اضرار النظام الغذائي النباتي | يسبب تساقط الشعر والأنيميا والاكتئاب

هل بتفكر تتبع النظام الغذائي النباتي و تتوقف عن اكل  أي لحوم ومنتجات الحيوانية زي الألبان والزبدة والبيض، بيعتمدوا بس على الأكلات النباتية زي الفواكه والخضروات الورقة زي السبانخ والخس وغيرها.

"Foodo" في الموضوع ده هيشرح ايه هو النظام ده و  هيقدم كل اضرار النظام الغذائي النباتي وإيه هي المحاذير اللي لازم ناخد بالنا منها لو هنتبع النظام النباتي.

إيه هو النظام النباتي؟

زي ما قولنا إن النظام النباتي بيعتمد على أكل الأطعمة النباتية زي الخضروات والفواكه ومننوع أكل اللحوم أو الفراخ أو حتى الأسماك.

لكن في أنواع من النباتيين بيأكلوا عادي البيض ومنتجات الألبان، وهنشرح ده بالتفصيل.

من الحاجات الممنوع أكلها كمان عند النباتيين العسل والجيلاتين والكولاجين.

اضرار النظام الغذائي النباتي

بعد اتباع النظام الغذائي النباتي ممكن يتعرض الجسم لمجموعة من الأضرار والأعراض الجانبية.

يعني مثلًا بسبب النظام النباتي بينقص الجسم مجموعة كبيرة من المكونات الأساسية الضرورية لعمل الخلايا.

في أنواع من النباتيين بيلتزموا جدًا باتباع النظام ده، لكن ده طبعًا بيعرضهم لبعض الأضرار، بسبب نقص عناصر غذائية معينة بالجسم، علشان كدة في السطور الجاية هنعرف كل الأضرار دي:

هشاشة العظام

لو كنت بتتبع النظام النباتي بشكل صارم فأنت معرض بشكل كبير للإصابة بهشاشة العظام.

كمان النظام النباتي ممكن يسبب انخفاض كثافة العظام، ويزيد خطر الإصابة بكسور العظام بسهولة.

أكيد ده بيكون بسبب نقص الكاسيوم وفيتامين "د" الموجود في الأطعمة الحيوانية زي الألبان.

تساقط الشعر

كمان من ضمن اضرار النظام الغذائي النباتي هي زيادة فرص سقوط الشعر بشكل ملحوظ.

والسبب في ده هو إن الشخص في النظام النباتي بيقلل من أكل البروتين بشكل كبير.

ونقص البروتين في الجسم بيعمل مشكلات كبيرة زي تساقط الشعر وهشاشة العظام زي ما قولنا.

علشان كدة من الحاجت المهمة جدًا لو بنتبع النظام النباتي هي إننا نعوض نقص البروتين بعناصر ومغذيات نباتية بتحتوي على البروتين.

الأنيميا أو فقر الدم

من ضمن الأضرار والأعراض الجانبية اللي ممكن يسببها النظام الغذائي النباتي هي الإصابة بفقر الدم أو الأنيميا.

وده طبعًا بيكون بسبب إن الحديد الموجود في المصادر النباتية صعب امتصاصه، عكس الحديد الموجود في المصادر الحيوانية.

ملحوظة

لو بنتبع النظام النباتي لازم نخلي بالنا كويس جدًا من خطر الإصابة بفقر الدم ومحاولة الحصول على الحديد من الأطعمة الحيوانية ولو بنسبة قليلة.

نقص فيتامين D

من أبرز سلبيات النظام النباتي هو التعرض لنقص في فيتامين D الموجود في اللحوم والأسماك، وخصوصًا سمك السلمون، والدجاج، وزيت السمك، والجمبري، وصفار البيض.

المغذيات الموجودة في الأطعمة الحيوانية دي بتلعب دور مهم في في امتصاص الكالسيوم، ومن غيرها الجسم مش هيعرف يبني عظام قوية.

كمان يدعم فيتامين D بيدعم  وظيفة جهاز المناعة والعضلات، والأعصاب.

لكن في أشخاص نباتية بيأكلوا منتجات الألبان، والبيض، ودول بيكونوا أقل عرضة لنقص فيتامين "د" الموجود في لبيض، والجبن، والحليب.

ممكن نعوض ده بتناول جبن الصويا والحبوب الكاملة.

