ممكن نضطر لإننا ندوب اللحمة بصورة سريعة جدًا بسبب الوقت الضيق، وده ممكن يحصل للسيدات العاملات أكتر من غيرهن.
لكن الطرق السريعة جدًا دي ممكن تسبب الأمراض وتضر بصحتنا؛ بسبب إنها بتضاعف البكتيريا الضارة في اللحوم.
ومن الطرق الغلط اللي بتلجأ ليها بعض السيدات هي إننا نحط اللحمة المجمدة في المية المغلية أو السخنة.
وطبعًا الطريقة دي بتزود البكتيريا الضارة بشكل كبير في اللحمة، على الرغم من إنها بتدوبها بشكل سريع لكن مضرة.
فيه كمان طريقة الميكروويف اللي بنستخدمه عشان ندوب اللحمة علطول أول ما تطلع من الفريزر.
الميكروويف برده بيعمل على تكاثر البكتيريا الضارة، وعشان نقلل الموضوع شوية بنطبخها علطول أول ما تطلع من الميكروويف.
أخر طريقة غلط ودي تقريبًا كلنا بنعملها هي إننا نسيب الأكل واللحمة يدوبوا في درجة حرارة الغرفة؛ لأن الأكل مينفعش يتساب بره التلاجة ساعتين كاملين.
وبالتالي فإن أكتر طريقة صح وسليمة هي إننا نحط اللحمة في كيس مقفول ونحطه في مية باردة ونغير المية كل نص ساعة تقريبًا.
المية الباردة مش بتساعد على تكاثر الجراثيم والبكتيريا وكمان مش هنحط اللحمة فيها بشكل مباشر.
وفيه الطريقة التانية اللي هي بنحط الأكل أو اللحمة في التلاجة عشان تدوب بشكل آمن لكنه هيبقى بطيء جدًا.
