طريقة تفريز عجينة البيتزا | خطوات سهلة من غير تكاليف

كثير من الناس بيدوروا على طريقة تفريز عجينة البيتزا وده طبعًا علشان نحفظها ونخزنها لأطول فترة ممكنة وتحضيرها و استخدامها عند الحاجة يسهولة،  "Foodo" في الموضوع ده هيقدملك الطريقة وكمان طريقة تحضير عجينة البيتزا من الأساس وكيفية إذابة العجينة بعد تجميدها.

بالتأكيد تفريز عجينة البيتزا يوفر الوقت والجهد وبتعتبر طريقة أفضل بكثير من إننا نحضر العجينة اول بأول.

علشان كدة ناس كثيرة بتلجأ لعمل كمية كبيرة من العجين وتقسيمها لكرات صغيرة وتفريزها واستخدامها عند الحاجة.

في السطور الجاية هنشرح طريقة تحضير عجينة البيتزا:

إزاي أعمل عجينة البيتزا ؟

قبل ما نوضح طريقة حفو و تجميد العجينة، خلينا الأول نعرفك لو هنعمل عجينة البيتزا في البيت في شوية خطوات لازم نمشي عليها، هنعرفها كلها بالتفصيل علشان نحصل على عجينة مثالية وجاهزة للتفريز.

مقادير عجينة البيتزا

  • 6 أكواب دقيق
  • 2 ونصف كوب ماء دافئ
  • ربع كوب سكر
  • ربع كوب زيت نباتي أو زيت زيتون
  • 3 ملاعق صغيرة خميرة فورية
  • 2 ملعقة صغيرة ملح

طريقة تحضير عجينة البيتزا

في الأول هنحط الدقيق والملح في وعاء، ونقلب كويس جدًا.

بعد كدة نسيبه على جنب علشان نحضر الخميرة.

نحط السكر الماء والخميرة في وعاء كبير ونقلب كويس جدًا.

نسيب الخليط في مكان دافئ لمدة دقائق، لحد ما تتكون رغوة على الوش.

نضيف الزيت ونقلب كويس.

وبعد كدة نحلط الدقيق تدريجيًا للخليط نصف كوب في كل مرة ونعجن لحد ما العجيبن يكون طري ومتماسك.

نحط العجينة في وعاء مدهون بكمية قليلة من الزيت وبعد مدة نهدنه من فوق بالزيت.

نغطي الوعاء بورق بلاستيك نايلون أو فوطة نظيفة ونسيبه في مكان دافئ لمدة ساعة علشان يتخمر ويتضاعف حجمه.

بعد كدة نحط العجين على سطح رخامة مثلًا مرشوشة بكمية قليلة من الدقيق، ونشكله على هيئة كرات صغيرة.

نقطع العجينة إلى 3 أو 4 أجزاء متساوية ونستخدم كل واحدة عند التحضير، ونسيب الباقي في الفريزر، وهنعرف بالتفصيل طرق تفريز عجينة البيتزا.

طريقة تفريز عجينة البيتزا

قد يهمك: طريقة تلميع الأواني الألومنيوم بأفكار مُذهلة.. ستجعلها جديدة

طريقة تفريزعجينة البيتزا

علشان أطفالنا وحتى الكبار بيحبوا البيتزا هنقدم طريقة تجميدها علشان نستخدمها في أي وقت نحبه.

وكمان علشان تحضير البيتزا بياخد وقت طويل من تحضير العجين وتخميره، وتزيين البيتزا وتسويتها.

في السطور الجاية هنعرف مع بعض طريقة تفريز عجينة البيتزا :

أول حاجة نقسم العجين إلى كرات متساوية الحجم تكفي لخبز بيتزا واحدة لكل مرة.

بعد كدة هندهن كل كرة من العجين بكمية قليلة من زيت الزيتون أو أي زيت نباتي موجود.

نحط كل كرة في كيس منفصل لوحدها، ونفرغها كويس جدًا من الهواء، ونرتبها في الفريزر.

نفرد كل كرة من العجين ونقفل الكويس كويس جدًا ونغلفها بكيس وبعد كدة بورق نايلون.

نحتفظ بعجينة البيتزا في الفريزر مفرودة؛ علشان نستخدمها بعد كدة.