مشكلات في النوم

قد يعاني الأشخاص اللي بيتبعوا النظام النباتي من تغيرات منهجية في الجسم، وبسبب ده بيحصل اضطرابات في أنماط النوم.

الوقت اللي الجسم بيتخلص فيه من السموم بيكون صعب النوم فيه؛ علشان الجسم بيحتاج وقت إضافي علشان يتخلص من السموم.

اضرار النظام الغذائي النباتي

خطر على الأمعاء

لو كنت من النباتيين احذر من خطر ارتشاح الأمعاء؛ لأن النظام النباتي بيفرض عدم أكل الأطعمة الحيوانية اللي بتعتبر مصدر مهم جدًا للبروتين.

وأكيد لازم نعوض نقص البروتين ده، فبيتم اللجوء لمصادر البروتينات النباتية زي البقوليات مثلًا.

لكن مع الإفراط في تناول البقوليات نفاذية الأمعاء بتزيد بسبب الليكتين وده بيسمى الأمعاء المتسربة.

الاكتئاب

من أضرار النظام النباتي كمان أنه ممكن يعرض صاحبه لحالة من الاكتئاب.

وده بيرجع لنقص دهون أوميغا 3 اللي بتكون موجودة في الأطعمة الحيوانية، وطبعًا ممنوع أكلها عند النباتيين.

حالة الاكتئاب دي بتبتدي باضطرابات في المزاج، وبتوصل مع مرور الوقت للاكتئاب.

إليكِ اطعمة بها فيتامين د .. اهم مصادر فيتامين د من الاكل

خطر على مرضى الكبد والسكر

نقص نسبة البروتين في الجسم بيؤدي لحدوث تقلبات في نسبة السكر في الدم، وبالتالي ده بيخلي الجسم يطلب السكريات بشكل أكبر.

ولما نأكل سكريا بشكل كبير بتزيد نسبة تناول الكربوهيدرات، وبالتالي التأثير على صحة الكبد، واضطرابات في مستويات سكر الدم.

الإرهاق وقلة الشهية

بيتعرض النباتيين لمشكلة كبيرة جدًا وهي نقص فيتامين B12 الموجود في الأطعمة الحيوانية.

وده بيسبب التعب والإرهاق وفقدان الوزن وقلة شهية.

نقص الفيتامينات والعناصر الغذائية

اتباع النظام النباتي بيعرضنا لنقص في مجموعة مهمة من الفيتامينات والمعادن الغذائية اللي بتكون موجودة في اللحوم والدواجن والأسماك زي البروتين وأحماض أوميغا 3 الدهنية.

وكمان مغذيات دقيقة زي الزنك والسيلينيوم والحديد وفيتامين "ب 12".

وعدم أكل المنتجات الحيوانية زي منتجات الألبان والبيض، واللي فيها نسبة عالية من الكالسيوم وفيتامين "د" وفيتامين "ب".

الانتفاخ والإسهال

الأطعمة النباتية غنية بالألياف الغذائية وتناولها بكثرة بيؤدي لحدوث انتفاخ البطن والغازات، وتغيرات في نظام الأمعاء.

طبعًا الأعراض دي بتحصل مع الأشخاص اللي بتعاني من متلازمة القولون العصبي، خصوصًا لما يأكلوا الفول، والعدس، والملفوف، والقرنبيط، والبصل، والفول السوداني.

مش كل الناس هتعاني من الأعراض دي لكن أكثر ناس بتعاني منها هم اللي مصابين بحساسية المعدة، أو القولون العصبي.

خطر على الدماغ

من ضمن أضرار النظام النباتي الخطيرة جدًا، هي إنه ممكن يعرض صاحبه لاضطرابات في وظائف الدماغ.

وده بيكون بسبب نقص في دهون أوميغا 3، ونقص في الكرياتين اللي مصدره حيواني وخصوصًا في الأسماك.

و دهون أوميغا 3 وظيفتها تحسين وظائف الدماغ، وتقوية الذاكرة ومحاربة الخرف.

كمان الكرياتين وهو حمض أميني ينتجه الجسم، ويحسن وظيفة عمل الدماغ الإدراكية، ونقصه بسبب النظام النباتي بيؤدي لمشكلات كثيرة.

مصدر حمض الكرياتين حيواني ودماغ الإنسان بتحتاج كمية كبيرة منه علشان تقوم بعملها، وبنحصل على من تناول اللحوم، والدواجن، والأسماك.

