أفضل طرق حفظ البقوليات من التسوس .. لازم تعرفها

تعتبر البقوليات من المصادر الغذائية المشهورة والمفيدة جدًا علشان بتحتوي على بروتين وعناصر مهمة للجسم لكن مشكلة حفظها من التسوس تزعج العديد من الناس "Foodo" في الموضوع ده هيقدملك أفضل طرق حفظ البقوليات من التسوس ومجموعة نصائح مهمة جدًا.

طرق حفظ البقوليات من التسوس

البقوليات من المصادر الغنية بالبروتين غير الحيواني، كمان بتحتوي على ألياف ومجموعة فيتامينات "ب" المهمة جدًا للجسم.

ناس كتير بتواجه مشلكة في اخزين البقوليات، وده طبعًا علشان بتتعرض للتسوس وبتكون غير صالحة للأكل.

علشان كدة في السطور الجاية هنقدم مجموعة إرشادات ونصائح مهمة جدًا و طرق حفظ البقوليات من التسوس وهي:

  • لازم ننقي حبوب البقوليات كويس جدًا وإحنا بنشتريها من العطار أو من أي مكان؛ علشان في أنواع بتكون غير نظيفة وبها شوائب.
  • أما نيجي نحفظ البقوليات من التسوس، لازم نستخدم علبة زجاج أو بلاستيك وتكون محكمة الغلق.
  • لازم كمان نتأكد من نظافة وجفاف الوعاء، قبل ما نحط البقوليات، وده طبعًا علشان نتجنب الرطوبة اللي بتعتبر السبب الأول للتسوس.
  • كمان لازم نخلي بالنا ومنخلطش الحبوب القديمة مع الجديدة حتى لو من نفس النوع.
  • نحرص على غسل الوعاء كويس جدًا ونسيبه لحد ما يجف تمامًا، وبعد كدة نحط الحبوب بداخله.
  • نحرص على غلق العلبة كويس جدًا ونبعدها عن أي مكان رطب أو بتوصله أشعة الشمس المباشرة؛ علشان ده بيتسبب في فساد الحبوب.
  • لو اشترينا حبوب جديدة منحطهاش مع القديمة علشان نضمن صلاحيتها.
  • نحرج أي حبوب غير جيدة زي الحبوب المكسرة أو المفتتة أو أي حصى موجود في العلبة.
  • نحط كمية قليلة من الفلفل الأسود أو عودين من أعواد القرفة أو قرن فلفل أحمر أو رؤوس القرنفل علشان نضمن سلامة الحبوب من أي تسوس.
  • نحتفظ بالبقوليات في الثلاجة أو الفريزر علشان تدوم فترة أطول.
  • ممكن كمان نضيف كمية قليلة من الملح علشان نحمي الحبوب من التلف.

ملحوظة

ينصح بنقع حبوب البقوليات لمدة 12 ساعة قبل الطبخ علشان نسهل عملية التسوية.

كمان ممكن نضيف ربع ملعقة من بيكربونات الصوديوم لكل نصف كيلو من البقوليات أثناء النقع لتقليل وقت الطهي.

طرق حفظ البقوليات من التسوس

قد يهمك أيضًا أدوات للمطبخ مش مهم تشتريها .. متضيعيش فلوسك

نصائح مهمة جدًا لحفظ البقوليات من التسوس

في كمان شوية نصائح وإرشادات هنستعرضها مع بعض علشان سلامة حبوب البقوليات و طرق حفظ البقوليات من التسوس وهي:

نخزن حبوب البقوليات زي ما قولنا في برطمانات زجاج أو بلاستيك ونحطها في الرف السفلي للثلاجة علشان نحافظ عليها من التسوس.

طريقة كمان مهمة جدًا من طرق حفظ البقوليات من التسوس وهي لو قررنا نحتفظ بحبوب البقوليات لفترة أكثر من 6 أشهر، لازم نحطها في أكيسا قماش مع إضافة كمية قليلة من ملح الطعام الخشن.

كمان يفضل استخدام البقوليات المحفوظة خلال سنة؛ علشان لو قعدت فترة طول هتجف وهتحتاج وقت أطول للنقع في الماء علشان تنضج عند الطهي بسهولة.

أما إذا كان عمر الحبوب المحفوظة أكثر من سنة منرميهاش لأن الدراسات أثبتت إن الحبوب المجففة يمكن تخزينها لأكثر من 30 عامًا بشرط حفظها كويس.

عند طهي البقوليات المحفوظة لأكثر من عام يفضل إضافة ربع ملعقة صغيرة من بيكربونات الصودا لكل 500 جرام من الحبوب إلى الماء المنقوع به.

عند طهي الحبوب الجديدة مع الحبوب القديمة يفضل نقعها قبل طبخها لمدة 12 ساعة علشان نضمن نضجها كلها.

طرق حفظ البقوليات من التسوس

طرق حفظ البقوليات

في أكثر من طريقة ممكن نحفظ بيها البقوليات، لكن أهم شيء زي ما قولنا هو إن البقوليات تكون نوعها كويس ومش تالفة.

في السطور الجاية هنقدم طريقة حفظ البقوليات وتخزينها:

طريقة التجفيف

ممكن نستخدم طريقة التجفيف علشان نخزن البقوليات بكل سهولة في المنزل.

أول حاجة في طريقة التجفيف هي إننا نختار الحبوب اللي نوعها جيد ونجففها في الشمس علشان نتخلص من أي رطوبة موجودة فيها.

بعد كدة نحط الحبوب في برطمانات زجاج مقفولة كويس جدًا، ونحفظها في مكان بعيد عن الشمس أو الرطوبة.