ملحوظة

ناخد بالنا من كتابة تاريخ التحضير على الأكياس من الخارج، علشان نعرف تاريخ التخلص من العجين.

ده طبعًا لو هنحفظه مدة طويلة، وعلى كل حال المدة اللي ممكن نحفظ العجين فيها في الفريزر هي 3 أشهر.

طريقة تفريز عجينة البيتزا

قد يهمك أيضًا تخزين البامية .. هل يمكن تخزين الباميه بدون سلق؟

نصائح مهمة قبل تفريز عجينة البيتزا

في شوية نصائح مهمة لازم نعرفها كويس قبل تفريز عجينة البيتزا وهي:

  • لازم نتأكد من تخمير العجينة وتقسيمها إلى كرات متوسطة الحجم قبل تفريزها.
  • كمان المدة اللي ممكن تفريز فيها عجينة البيتزا هي 3 أشهر، ونخرجها من الفريزر ليلة قبل ما نستخدمها.
  • من الحاجات المهمة جدًا كمان هي إننا نتأكد من دهن كرات عجينة البيتزا بالزيت من كل الجهات.
  • نحط عجينة البيتزا في كيس مناسب للفريزر.
  • لما نحب نستخدم عجينة البيتزا نحط كيس العجين في الثلاجة لمدة 12 ساعة أو ليلة كاملة علشان الثلج يذوب.
  • قبل ما نعمل البيتزا نحط العجينة على رخامة علشان تاخد درجة حرارة المكان لمدة نصف ساعها قبل ما نفردها.
  • ندعك العجينة كويس وبعد كدة نفردها ونوزع عليها المكونات اللي عاوزينها.
  • بعد كدة ندخلها الفرن لمدة 20 دقيقة.
  • ممكن نتبع الخطوات اللي فاتت دي في تفريز أي معجنات.

طرق إذابة عجينة البيتزا

زي ما قولنا طريقة تفريز العجينة هنشرح دلوقتي طريقة إذابة عجينة البيتزا المجمدة علشان نستخدمها.

أول حاجة نحط عجينة البيتزا المجمدة في الثلاجة لمدة 12 ساعة.

بعد كدة نخرج العجينة من الثلاجة قبل ما نستخدمها بحوالي نصف ساعة.

نحط أكياس العجين المجمدة في وعاء به ماء فاتر.

ناخد بالنا إن تكون الأكياس مقفولة كويس علشان الماء ميتسربش للعجين ويبوظ.

نبدل الماء كل نصف ساعة تقريبًا.

نحط أكياس العجين المجمدة على رف أو رخامة في درجة حرارة الغرفة لمدة من ساعتين إلى 4 ساعات قبل ما نستخدمه.

طريقة تفريز عجينة البيتزا

قد يعجبك أيضًا خطوات لترتيب دولاب المطبخ | إليكِ طرق رائعة ومبتكرة

طريقة تحضير بيتزا بالخضروات والطماطم والجبن

تحضير بيتزا بالخضروات والطماطم والجبن سهل جدًا لو اتبعنا الخطوات دي:

المكونات

  • علبة صلصة طماطم
  • كوب إلا ربع ماء
  • ربع كوب زيت الزيتون
  • ملعقة كبيرة تتبيلة إيطالية
  • نصف ملعقة صغيرة ثوم
  • ثمن ملعقة صغيرة شطة
  • فلفل أسود (حسب الرغبة)
  • 2 ثمرة طماطم مقطعة مكعبات
  • عجينة بيتزا
  • 6 ثمرات طماطم مقطعة شرائح رفيعة
  • جبنة موتزاريلا

طريقة التحضير

أول حاجة هنخلط صلصة الطماطم والماء والزيت في وعاء صغير.

بعد كدة نضيف الطماطم المقطعة والتتبيلة الإيطالية، والثوم والشطة.

نضيف الفلفل الأسود للخليط ونحط الوعاء على النار لمدة لمدة 20 دقيقة علشان الصلصة تكون كثيفة وتتسبك.

بعد كدة نفرد عجينة البيتزا في صينية مدهونة بالزيت ونحط فوق الوش الصلصة وشرائح الطماطم، ونرش الجبنة.

نحط صينية البيتزا في الفرن الساخن، ونسيبها 20 دقيقة لحد ما تستوي.