نقص حمض الكرياتين بيؤدي للتعرض لضعف في وظائف الدماغ، وبالتالي بيزيد خطر التدهور المعرفي.

وبيكون النباتيين أكثر عرضة لخسارة بعض الوظائف الدماغية المعرفية في مراحل عمرية مبكرة.

قلة الطاقة وزيادة الوزن

النظام النباتي ممكن يزود الوزن، وده علشان النباتيين بيأكلوا أطعمة بتحتوي على سعرات حرارية قليلة لكن بكميات كبيرة علشان يحصلوا على السعرات المناسبة اللي بيحتاجها الجسم.

كمان عدم أكل اللحوم ومنتجات الألبان بيؤدي لانخفاض الطاقة، والكسل بسبب نقص التغذية.

علشان كدة لازم نأكل أطعمة نباتية صحية، ونتجنب السكريات المصنعة والزيوت، والأطعمة غير الصحية اللي بتزود الوزن.

اضرار النظام الغذائي النباتي

قد يهمك أيضًا النظام الغذائي النباتي - دليلك عشان تبقي نباتي

نصائح مهمة لتجنب اضرار النظام الغذائي النباتي

لازم نتأكد من أكل مجموعة متنوعة من الفواكه والخضروات والحبوب الكاملة ومصادر البروتين علشان نضمن الحصول على التغذية المناسبة.

كمان مهم نتناول الفيتامينات المتعددة والمكملات علشان نعوض نقص الفيتامينات والمعادن، لكن في الحالة دي لازم استشارة طبيب مختص.

أكل الوجبات المتكاملة

لازم نركز إننا نأكل الوجبات المتكاملة، علشان الجسم يحصل على الكمية اللي بيحتاجها من الفيتامينات والمعادن الضرورية له.

كمان من الحاجات المهمة جدًا إننا نعرف إيه هي العناصر والمغذيات اللي الجسم بيحتاجها، علشان نعوض النقص اللي بيحصل بسبب عدم تناول الأطعمة الحيوانية.

اتباع النظام النباتي بالتدريج

من الأمور المهمة جدًا إننا لو هنتبع النظام النباتي نتبعوا بالتدريج مش بشكل مفاجئ.

وده طبعًا علشان ميحصلش اضطراب مفاجئ في الجسم.

تناول البروتين الكامل

لازم نعوض نقص البروتين اللي بيحصل بسبب عدم تناول الأطعمة الحيوانية زي اللحوم والفراخ والأسماك.

نحاول تناول الأطعمة دي علشان نحصل على البروتين الكامل: "الذرة، الفاصوليا السوداء، الفستق وزبدة الفستق، الحمص، اللوز، بذور الشيا، بذور القرع".

استشارة إخصائي تغذية

من الحاجات المهمة جدًا طبعًا قبل بداية اتباع نظام غذائي نباتي هي استشارة إخصائي تغذية.

وده علشان يكون معانا إرشادات ونصائح خاصة، بتختلف من شخص لآخر لتجنب الأضرار المحتملة عند الالتزام بنظام نباتي.

أكلات النظام الغذائي النباتي

هناك أنواع من الأطعمة الصحية والمفيدة جدًا وتناسب النظام النباتي مثل:

الفواكه

الفواكه من العناصر المهمة جدًا في النظام النباتي، علشان بتعتبر وجبة خفيفة في نصف اليوم.

الفواكه كمان بتوفر الألياف والمعادن والفيتامينات اللي الجسم بيحتاجها.

بالإضافة إلى أن السكر الموجود في الفواكه سكر طبيعي وصحي وده بيحمي الجسم بشكل كبير.

من الفواكه المهمة جدًا واللي بتحسن الهضم وبتحمي القلب، البطيخ والتفاح والتوت والبرتقال علشان مليانة سوائل.

اضرار النظام الغذائي النباتي

الخضروات

الخضروات بتعتبر من الأصناف الأساسية والمشهورة جدًا عند النباتيين؛ علشان سعراتها الحرارية قليلة وقيمتها الغذائية عالية جدًا.

الخضروات بتحتوي على كميات كبيرة من الفيتامينات والألياف والمعادن اللي الجسم بيحتاجها.

ممكن نتناول خضروات ورقية زي السبانخ والكرنب والخس.

وخضروات تانية زي البروكلي والطماطم والجزر.

