مدة حفظ الأطعمة بالفريزر- قائمة بكل ما تتخيله الأكل

كثير من الناس بيلجأو إلى تجميد الأطعمة وحفظها في الفريزر سواء قبل أو بعد طهيها، وده طبعًا علشان نحافظ عليها سليمة لأطول فترة ممكنة، عشان كدة من المهم اننا نعرف مدة حفظ الأطعمة بالفريزر لان لو تجاوزت المدة المسموحة الأكل هيفسد وهيكون غير صالح للاستخدام

في الموضوع ده هنقدملك قائمة بمدة حفظ الأطعمة في الفريزر وكمان المدة المسموح بها لكل نوع من أنواع الأكل الشائع اللي بيتم حفظه في الفريزر.

قائمة بمدة حفظ الأطعمة في الفريزر والثلاجة

في الأول هنستعرض مع بعض مدة حفظ الأطعمة في الفريزر والثلاجة سواء كانت لحوم أو أسماك أو فواكه وخضروات وبقوليات والمطبوخة وغير المطبوخة.

مدة حفظ الطعام المطبوخ في الثلاجة

طبعًا كل الأكل المطبوخ بيحتاج ثلاجة، علشان كدة لازم نحرص على شراء الأطعمة طازجة علشان نقدر نحفظها مدة أطول.

ملحوظة

معظم حالات تسمم الطعام تكون بسبب أن الأكل عدى عليه فترة طويلة خارج الثلاجة أو وقت أطول داخل الثلاجة.

مدة حفظ اللحوم في الثلاجة

ممكن نحفظ اللحوم الحمراء النيئة والأسماك الطازجة في الثلاجة لمدة 5 أيام، ومن أربعة أشهر إلى 12 شهرًا في الفريزر.

أما بالنسبة للحوم الحمراء المطبوخة والأسماك، ممكن نحتفظ بيها في الثلاجة لمدة 3 أو 4 أيام، وستة أشهر في الفريزر.

مدة حفظ اللحم الفروم في الفريزر

مدة صلاحية اللحم المفروم النيئ بتنتهي بعد يومين من وضعه في الثلاجة، وبعد 4 شهور من وضعه داخل الفريزر.

اللحوم المصنعة

كمان ممكن نحفظ اللحوم المصنعة في الثلاجة لمدة 5 أيام بعد فتحها، ومن شهر لشهرين قبل فتحها.

أما مدة حفظ اللحوم المصنعة في الفريزر هي 6 أشهر.

اللحم المطبوخ

ممكن نحفظ اللحم المطبوخ في الثلاجة لمدة من 3 إلى 4 أيام، ومن شهر لشهرين في الفريزر.

قائمة بمدة حفظ الأطعمة في الفريزر

البرجر والديك الرومي

ممكن نحفظ البرجر والديك الرومي لمدة متزدش عن يومين في الثلاجة، و4 أشهر في الفريزر.

مدة حفظ الفراخ في الثلاجة

ممكن نحفظ الفراخ الطازجة في الثلاجة لمدة يوم واحد إلى يومين، ومن ستة أشهر إلى 12 شهر في الفريزر.

لكن الفراخ المطبوخة ممكن نحتفظ بيها في الثلاجة لحد 4 أيام، وستة أشهر في الفريزر.

قائمة بمدة حفظ الأطعمة في الفريزر

مدة حفظ الخضراوات في الفريزر

قبل ما نحفظ أي خضروات خصوصًا الورقية في الفريزر لازم الأول نغسلها كويس جدًا بالماء ونجففها.

بعد كدة نحفظها في كيس بلاستيك في الفريزر أو الثلاجة.

الخضراوات المطبوخة

ممكن نحفظ الخضروات المطبوخة في الثلاجة لمدة 4 أيام، مع ضرورة حفظ تلك الأطعمة المطبوخة في أوعية محكمة الغلق.

ممكن نحتفظ بالخضروات في الفريزر لمدة 18 شهرًا، لكن بشرط أن طريقة حفظها تكون صحيحة ومنعرضهاش في فترة الحفظ لتذويب وإعادة التجميد.

كمان لازم تكون المساحة المخصصة لأكياس الحفظ في الفريزر واسعة علشان نضمن توزيع التهوئة والحرارة كويس على كل المحتويات في الفريزر، ده هيساعدنا على الاحتفاظ بالقيمة الغذائية للأطعمة المجمدة.

مدة حفظ البيض والجبنة في الفريزر والثلاجة

حفظ البيض في الثلاجة

ممكن نحفظ البيض النيئ لمدة شهر في الثلاجة، وأسبوع واحد فقط للبيض المسلوق.

حفظ البيض في الفريزر

ممكن نحتفظ بالبيض في الفريزر (البياض والصفار) لمدة تصل من 6 إلى 10 أشهر.

وده بيكون عن طريق خفق البيض في وعاء مناسب.

وبعد كدة نضيف للبيض كمية قليلة من السكر أو الملح حسب الاستعمال المراد تخزينه يعني مثلًا زي الحلويات نضيف سكر.

نحط البيض المخلوط بالملح أو السكر في كيس بلاستيك أو وعاء مناسب، ونحطه في الفريزر.

مدة حفظ الفواكه في الفريزر

ممكن نحفظ الفواكه في الفريزر علشان نحافظ عليها وعلى قيمتها الغذائية لمدة 8 أشهر، كمان ممكن تكون الفترة أطول من كدة.

