فوائد النظام النباتي للبشرة .. بيحميها من الحبوب والتجاعيد

كتير من الأشخاص بيلجأوا لإنهم يمشوا على النظام النباتي عشان خاطر فوائد النظام النباتي للبشرة والشعر و الصحة العامة، وده بيكون سببهم الرئيسي. 

والنظام النباتي هو عبارة عن إننا ناكل الأغذية النباتية بس ونمنع بشكل تام أي منتجات حيوانية، و في دراسات كثير اثبتت فوائد النظام ده علي الصحة اللي من ابرزها  تعزيز صحة القلب، تقليل خطر الإصابة بمرض السكري،  المساهمة في الحماية من السرطانات و خفض ضغط الدم المرتفع.

لكننا في موضوعنا النهاردة من موقع "فودو" هنركز على فوائد النظام النباتي بس وخاصة فوايده للبشرة وفوايده الجمالية بشكل عام.

فوائد النظام النباتي للبشرة 

مكافحة حب الشباب 

الأنظمة النباتية بشكل عام قايمة على إننا ناكل نباتات بس ونمنع المنتجات الحيوانية، وبالتالي فإحنا كل فوايد الخضار والفاكهة للبشرة هتتركز أكتر وأكتر لما مناكلش غيرهم. 

على سبيل المثال الخضار والفاكهة بيكافح حب الشباب، ده غير إننا بنمنع في النظام ده الألبان اللي هي أسوأ مسبب غذائي للحب. 

وبالتالي فلما نشيل اللبن من وجباتنا ده هيحسن البشرة بشكل كبير من ناحية طلوع حبوب الشباب فيها. 

كمان النظام النباتي بيحسن بشرة الجسم نفسه بسبب الخضار والفاكهة اللي مليان فيتامينات وعناصر غذائية مفيدة للجسم. 

وفيه دراسات كتير أكدت أن الناس اللي بيتبعوا النظام النباتي بشرتهم بتبقى مشرقة أكتر وأقل انتفاخًا. 

فوائد النظام النباتي للبشرة 

الحفاظ على البشرة الدهنية

إحنا نقدر ناكل بذر الكتان بسهولة في نظامنا الغذائي النباتي، والنوع ده من الزيوت في زيوت طبيعية مفيدة للبشرة.

والزيوت الطبيعية الموجودة في بذر الكتان بتساعد البشرة الدهنية بشكل خاص؛ لأن بتساعد في موازنة إنتاج الزيت في الجلد، وتقليل المسام المسدودة.

كما إن الأحماض الدهنية والقشور الموجودة في بذور الكتان بحسن مظهر البشرة بشكل عام.

والحبوب الكاملة بشكل عام بتلعب دور مهم في إنتاج الزهم اللي بيحافظ على صحة الجلد والبشرة. 

إليك أيضًا: رجيم اتكنز .. شوفي فوائده واضراره وازاي تمشي عليه

مكافحة التجاعيد 

الأكل النباتي اللي بيعتمد على الخضار والفاكهة بيبقى فيه كمية كبيرة من مضادات الأكسدة الطبيعية. 

ومضادات الأكسدة الطبيعية بتحارب الجذور الحرة اللي بتسبب علامات الشيخوخة والتجاعيد والتصبغ في البشرة. 

وطبعًا كل ما نزود أكل خضار وفاكهة كل ما هنزود مضادات الأكسدة في الجسم، وبالتالي التجاعيد هتقل. 

بالإضافة إلى ذلك فالخضار والفاكهة برده مليئين بحمض الهيالورونيك وفيه منهم اللي بيساعد على تعزيز إنتاج حمض الهيالورونيك في الجسم، والحمض ده بيقلل الخطوط الدقيقة والتجاعيد.

مكافحة التجاعيد من فوائد النظام النباتي للبشرة 

كيف يعالج النظام الغذائي النباتي مشاكل البشرة

النظام الغذائي النباتي كمان قادر على إنه يعالج مشاكل البشرة المختلفة زي الحبوب والتجاعيد.

كما إنه قادر على يعالج مشكلة آثار الالتهابات الحادة والمزمنة، والحالات الجلدية المختلفة زي الحساسية والأكزيما. 

ونقدر نقول بشكل صريح إن مفيش دراسات كتير بتكشف عن وجود آثار مضرة للنباتات على الجلد.

لكن بالعكس فالنباتات العضوية بتقلل من الالتهابات الجهازية، غير إن استهلاك الخضروات البرتقالية زي والجزر والبطاطا بيزود استهلاك البيتا كاروتين وهو مضاد أكسدة بيحارب الجذور الحرة وبيدي البشرة نضارة.

برده إحنا بناكل فكاهة كتير في النظام ده زي التفاح والكيوي والمانجة، ودول فيهم فيتامين ج اللي بيدعم حيوية الجلد والبشرة.

