أفضل طرق تخزين الشوربة | احتفظ بطعمها لاطول فترة

تخزين الشوربة شئ مهم، فطبق الشوربة السخن في الشتاء أروع حاجة يمكن تناولها علشان الجسم يتدفى، علشان كدة لازم تكون الشوربة جاهزة على التسخين على طول و نقدر نحضر الشوربة في أي وقت بعد ما نخزنها "Foodo" هيقدم طرق تخزين الشوربة علشان نستخدمها في أي وقت نحبه، وكمان تحتفظ بنفس طعهما اللذيذ.

طرق تخزين الشوربة

ممكن نحضر كمية كبيرة من الشوربة ونخزنها في الفريزر علشان نوفر وقت كبير جدًا عند تحضيرها وكمان نستمتع بالشوربة لاطول فترة ممكنة.

طبعًا طرق تخزين الشوربة كثيرة وفي السطور الجاية هنستعرضها بالتفصيل علشان نقدر نحفظها بسهولة من غير ما طعهما أو أي حاجة فيها تتغير:

استخدام الفريزر من أفضل الطرق وأكثرها أمانًا عند تخزين الشوربة.

وده بيكون عن طريق وضع الشوربة في علب التخزين وبعد كدة نحفظها في الفريزر.

يعد استخدام علب التخزين الآمنة في الفريزر أحد أكثر الطرق المتبعة لتخزين الشوربة.

لكن طبعًا لازم تكون علب التخزين مناسبة علشان تتحمل درجات الحرارة من غير ما يحصل فيها أي كسر أو تشقق.

كمان من الحاجات المهمة جدًا اللي لازم نخلي بالنا منها وإحنا بنخزن الشوربة اختيار أحجام علب التخزين المناسبة.

ونخزن الشوربة علي قد الطبخة علشان مش كويس اننا نفكها ونأخذ منها شوية وبعدين نجمدها ثاني.

من الأمور المهمة كمان هي إننا نراعي ترك الشوربة تبرد تمامًا قبل ما نحطها في علبة الفريزر.

تخزين الشوربة في الثلاجة

ممكن نخزن الشوربة في الثلاجة في حالة لو كنا هنستخدمها في وقت قريب من تاريخ حفظها.

وده بيكون عن طريق وضع الشوربة في علبة تخزين محكمة الغلق ونسيب الشوربة لحد ما تبرد تمامًا لمدة ساعتين، وبعد كدة نحطها في الثلاجة.

ممكن نحفظ الشوربة في الثلاجة لمدة 3 أيام كحد أقصى.

تخزين الشوربة في الفريزر

لو عاوزين نحفظ الشوربة لفترة أطول يبقى من الأفضل نحطها في الفريزر.

مدة حفظ الشوربة في الفريزر تصل لـ3 أشهر بشرط تكون محفوظة بطريقة سليمة.

ملحوظة

لو هنحفظ شوربة بتحتوي على بطاطس أو أرز أو مكرونة أو أي نشويات يفضل تفادي إضافة بعض المكونات ونضيفها لاحقًا عند التقديم.

وده علشان نتجنب إن قوام الشوربة ميكونش طازج.

وعلشان نتجنب ظهور بلورات الثلج على سطح الشوربة، ممكن نحفظها في أكياس الفريزر، ونفرغ الكيس كويس جدًا من الهواء.

تخزين الشوربة في أكياس سيليكون

مهم جدًا لو هنستخدم الأكياس علشان نخزن الشوربة تكون الأكياس دي مصنوعة من السليكيون.

وده طبعًا علشان الاكياس تكون مناسبة لدرجة الحرارة في الفريزر.

وكمان أكياس السليكون ممكن نستخدمها أكثر من مرة عكس الاكياس الآخرى اللي بتستخدم مرة واحدة بس.

الأكياس السيليكون كمان سهلة الغسيل، وممكن إعادة تسخين الكيس في وعاء ماء ساخن.

تخزين الشوربة

تخزين الشوربة في أكياس بلاستيك

ممكن برضه نستخدم الأكياس البلاسيتك الخاصة بالتفريز علشان نخزن الشوربة، واللي بتعتبر بديل جيد جدًا للأكياس البلاستيك التقليدية.

أكياس التفريز دي بتكون مصنوعة من بلاستيك سميك وأكثر صلابة من الأكياس الآخرى.

وده طبعًا بيساعد على منع تسرب الشوربة من الأكياس، علشان  السوائل بتتمدد أثناء تبريدها.