قد يهمك أيضًا الطرق الآمنة لتذويب الأطعمة المثلّجة

مدة حفظ العيش في الفريزر

ممكن نحتفظ بالخبز والمعجنات زي الكحك في الفريزر لمدة تصل إلى 3 أشهر، قبل ما تبدأ في فقدان جودتها.

حفظ الجبنة في الفريزر والثلاجة

ممكن نحفظ الجبن الأبيض في الثلاجة علشان نضمن عدم جفافه.

ومدة حفظ الجبنة في الثلاجة تصل لشهر.

وده بيكون عن طريق غلي كمية قليلة من الماء ونضيف ليها كمية قليلة من الخل والزيت والفلفل الأخضر الحار.

أما الجبنة الرومي والشيدر يفضل حفظها في علبة مقفولة كويس أو نلف الجبن بورق ألومنيوم.

حفظ الجبنة في الفريزر

مدة حفظ الجبنة في الفريزر بتعتمد على نوعها يعني مثلًا الجبنة الشيدار والبارمزان يمكن حفظها في الفريزر لمدة تصل إلى 8 أشهر.

أما بالنسبة للجبنة الطرية واللينة مثل الفيتا يمكن حفظها لمدة 3 أشهر في الفريزر.

ملحوظة

إذا تكون العفن على الجبنة مينفعش تناولها بعد كدة علشان منتعرضتش لخطر.

كمان ممكن نكتشف إذا كانت الجبنة صالحة أم فاسدة من خلال ريحتها.

قائمة بمدة حفظ الأطعمة في الفريزر

قد يعجبك أيضًا تخزين الطعام المطبوخ .. اعرفي إزاي تخزني الأكل بعد طبخه بشكل سليم

مدة حفظ الأسماك في الفريزر

لو هنحفظ الأسماك في الفريزر فلازم نكون عارفبين إن المدة لازم متزدش عن 4 شهور بس خوصًا الأسماك الدهنية زي السلمون وسمك الهامور والمحار.

كمان لازم نضغط على الكيس اللي هنحفظ في السمك علشان نخرج أي هواء منه علشان نمنع حدوث عملية التأكسد للسمك مع الهواء.

لازم نتأكد من أن درجة حرارة الفريزر صفر أو 18 درجة مئوية؛ علشان مدة حفظ الأسماك بتزيد كلما كانت درجة البرودة منخفضة.

مدة حفظ السمك المدخن في الفريزر

ممكن نحفظ السمك المدخن في الفريزر لمدة تتراوح من 6 إلى 9  أشهر.

والحد الأقصى لحفظ السمك المدخن الطازج في الفريزر 5 أيام.

مدة حفظ السمك المجمد في الفريزر

ممكن نحفظ الأسماك المجمدة في الفريزر لمدة من 5إلى 10 أيام.

وكمان ممكن نحفظ السمك المجمد لعدة شهور، في درجة حرارة 28 تحت الصفر.

مدة حفظ الجمبري والكابوريا و الإستاكوزا في الفريزر من 8 إلى 10 أيام.

ممكن نحفظ الجمبري والإستاكوزا والكابوريا لعدة شهور، لو درجة الحرارة سالب 28 م.

ملحوظة

يفقد الجمبري نكهته بعد حوالي 10 أيام من حفظه في الثلج المجروش.

مدة حفظ الشوربة

لو كانت الشوربة بتحتوي على خضروات أو لحوم

فممكن نحفظها  لمدة 4 ايام في الثلاجة، أو 3 أشهر كحد أقصى في الفريزر.

إليكِ طرق حفظ اللحوم بسهولة ومدة التخزين المسموح بها

نصائح لطبخ الطعام المجمد

بعد ما عرفنا مدة حفظ الأطعمة في الفريزر هنقدم شوية نصائح علشان نطبخ الطعام المجمد بسهولة:

  • أفضل طريقة علشان نذوب اللحوم المجمدة هي وضعها في الثلاجة في اليوم اللي قبل الطبخ، أو لمدة ثواني معدودة في الميكروويف.
  • كمان ممكن نحط اللحم المجمد في كيس بلاستيك مقفول في الماء ونفيتح عليه الحنفية.
  • بس لازم نغير الماء كل نصف ساعة.
  • ولازم نطبخ اللحمة على طول بعد ما تذوب علشان نمنع نمو البكتيريا.

هل ممكن نرجع اللحمة المجمدة بعد الذوبان؟

ممكن لو كان التذويب في الثلاجة، لكن غير كدة مينفعش علشان نتجنب تلفه ونمو البكتيريا.

دي كانت قائمة بمدة حفظ الأطعمة في الثلاجة سواء اللحوم النيئة أو المطبوخة أو البرجر والديك الرومي، وكمان الأسماك والخضروات والجبنة والبيض والمعجنات، ومجموعة نصائح مهمة قبل طبخ اللحمة المجمدة.

/home/ahmed-gouda/workspace/main-system

حفظ الأكل في الفريزر أمر ضروري علشان نقدر نحافظ عليه لاطول فترة ممكنة علشان كدة استعرضنا قائمة بمدة حفظ الأطعمة في الفريزر علشان نكون مطمنين على صحتنا وصحة أولادنا أطعمة زي اللحوم والفراخ والأسماك والجبنة والبيض وغيرها

 

مواضيع ذات علاقة