طريقة عمل بيتزا بالخضروات والزيتون

لو عاوز تحضر بيتزا بالخضروات والزيتون حضر المكونات دي واعرف الطريقة السهلة ليها:

المكونات

  • عجينة بيتزا
  • نصف كوب طماطم مجففة
  • بصلة متوسطة الحجم مقطعة شرائح
  • نصف كوب زيتون أسود مقطع شرائح
  • ربع كوب أو نصف جبن شيدر مبشورة
  • نصف كوب جبن موزاريلا مبشورة
  • ربع ملعقة ملح وزيها فلفل أسود

طريقة تحضير بيتزا بالخضروات والزيتون

أول حاجة هنفرد عجينة البيتزا في صينية متوسطة.

بعد كدة ندهن الصينية بكمية قليلة من الزيت.

نحط شرائح البصل في كمية قليلة من الزيت في طاسة على النار.

نرفع البصل بعد ما يدبل ونسيبه على جنب.

نحط الطماطم المجففة على العجينة مع الزيتون الأسود والبصل.

نرش الصينية بالجبن الشيدر والجبن الموزاريلا.

نحط الصينية في فرن ساخن، وسيبها لمدة ربع ساعة لحد ما تستوي.

نخرج الصينية من الفرن ونقطعها ونقدمها ساخنة.

اقرأ أيضًا 10 حيل ذكية هتساعدك في المطبخ وتوفرلك وقت ومجهود

طريقة عمل بيتزا الخضار والفراخ

لو نفسك تعمل البيتزا بالخضار والفراخ اعرف كل المكونات اللي هتحتاجها، وكمان طريقة التحضير:

المكونات

  • ملعقة كبيرة خميرة فورية
  • 2 كوب دقيق أبيض
  • كوب ماء فاتر
  • 2 ملعقة كبيرة زيت زيتون
  • 2 ملعقة صغيرة سكر
  • ملعقة صغيرة ملح

مقادير حشوة البيتزا

  • نصف كوب جبنة شيدر مبشورة
  • 2 ملعقة كبيرة جبن بارميزان مبشورة
  • صدر دجاجة مقطع ومسلوق
  • كوب بروكلي طازج مفروم
  • 1 بصلة صغيرة مفرومة وناعمة
  • 1 فلفل أخضر حلو مقطع
  • نصف كوب صغير مايونيز
  • 2 ملعقة كبيرة خردل
  • نصف ملعقة صغيرة ملح
  • نصف ملعقة صغيرة فلفل أسود
  • 2 فص ثوم مفروم ناعم

طريقة تحضير البيتزا بالفراخ

أول حاجة هنحط الخميرة والسكر في كوب ماء.

وبعدين نخلط الدقيق، وزيت الزيتون، والملح، ونضيف خليط الخميرة.

نقلب الخليط كويس جدًا لحد ما تكون العجينة متجانسة.

نغطي الوعاء بفوطة نظيفة ونسيبه لمدة ساعة علشان العجينة تتخمر ويتضاعف حجمها.

نخلط صدر الدجاج المقطع مع البروكلي والبصل والفلفل الأخضر، والمايونيز والخردل والثوم المفروم والملح والفلفل الأسود.

ندهن العجينة بالزيت، وبعد كدة نحط الحشوة على العجينة، ونوزعها كويس.

ندخل الصينية الفرن على درجة حرارة 200 درجة مئوية، ونسيبها لمدة نصف ساعة.

نرش الصينية بالجبنة، وونسيبها في الفرن لمدة ربع ساعة تستوي.

بيتزا الخضار والفراخ

دي كانت طريقة تفريز عجينة البيتزا وكمان شوية نصائح مهمة جدًا قبل ما نبدأ عملية التفريز لازم نعملها علشان العجينة تكون صالحة للاستخدام بعد كدة، وكمان شرحنا طريقة عمل عجينة البيتزا في المنزل وطريقة إذابة العجين المجمد علشان نقدر نأكل البيتزا في أي وقت.

/home/ahmed-gouda/workspace/main-system

طريقة تفريز عجينة البيتزا سهلة وبسيطة جدًا علشان نستخدمها في أي وقت نحبه وطبعًا في شوية نصائح قبل التجميد وبعده علشان نضمن سلامة العجين زي إننا نحفظ العجين في أكياس مقفولة كويس ومنسبهاش أكثر من 3 أشهر

 

مواضيع ذات علاقة