نصائح عند تخزين الشوربة في أكياس

في شوية حاجات ونصائح لازم ناخد بالنا منها لو قررنا نخزن الشوربة في أكياس بلاتسيك هنستعرضها في السطور الجاية:

  • أول حاجة لازم نتأكد من ترك مساحة تتراوح بين 2 إلى 4 سم في الجزء العلوي من الكيس.
  • كمان من ضمن الأمور المهمة إننا نتأكد من شراء أكياس تفريز بلاتسيك عالية الجودة وموثوقة علشان نتجنب أي ضرر يحصل للشروبة.
  • كمان لازم ناخد بالنا من تفريغ الهواء من الأكياس كويس جدًا قبل ما تتجمد.
  • بعد كدة نقدر نجمد الشوربة في الأكياس البلاستيك بشكل مسطح أو حفظها بشكل مستقيم زي الكتب وده علشان نزود مساحة الفريزر.

تخزين الشوربة

قد يهمك أيضًا أفضل طرق تجفيف الفواكه | خطوات سهلة جدًا وتكاليف أقل

طرق آخرى لتخزين الشوربة

كمان ممكن نخزن الشوربة في قوالب السيليكون أو قوالب مكعبات الثلج أو صواني المافن.

يعتبر استخدام في صواني المافن أو قوالب مكعبات الثلج أو قوالب السليكون من الطرق الرائعة جدًا علشان حفظ الشوربة بشكل حصص منفردة.

القوالب دي بتسمح بتوزيع وتخزين أي طبق شوربة.

ملحوظة

في حاجة مهمة لازم ناخد بالنا منها وهي لما نعيد تسخين الشوربة المجمدة نحط القوالب في صينية فيها ماء دافئ علشان تفك كويس.

تخزين الشوربة في برطمان زجاج

من ضمن طرق تجميد الشوربة استخدام البرطمانات الزجاجية، تعتبر من الطرق العملية وكمان خالية من البلاستيك.

في شوية نصائح لو قررنا نستخدم البرطمان الزجاج وهي:

  • لو هنخزن الشوربة في برطمان زجاج لازم نخلي بالنا كويس جدًا ونسيب مساحة تمدد كافية علشان الزجاج ميتشققش.
  • كمان لازم نستخدم برطمانات زجاج آمنة علشان نقدر نحطها مباشرة في الميكروويف علشان نذوب الثلج بسرعة.
  • من أفضل أنواع البرطمانات الزجاجية اللي ممكن نستخدمها في تخزين الشوربة هي برطمانات ميسون تتميز بمتانتها وكمان مش غالية أوي، علشان كدة هي حل كويس للتخزين.
  • لازم نتأكد من ترك الشوربة تبرد علشان توصل لدرجة حرارة الغرفة قبل التجميد؛ وده علشان نتجنب كسر الزجاج في الفريزر.
  • استخدام البرطمانات الزجاجية الجيدة خيار آمن علشان نقدر نحطها في الميكروويف، لكن لازم نزيل الغطاء المعدني قبل وضعها.

طريقة تخزين شوربة الكريمة

لو حضرنا شوربة كريمة لازم نفكر في طريقة تخزين الكمية المتبقية، في السطور الجاية هنعرف طريقة تجميدها بالتفصيل علشان طبعًا نضمن صحة وسلامة أفراد الأسرة:

ممكن طبعًا نخزن شوربة الكريمة لكن في الحالة دي هنطبخ مكونات الشوربة ونحفظها في علبة أو كيس تفريز.

وأما نقرر نستخدم الشوربة نضيف الكريمة بعد ما المكونات تذوب.

كمان من الحاجات المهمة جدًا إننا نتأكد من إعادة تسخين الشوربات التي تحتوي على منتجات الألبان أو فول الصويا برفق، علشان متنفصلش عن بعضها.

شوربة الكريمة

تخزين شوربة الخضار

المكونات

  • خضروات (حسب الرغبة)
  • أكياس تفريز

طريقة تخزين شوربة الخضار

لازم نحرص على تخزين كل نوع من الخضار لوحده وفي كيس منفصل عن الآخر.

نقطع الخضار بأحجام مختلفة حسب الرغبة.

بعد كدة نحط قطع الخضار في وعاء الطبخ، ونصب الماء لحد ما تغطيها ونسيبها تغلي.

نقلل درجة الحرارة شوية ونسيب الخضار يستوي لمدة 3 دقائق، ونضيف النكهات المفضلة ونسيبها تبرد تمامًا.