زي ما قولنا قبل كدة يُفضل نحفظ حبوب البقوليات في الرف السفلي من الثلاجة.

والطريقة دي مع جميع أنواع حبوب البقوليات زي حبوب الفول والفاصوليا والعدس وفول الصويا والحمص.

طرق حفظ البقوليات من التسوس

طريقة التجميد

كمان ممكن نستخدم طريقة التجميد علشان نحفظ حبوب البقوليات لفترة طويلة.

وفي الطريقة دي بنحط حبوب البقوليات في الفريزر بعد غسلها كويس جدًا وتقطيعها.

بعد كدة بمحط حبوب البقوليات في ماء مغلي مضاف إليه رشة من الملح ورشة من السكر لمدة خمس دقائق، ونسيبها لحد ما تتصفى تمامًا من الماء.

بعد كدة نحط الحبوب في أكياس بلاستيك وتقفبها كويس جدًا، ونحطها في الفريزر.

تعتبر طريقة التجميد أفضل طريقة لتخزين الفول الأخضر والفاصوليا الخضراء واللوبيا الخضراء قبل جفافها.

ملحوظة

البسلة الخضراء يتم حفظها مباشرة في الفريزر من غير ما نغليها في الماء.

طرق حفظ البقوليات من التسوس

طريقة التعليب

من طرق حفظ البقوليات من التسوس طريقة تعليب حبوب البقوليات وديه من الطرق المشهورة في العالم كله.

لكن من الصعب تطبيقها في المنزل علشان بتحتاج أدوات ومواد خاصة.

طريق التعليب في الأغلب بيتم استخدامها في المصانع، بيتم فيها حفظ جميع أنواع البقوليات وإضافة المواد الحافظة قبل طرحها في الأسواق.

ومن أشهر البقوليات اللي ممكن تعليبها الحمص والفول وفول الصويا والفاصولياء الحمراء والبسلة.

ولو هنشتري بقوليات معلبة يبقى لازم نبص كويس على تاريخ الصلاحية، ونحفظها في مكان بعيد عن أشعة الشمس المباشرة.

أشهر أنواع البقوليات

  • الحمص
  • الفول بأنواعه زي فول الصويا، والفول العادي
  • العدس بأنواعه زي الأصفر، الأسود، الأخضر
  • البسلة بكل أنواعها
  • الترمس
  • اللوبيا
  • الفاصوليا بأنواعها زي الحمراء، السوداء، البيضاء

إليكِ طريقة تفريز عجينة البيتزا | خطوات سهلة من غير تكاليف

فوائد تناول البقوليات للجسم

الحماية من أمراض القلب

تتميز البقوليات بأنها قليلة الدهون ولا تحتوي على الكوليسترول.

علشان كدة تناول البقوليات بيقلل من فرص الإصابة بأمراض القلب.

كمان البقوليات بتحتوي على نسبة منخفضة من الصوديوم اللي بيسبب ارتفاع الضغط، هي مفيدة جدًا لمرضى الضغط المرتفع.

البقوليات مصد مهم للبروتين والمعادن

من ضمن فوائد البقوليات إنها مصد مهم جدًا للبروتين الحيواني.

يعني مثلًا 100 جرام من العدس بيحتوي على 25 جرام من البروتين.

الوقاية من الأنيميا

البقوليات مصدر مهم جدًا برضه للمعادن زي الحديد.

وبالتالي فالبقوليات مهمة جدًا لحماية الجسم من الإصابة بقر الدم (الأنيميا).

البقوليات بتحتوي على نسبة عالية من البوتاسيوم، المفيد لدعم وظائف القلب والعضلات، وبيساعد في عملية تحسين الهضم.

البقوليات غنية بالألياف

من ضمن فوائد البقوليات إنها مصدر مهم جدًا للحصول على الألياف الغذائية، اللي بتحسن صحة الأمعاء والجهاز الهضمي.

كمان البقوليات من الأغذية اللي بتمنح الجسم الشعور بالشبع لفترة طويلة.

وبتساعد على استقرار نسبة السكر ومستويات الأنسولين في الدم.

قد يعجبك أسرع طريقة لتذويب اللحوم المجمدة والأخطاء اللي بتقعي فيها

غنية بحمض الفوليك

البقوليات من أفضل مصادر حمض الفوليك، وهو من فيتامينات "ب" المفيدة في دعم وظائف الجهاز العصبي.

كمان حمض الفوليك مهم جدًا للمرأة الحامل؛ علشان بيحمي من عيوب وتشوهات الجنين.

البقوليات خالية من الغلوتين

لو بتعاني من حساسية الغلوتين فالبقوليات خيار سحري سحري ليك لأنها من الأطعمة الخالية من الغلوتين.

دي كانت طرق حفظ البقوليات من التسوس ومجموعة من النصائح والإرشادات اللي ضروري اتباعها عند التخزين والحفظ زي إننا نختار علبة أو برطمان محكم الغلق ويكون نظيف ونبعده عن الرطوبة وأشعة الشمس المباشرة وكمان قدمنا طريقة تجفيف البقوليات وطريقة التجميد أهم فوائد البقوليات للجسم. 

/home/ahmed-gouda/workspace/main-system

طرق حفظ البقوليات من التسوس من الحاجات المهمة جدًا علشان نقدر نحتفظ بيها لفترة طويلة ومن أهم النصائح إننا نحفظها في برطمان زجاج محكم الغلق وكمان نبعدها عن الرطوبة وأشعة الشمس ونختار أنوع حبوب جيدة علشان نتجنب التلف

 

مواضيع ذات علاقة