تخزين ورق العنب بطرق سهلة جدًا وغير مكلفة

بالتأكيد ورق العنب من الأكلات المشهورة جدًا والمفضلة عند ناس كثيرة، وبيحرصوا على تناولها من وقت لآخر؛ علشان كدة "Foodo" في الموضوع ده هيقدم طرق تخزين ورق العنب علشان نقدر نحتفظ بيه فترة طويلة من غير ما يفقد قيمته الغذائية ومذاقه، وكمان طرق تحضيره بسهولة جدًا وفوائده الرائعة للجسم.

تخزين ورق العنب

في أكثر من طريقة ممكن نستخدمها في تخزين ورق العنب، سواء هنحفظه في برطمانات زجاج أو أوعية بلاستيك.

كمان لازم نعرف طرق تخزين ورق العنب من غير سلق أو بعد السق، وطريقة تخزين ورق العنب المحشي واللي مش محشي.

وفي السطور الجاية هنعرف طرق تخزين ورق العنب بسهولة:

الطريقة الأولى

تخزين ورق العنب في زجاجات

نحضر ورق العنب ونقطع العيدان الموجودة في العنق.

ننظف ورق العنب كويس جدًا ونجففه.

نحضر عصاية صغيرة جدًا ونلف عليها 5 أوراق من ورق العنب وبعد كدة نحط العصاية في الزجاجة.

بعد كدة نكرر الخطوة دي لحد ما الزجاجة تتملي بورق العنب.

ملحوظة

لازم وإحنا بنحفظ ورق العنب نفرغ الزجاجة كويس من الهواء وده عن طريق إننا نملاها كويس بورق العنب، وبعد كدة نقفلها كويس.

نحط الزجاجة في مكان بدرجة حرارة الغرفة بعيدًا عن أشعة الشمس.

ممكن نحتفظ بورق العنب المتخزن لمدة سنة.

تخزين ورق العنب

تخزين ورق العنب في الفريزر

أول حاجة هتحضر ورق العنب، ونقطع عروقه وونظفه كويس.

بعد كدة نحضر الأكياس الخاصة بالتفريز.

نحط ورق العنب في الأكياس، وبعدين نفرغ الهواء اللي فيها ونقفلها كويس جدًا.

نحط أكياس ورق العنب في الفريزر، ونسيبها لحد ما نستخدمها.

تخزين ورق العنب

تخزين ورق العنب المسلوق

في كمان طريقة علشان نقدر نخزن ورق العنب المسلوق هنعرفها في السطور الجاية:

أول حاجة نقطع أعناق ورق العنب.

نحط لتر ماء و3 ملاعق ملح وربع ملعقة ليمون وخل في وعاء كبير.

نحط الوعاء على نار متوسطة لحد ما يغلي.

نضيف أوراق ورق العنب للخليط ونسيبه لمدة دقيقتين، لحد ما لون ورق العنب يتغير.

نرفع ورق العنب من ماء السلق، ونحطه في ماء مثلج.

بعد ما يبرد نرفع ورق العنب على مصفاه لحد ما ينشف خالص.

نحط أوراق ورق العنب ونرصها في أكياس تفريز لازم تكون جافة ونظيفة تمامًا.

ندخل أوراق ورق العنب الفريزر، ونسيبها لحد ما نستخدمها.

تخزين ورق العنب

تخزين ورق العنب في محلول الملح

في طريقة تانية كمان ممكن نستخدمها وأحنا بنخزن ورق العنب باستخدام محلول الملح.

والطريقة دي ممكن نعملها عن طريق تحضير ورق العنب وتقطيع العروق.

بعد كدة ننظف ورق العنب كويس ونجففه.

نحضر محلول ملح عن طريق إذابة كمية من الملح في الماء.

ننقع ورق العنب في محلول الملح لمدة خمسة أيام.

نشيل ورق العنب من المحلول ونسيبه في مصفاة علشان يتفصى كويس جدًا.

بعد كدة نرص ورق العنب في أكياس التفريز وتكون نظيفة وجافة كويس، ونحطها في الفريزر لحد ما نستخدمها.

طرق آخرى لتخزين ورق العنب

كمان في طرق تانية نقدر نخزن بيها ورق العنب، هنستعرضها مع بعض في السطور الجاية:

تخزين ورق العنب بالتخليل

في الطريقة دي هنخزن ورق العنب عن طريق تخليله.

وده بيكون عن طريق تقطيع أعناق ورق العنب، وبعد كدة نحطه في خليط لتر ماء مغلي وملعقتين صغيرتين ملح وعصير ليمون.

نسيب ورق العنب لمدة 10 دقائق في خليط الماء المغلي على النار.

نرفع ورق العنب ونحطه في ماء مثلج لحد ما يبرد تمامًا.

نرص ورق العنب في برطمان جاف ونحط عليه محلول الملح حلد ما يغطي ورق العنب.

استخدام ورق الألومنيوم

في الطريقة دي أول حاجة هنظف ورق العنب كويس جدًا ونقطع عروقه.

بعد كدة نحضر ورق الألومنيوم ونرص عليه ورق العنب لحد ارتقاع حوالي 10 سم.

نقفل ورق الألومنيوم على ورق العنب ونفرغ الورق من الهواء كويس ونحطه في الفريزر لحد ما نتسخدمه.

تخزين ورق العنب المحشي

لو عاوزين نخزن ورق العنب المحشي، في شوية خطوات لازم نعملها وهي:

طبعًا ورق العنب هيتسلق الأول ونحشيه بالطريقة العادية.

بعد كدة نحط ورق العنب المحشي في علبة بلاستيك وندخلها الفريزر.

ممكن نحفظ ورق العنب في الفريزر لمدة شهر.