نحضر أكياس التفريز ونكتب عليها تاريخ التخزين.

نحط الكيس في كوب كبير ونضيف الشوربة برفق باستخدام مغرفة طعام.

نخلي بالنا ومنحطش كمية كبيرة من شوربة الخضار في كيس واحد.

نخرج الهواء الزائد من الكيس، وبعد كدة نقفله كويس جدًا.

نحط أكياس الشوربة في الفريزر لحد ما تتجمد، ونستخدمها عند الحاجة.

لو قررنا نتسخدم شوربة الخضار هنخرج كيس واحد أو أكثر من شوربة الخضار المجمدة، ونحطه على النار في وعاء على درجة حرارة منخفضة ونضيف عليه كمية قليلة من المرق المغلي.

تخزين شوربة الخضار

إليكِ طرق حفظ اللحوم بسهولة ومدة التخزين المسموح بها

تجميد شوربة بها مكرونة

في الحالة دي يفضل طبخ الشوربة من غير ما نضيف المكرونة.

علشان النشويات بتميل لامتصاص السوائل عند التجميد، وبالتالي هتصبح طرية جدًا بعد إعادة تسخينها.

مدة صلاحية تخزين الشوربة

ممكن نخزن الشوربة لمدة من 3 إلى 6 أشهر تقريبًا في الفريزر، وده طبعًا على حسب مكونات كل نوع شوربة متخزن.

يعني مثلًا شوربة الخضار واليخنات بتقعد فترة أطول من الشوربات اللي بتحتوي على منتجات الألبان أو اللحوم.

ملحوظة

احرص من وقت لآخر على مراقبة الشوربة، والتأكد من مظهرها أو رائحتها أو طعمها ولو كان غير جيد تخلص منها.

كمان من الحاجات المهمة إننا نسمي العلب والأكياس اللي همحفظ فيها الشوربة في الفريزر، ونكتب التاريخ والاسم علشان يساعدنا نعرف الوجبات المجمدة اللي موجودة عندنا.

معلومات عن أنواع الشوربات

شوربات المرقة

كل ما نزود نسبة المرقة في الشوربة كل ما زادت نسبة استطاعة تخزينها.

علشان نعرف بعد كدة نستخدمها في شوربات آخرى زي شوربة

الخضار ولسان العصفور وشوربة الدجاج والمشروم.

شوربة العدس

في طريقتين لتحضير شوربة العدس ممكن نحط جزء منها في الثلاجة.

كمان ممكن نطحنها قبل ما نحطها في الثلاجة علشان نحافظ على لونها وطعمها وشكلها لحد ما نستخدمها.

شوربات اللحوم

كلما زادت شوربة اللحوم كلما استطعنا تخزينها علشان نستخدمها في شوربات آخرى زي شوربة الخضار وشوربة الفريك وشروبة كرات اللحم.

شوربة الأرز

ممكن نحفظ شوربة الأرز في الثلاجة لمدة أطول عن الشوربات الآخرى.

ويفضل يكون الأرز البني علشان بيصمد لمدة أطول من الأرز الأبيض وذو قيمة غذائية كبيرة.

مدة حفظ الشوربة خارج الثلاجة

ممكن نحفظ الشوربة برة الثلاجة ونستخدمها أكثر من مرة.

لكن لازم نسخنها لدرجة الغليان كل 6 ساعات علشان ميتكونش فيها بكتيريا تفسدها.

إذا حدثت مشكلة في ثلاجة المنزل ممكن نحفظ الطعام لأكثر من يوم عند طريق تعريض الطعام للغليان.

بكدة نكون عرفنا كل حاجة عن تخزين الشوربة وإيه هي النصائح اللي ناخد بالنا منها علشان مفيش حاجة من خواص الشوربة تتغير زي شكلها أو طعهما أو لونها، وكمان عرفنا إزاي نحفظ الشوربة في الفريزر باستخدام أكياس التفريز ومدة صلاحية حفظ الشوربة سواء في الثلاجة أو الفريزر.

/home/ahmed-gouda/workspace/main-system

تخزين الشوربة خطوة رائعة علشان نحفظها لأطول فترة ممكنة في الفريزر وده بيكون عن طريق استخدام أكياس تفريز بجودة عالية ومحكمة الغلق علشان تحافظ عليها ومتغيرش في لونها وطعمها ورائحتها وتكون طازجة

 

مواضيع ذات علاقة