بالإضافة إلى ذلك فالفواكه والخضروات فيها مستويات عالية من مضادات الأكسدة اللي بتمنع الشيخوخة المبكرة.

كيف يعالج النظام الغذائي النباتي مشاكل البشرة

فوائد الدايت الفيجن للبشرة 

الدايت الفيجن النباتي ده عبارة عن دايت بيقوم على الاستغناء عن كله ما هو غير نباتي.

وده معناه إننا بنستغنى وبنوقف أكل اللحمة والسمك والفراخ ومشتقات الألبان والبيض، وبنستبدلها بالخضار والفاكهة والمكسرات والحبوب.

الدايت ده بيساعد في إخراج كل السموم من الجسم وبيسرّع عملية الأيض، وبالتالي خسارة الوزن.

والخضار والفاكهة اللي بنعتمد عليهم بيبقى فيهم نسب عالية من المية وده اللي بيساعد في ترطب البشرة وتخفيف الالتهابات. 

كمان الدايت ده بيحتوي على فيتامينات كتير بتحتاجها البشرة، وده اللي بيساعد على تجديد الخلايا وتعزيز الدورة الدموية.

بالإضافة إلى ذلك فالخضار والفاكهة دول فيهم مواد مضادة للأكسدة كتير، وده بيساهم في إنتاج الكولاجين المفيد للبشرة.

وبالتالي لما يزيد إنتاج الكولاجين ده هيحميها من الشيخوخة والتجاعيد وآثار تقدم العمر.

ومن ضمن الأكل المفيد في  النظام ده في حماية البشرة من البثور وحب الشباب "الليمون، القرنبيط، البطيخ السبانخ، الخس، الأفوكادو، البقدونس، الخيار وغيرها".

فوايد دايت فيجن للبشرة 

فوائد النظام النباتي 

بشكل عام فالنظام النباتي ليه فوايد كتير لصحة الجسم مش للبشرة بس، زي مثلًا تعزيز صحة القلب وفقدان الوزن. 

أول فايدة للنظام ده هي إن بيقوي القلب وبيعزز صحته، لأن بيقلل فرص الإصابة بأمراض القلب أصلًا. 

وده بيرجع لأن النظام ده بناكل فيها المكسرات والدهون الصحية اللي بتدعم صحة القلب وتحمي الشرايين. 

أما الحاجة التانية اللي بيعملها فهو بيقلل فرص الإصابة برده بمرض السكري من النوع التاني، لأن النباتات بتنظم مستوى سكر الدم، غير إنها بتقلل الوزن.

والحاجات المتاحة لينا في النظام ده وفيها سكريات محدودة جدًا زي البطاطس والنشويات، وإحنا ممكن نستبدلها بالكربوهيدرات المعقدة زي بذور الكتان والشيا. 

حاجة كمان بيعملها النظام ده وهي إنه بيقلل الدهون المشبعة لأننا مش بناكل حاجة فيها دهون زي اللحمة والفراخ.

غير كمان أن الألياف الغذائية فيه بتبقى عالية جدًا، وده بيساهم في تقليل خطر الإصابة بأنواع السرطانات المختلفة.

وده بيرجع لأن تناول الدهون المشبعة بيعزز فرص الإصابة بالسرطان، لكن إحنا بنمنعها في النظام الغذائي النباتي. 

ونقدر إننا نستفيد بتقليل فرص الإصابة بالسرطان لما ناكل البقوليات والخضار والفاكهة ومنتجات الصويا. 

كمان الأشخاص اللي مش بياكلوا لحوم بيكون مستوي ضغط الدم عندهم قليل، وبالتالي فالنظام النباتي بيقلل مستوي ضغط الدم العالي.

بشكل عام فالنظام الغذائي النباتي بيخفض خطر الإصابة بحصى الكلى، وبيحمي من هشاشة العظام، وبيكافح نوبات الربو. 

في الآخر لازم تعرفي إن النظام الغذائي النباتي ليه فوايد كتير على البشرة والجسم، فهو بيحميها من الحبوب وبيخليها نضرة أكتر، غير إن بيخلي صحتنا أفضل، وبالتالي فإحنا ضروري نعرف إيه الأكل المفيد لينا في النظام ده وناكله. 

اقرأ أيضًا: النظام الغذائي النباتي - دليلك عشان تبقي نباتي

/home/ahmed-gouda/workspace/main-system

النظام الغذائي النباتي ليه فوايد كتير على البشرة والجسم، فهو يحميها من الحبوب وبيخليها نضرة أكثر، غير أن بيخلي صحتنا أفضل، وبالتالي فإحنا ضروري نعرف إيه الأكل المفيد لينا في النظام ده وناكله. 

 

مواضيع ذات علاقة