البقوليات

ممكن نعوض عدم تناول اللحوم والأسماك والفراخ، بتناول البقوليات علشان بتحتوي على نسبة عالية من البروتين.

البقوليات اللي ممكن نأكلها العدس والفول والبسلة والحمص.

المكسرات

كمان ممكن نأكل الحبوب الكاملة والمكسرات؛ لأنها بتمد الجسم بالطاقة والدهون الصحية.

الحبوب الكاملة والمكسرات كمان بتخلينا نحس بالشبع لفترة طويلة.

ممكن نأكل الشوفان والشعير والخبز الأسمر والأرز البني.

وصفات نباتية مفيدة ولذيذة

البرجر النباتي بالخضروات

 

البرجر النباتي بالخضروات

مقادير البرجر النباتي

  • 3 بطاطس متوسطة مسلوقة
  • 1 كوسة متوسطة
  •  1 كوب حمص مسلوق
  •  1 بصلة متوسطة
  •  2 فص ثوم
  •  3 ملاعق فلفل ألوان مقطع
  •  4 قطع مشروم
  •  بقدونس مفروم
  •  ربع ملعقة ملح وفلفل
  •  ثلاثة أرباع كوب بقسماط مطحون
  • ربع كوب شوفان

طريقة عمل البرجر النباتي

هنحط الكوسة من غير سلق مع البصلة والثوم والحمص والمشروم والفلفل ونفرمهم في الكابة.

نهرس البطاطس ونضيف الخضروات المفرومة وباقى المكونات.

نخلط المكونات كويس جدًا لحد ما نحصل على عجينة سهلة التشكيل.

نشكل البرجر ونحمره في الزيت بحد ما ياخد اللون الذهبي.

ممكن نستبدل الكوسه بالسبانخ والحمص بالفاصوليا، وكمان ممكن نستغنى عن المشروم والفلفل.

المسقعة

مقادير المسقعة

  • 1 حبة كبيرة باذنجان
  • 3 طماطم مقطعة مكعبات
  • 1 حبة فلفل أخضر مقطع
  • ربع كوب خل
  • 3 فصوص ثوم مهروس
  • 2 معلقة كبيرة صلصة طماطم
  • 1 معلقة كبيرة عسل أبيض
  • ربع ملعقة صغيرة ملح
  • ربع ملعقة صغيرة كمون
  • زيت

طريقة تحضير المسقعة

نغسل الباذنجان وتقطعه مكعبات.

نحط الباذنجان في مصفاة ونرش عليه الملح ونسيبه يتصفى من الماء.

نشطف الباذنجان ونحطه في المصفاة تاني.

نحط كمية قليلة من الزيت في طاسة على النار ونسيبه يسخن شوية.

نقلي الباذنجان في الزيت لحد ما يحمر.

نرفع الباذنجان من على النار ونحطه على مناديل مطبخ علشان نتخلص من الزيت الزيادة.

طريقة عمل صلصة المسقعة

نحط ملعقتين زيت في طاسة.

نضيف الثوم ونقلب لحد ما الثوم ياخد لون دهبي.

نضيف الخل والطماطم ونقلب تاني.

نتبل الصلصة بالملح والكمون ونسيبها على النار تتسبك.

نرفع الصلصة من على النار.

نضيف الباذنجان بحرص علشان يفضل سليم.

نحط المسقعة في الثلاجة لحين التقديم.

 

دي كانت كل اضرار النظام الغذائي النباتي والخطر اللي بيشكله على صحة الجسم زي فقدان الطاقة وزيادة الوزن وكمان زيادة فرص الإصابة بضعف الذاكرة وهشاشة العظام وخطورته على مرضى الكبد والسكر، وكمان قدمنا شوية نصائح مهمة جدًا لازم نتبعها أثناء النظام النباتي وأكلات ووصفات مفيدة جدًا.

/home/ahmed-gouda/workspace/main-system

اضرار النظام الغذائي النباتي متعددة خصوصًا لما نتبعه بشكل صارم ده بيعرضنا لخطر هشاشة العظام بسبب نقص الكاسيوم وكمان الأنيميا وضعف الذاكرة وقلة النشاط والإرهاق علشان كدة لازم نعوض الجسم بفيتامينات يحتاجها ونستشير إخصائي تغذية علشان نتجنب أي ضرر خطير

 

مواضيع ذات علاقة