نصائح مهمة لتخزين ورق العنب

في شوية نصائح مهمة لازم ناخد بالنا منها وإحنا بنخزن ورق العنب وهي:

  • أول حاجة لازم نختار ورق عنب مناسب للتخزين.
  • يعني مثلًا مينفعش ورق العنب يكون فيه ثقوب أو مش متماسك.
  • أنسب وقت لتخزين ورق العنب هي أخر فصل الربيع.
  • كمان لازم يكون ورق العنب حجمه متوسط أو كبير مش صغير.

تخزين ورق العنب

طريقة عمل ورق العنب

ممكن نعمل ورق العنب محشي أرز أو لحمة مفرومة، كل اللي عليك تحضير المكونات دي:

#مكونات حشو ورق العنب

  • 2 ثمرة طماطم طازجة
  • نصف كوب بقدونس مفروم ناعم
  • نصف كوب نعناع أخضر مفروم ناعم
  • كوب أرز
  • ربع ملعقة ملح
  • ربع ملعقة بهارات (حسب الرغبة)
  • بصلة صغيرة

#مكونات المحشى

  • ربع كيلو ورق عنب
  • 2 مكعب مرقة دجاج
  • 2 ملعقة زيت زيتون
  • شوربة
  • نصف ليمونة

#طريقة عمل محشى ورق العنب

أول حاجة هنحط الماء ونقطتين زيت في وعاء متوسط الحجم على النار.

نسيب الماء لحد ما يغلي، وبعدين نحط فيه ورق العنب لمدة لحظات قليلة لحد ما يكون طري شوية.

نخرج ورق العنب من الماء، ونحطه فى مصفاه ونسيبه لحد ما يبرد.

#طريقة عمل حشو ورق العنب

نقطع الطماطم قطع صغيرة جدًا والبصل ونخلطهم مع الأرز والبقدونس وباقى مكونات الحشوة ونقلب كويس جدًا.

#طريقة حشو ورق العنب

قبل ما نبدأ في حشو ورق العنب نجهز وعاء الطهي ونحط الأوراق الجافة في الأرضية.

ناخد كمية قليلة من الحشوة ونحطها على الوجه الخشن للورقة.

نلف ورق العنب بعد دكة بالطريقة المعروفة.

نرص أصابع وربع العنب في الحلة، ونرش رشة ليمون وملعقة زيت بعد ما نصف الحلة تتملي.

بعد كدة نرش باقى الليمون على الحلة بعد ما تتملي كلها وده علشان نحافظ على لمعان ورق العنب.

نذوب مرقة الدجاج في كوب ماء دافئ ونصبها على المحشى لحد ما يتغطى بالماء.

نحط المحشي على نار عالية، لحد ما الماء يقل شوية وبعدين ننقله على نار هادئة.

فوائد ورق العنب

في فوائد كثيرة جدًا لورق العنب سواء في تقليل التهابات الجسم والتحكم في مستوى السكر في الدم، وكمان مفيد للجهاز الهضمي ويقوي المناعة، وفي السطور الجاية هنرف كل الفوائد دي:

ورق العنب يقاوم السرطان

بجانب دوره الرائع في تقوية المناعة يعمل فيتامين "ج" الموجود في ورق العنب على محاربة الجذور الحرة اللي بتسبب الإصابة بالسرطان.

كمان فيتامين "ج" بيعمل كمضاد للأكسدة ويحمي الجسم.

زيت بذور العنب له دور فعال في تقليل احتمالية الإصابة بالسرطان.

تعزيز صحة المفاصل

تناول ورق العنب بيساعد على تلييين المفاصل وتكوين الغضاريف.

وده طبعًا علشان ورق العنب بيحتوي على نسبة عالية من المنجنيز المفيد للمفاصل.

تحسين صحة القلب

لازم نحرص على تناول ورق العنب بشكل مستمر علشان نحافظ على صحة وعمل القلب.

ورق العنب بيساعد في الحفاظ على معدل انقباضات القلب السليم، وده علشان أوراق العنب بتحتوي على البوتاسيوم.

تخفيف التهابات الجسم

تناول ورق العنب مفيد جدًا وبيساعد على تخفيف التهابات الجسم.

وده طبعًا علشان ورق العنب بيحتوي على أوميغا 3 وخصائص مضادة للأكسدة.

علشان كدة ورق العنب مفيد جدًا في تخفيف التهاب المفاصل والتهاب الحلق.

مفيد لمرضى السكر

من ضمن فوائد ورق العنب كمان إنه بيتحكم في مستوى الجلوكوز في الدم.

تناول ورق العنب بيساعد في التحكم بمستويات السكر في الدم؛ علشان كدة ورق العنب مفيد جدًا خصوصًا لمرضى السكر.

كمان ورق العنب بيحتوي على ألياف تساعد على السيطرة على مستوى الجلوكوز في الدم.

دي كانت طرق تخزين ورق العنب سواء المسلوق وغير المسلوق وورق العنب المحشي، ممكن نحزنه بكذا طريقة زي وضعه في محلول الملح أو التخليل قبل حفظه في الفريزر، مع ضرورة الحرص على اختيار أوراق مناسبة بحالة جيدة علشان نخزنها بسهولة.

/home/ahmed-gouda/workspace/main-system

ممكن نخزن ورق العنب باكثر من طريقة سواء عن طريق محلول الملح وحفظه أو تخليله أو وضعه في ورق ألومونيوم وكمان تخزين ورق العنب المحشي والمسلوق وفي مجموعة نصائح مهمة علشان عملية التخزين تنجح زي إننا نختار ورق مناسب وكبير الحجم وخالي من الثقوب

 

مواضيع ذات علاقة