تكون الأكياس نظيفة تمامًا، وممكن نحفظه متقطع أو مهروس أو صحيح.

قد يهمك أيضًا أفضل طرق تجفيف الفواكه | خطوات سهلة جدًا وتكاليف أقل

حفظ الثوم بالتعليب

تعتبر طريقة حفظ الثوم بالتعليب من الطرق غير المناسبة تمامًا.

لأن تجربة الطريقة دي في تخزين الثوم يؤدي إلى تهيئة بيئة ملائمة لنمو بكتيريا كلوستريديوم البوتولينوم.

ممكن نستخدم علب مضغوطة بدل العلب العادية لكن ده سيؤدي إلى تغيير نكهة الثوم.

حفظ الثوم بالتجميد

تخزين الثوم بالتجميد بيكون عن طريق تقشير فصوص الثوم وتقطيعها.

بعد كدة نغلفها بأكياس بلاستيك مقفولة كويس جدًا ونحطها داخل الفريزر.

لما نحتاج نستخدم الثوم المجمد نطلع الفصوص من الثلاجة ونقطعها ونطحنها.

كمان ممكن نقشر فصوص الثوم ونحط عليها الزيت ونحفظها داخل الفريزر.

ممكن نستخدم الزيت ده في الطبخ الطبخ.

ممكن نحفظ الثوم كمان في الفريزر من غير ما نقشره، ولما نجتاجه نذوب القشرة ونستخمه.

تخزين الثوم

نصائح عند تخزين الثوم

في شوية نصائح لازم نعرفها عند تخزين الثوم علشان طعمه ميتغيرش وكمان نتجنب تكون العفن:

  • ممكن نجمد الثوم المفروم أو فصوصه الكاملة من غير ما نغمره في الزيت، لكن وضعه في الزيت يحافظ على طعمه بشكل أكبر.
  • كمان لازم ناخد بالنا من حاجة مهمة جدًا وهي عدم تخزين الثوم في درجة حرارة الغرفة وده علشان نتجنب نمو بكتيريا كلوستريديوم بوتولينيوم عليه، وده طبعًا لأنها بتؤدي إلى الإصابة بالتسمم الغذائي.
  • ممكن نجمد الثوم علشان نسهل استخدامه عند الحاجة، وده عن طريق استخدام قوالب الثلج، ونحط الثوم المفروم فيها ونغمره في بالزيت ونحطه في الفريزر، ونستخدم الكمية المطلوبة عند الحاجة.
  • كمان من الحاجات المهمة جدًا لازم ناخد بالنا وإحنا بنشتري الثوم وتجنب شراء ثمرات الثوم المجعدة، أو المحفوظة في قسم الخضروات المثلجة في البقالة.
  • لازم كمان نحفظ الثوم في مكان جيد التهوية؛ علشان الثوم يقدر يتنفس ونخزنه فترة طويلة.
  • ممنوع حفظ ثمار الثوم فارغ أكياس بلاستيك أوعية مقفولة ؛ علشان ده هيسبب تكون القبه.

دي كانت كل طرق تخزين الثوم سواء عن طريق تخزينه في الزيت أو في الخل والملح وكمان طريقة تخزينه في أكياس شبكية جيدة التهوية علشان يقدر يتنفس ويعيش لفترة أطول، بالإضافة إلى شوية نصائح عند تخزين الثوم زي إننا نخزنه في درجة حرارة الغرفة لتجنب نمو البكتيريا اللي ممكن تؤدي للتسمم، وكمان ضرورة شراء الثوم السليم وتجنب شراء الثوم المثلج المحفوظ في البقالة.

 

مواضيع ذات علاقة