أفضل طرق تجفيف الفواكه | خطوات سهلة جدًا وتكاليف أقل

ناس كتير بتدور على طرق تجفيف الفواكه علشان يحفظوها لفترة طويلة أو يستفيدوا منها بعد تجفيفها خصوصًا إن عملية التجفيف بتعتمد على تفريغ الفواكه من الماء وتكون غنية بالطاقة "Foodo" النهاردة هيقدم كل الطرق دي وكمان فوائد الفواكه المجففة الرائعة للجسم.

إيه هو تجفيف الفواكه؟

تجفيف الفواكه بيتم عن طريق تفريغ الفواكه من غالبية الماء الموجودة فيها، وفي نفس الوقت نحافظ على قيمتها الغذائية وطعمها اللذيذ.

بعد ما بنجفف الفواكه طبعًا حجمها بيكون أقل لكن نسبة الطاقة فيها بتكون كبيرة جدًا.

ولو جينا نستعرض أبرز الفواكه اللي ممكن نجففها، هنلاقي الزبيب أشهر نوع، وبعد كدة  التمر، والخوخ، والتين، والمشمش.

فايدة تجفيف الفواكه الرئيسية هو إننا بنقدر نحفظ الفاكهة فترة أطول، وممكن نستخدمها كوجبة خفيفة على مدار اليوم.

طرق تجفيف الفواكه

في أكثر من طريقة ممكن نستخدمها في تجفيف الفواكه، وفي السطور الجاية هنعرف شرح كل طريقة وإزاي نقدر نجفف الفواكه من غير ما تبوظ.

أول طريقة ممكن نجفف بيها الفواكه هي الفرن ودي بندخل فيها الفواكه الفرن وهنشرحها بالتفصيل.

تاني طريقة لتجفيف الفواكه هي التجفيف بالشمس، ودي طريقة تكلفتها قليلة جدًا وناس كتير بتستخدمها.

ثالث طريقة لتجفيف الفواكه هي استخدام المجفف الكهربائي، هنشرح كل الطرق دي بالتفصيل، وكمان هنقدم فوائد الفاوكه المجففة وإيه اللي ممكن يحصل للجسم لو تناولنها كل يوم.

أرخص طرق تجفيف الفواكه

لو هنستخدم أرخص طريقة لتجفيف الفواكه فهي زي ما قولنا ممكن نستخدم الشمس.

وكمان الطريقة دي ممتازة جدًا في تجفيف الفواكه.

لكن علشان نستخدم الطريقة دي في تجفيف الفواكه لازم تكون درجة الحرارة مرتفعة جدًا في الصيف مثلًا متقلش عن 30 درجة.

كمان لازم نسبة الرطوبة تكون قليلة.

في السطور الجاية هنشرح خطوات تجفيف الفواكه بالشمس:

  • لو هنجفف الفواكه بالشمس يبقى لازم نختار فاكهة ناضجة زي مثلًا التفاح أو العنب، أو المشمش، أو البرقوق، أو الطماطم.
  • وبعد كدة نغسل الفاكهة كويس جدًا بالماء، ونقطعها شرائح متساوية.
  • نوزع الفواكه على رف التجفيف ويكون من الستانلس ستيل أو الخشب.
  • نغطي الفواكه بشاش نظيف، علشان نحافظ عليها من الحشرات والذباب.

في شوية حاجات لازن نعملها برضه لو استخدمنا الشمس في تجفيف الفواكه وهي:

  • ندخل رفوف الفواكه المجففة في الشمس إلى البيت في الليل.
  • وبعد كدة نخرجها تاني الصبح أما الشمس تطلع وتكون قوية.
  • نحط رفوف التجفيف في الشمس وفي جو جاف ونسيبها لمدة من يومين إلى 6 أيام.

طرق تجفيف الفواكه

قد يهمك أيضًا اختيار لوح التقطيع المناسب لك وكيفية تنظيفه والحفاظ عليه

تجفيف الفواكه بالفرن

أول حاجة لو هنستخدم الفرن لازم نختار فاكهة ناضجة زي التفاح مثلًا أو التوت أو الموز أو المشمش وميكنش فيها أي كدمات.

بعد كدة هنغسل الفاكهة بتاعتنا كويس جدًا بالماء، ونقشرها ونتخلص من البذر.

الخطوة اللي بعد كدة نقطع الفواكه قطع متساوية وسميكة.

ملحوظة

في أنواع من الفواكه مش بتحتاج تقطيع زي المشمش والتوت الأزرق، والكرز، ودول يفضل تجفيف الحبة كاملة.

بعد كدة نوزع قطع الفواكه في صينية الفرن وتكون مبطنة بورق الزبدة أو قطعة قماش قطنية، ونخلي بالنا إننا نسيب مساحة بين قطع الفواكه.

بعد كدة نحط الصينية في الفرن، بس لازم نشغل الفرن علشان يسخن قبل ما نحط الصينية على درجة حرارة 76 درجة مئوية ونسي الفواكه في الفرن لمدة من 4 إلى 8 ساعات ونسيب باب الفرن مفتوح شوية.

وده طبعًا بعتمد على سمك قطع الفواكه.

نقلب الفواكه كل نصف ساعة، وده علشان الفواكه المجففة تكون طرية مش مقرمشة.

بعد كدة نخرج الصينية من الفرن، ونسيبها على جنب لمدة 12 ساعة.

نحط الفواكه المجففة في علبة مقفولة كويس ونخزنها.

ملحوظة

لو هنجفف فاكهة غير حمضية، لازم نحطها الأول في عصير برتقال أو ليمون مخفف بالماء لعدة دقائق.

وده طبعًا علشان فيتامين C بيمنع تحول لون الفاكهة إلى اللون البني.

طرق تجفيف الفواكه

تجفيف الفواكه بالمجفف الكهربائي

كمان في طريقة حلوة جدًا ممكن نستخدمها في التجفيف وهي استخدام المجفف الكهربائ.

وفي السطور الجاية هنشرح بالتفصيل طرق تجفيف الفواكه بالطريقة دي:

أول حاجة زي ما اتفقنا في الطرق اللي فاتت هو إننا نختار نوع فاكهة ناضجة، زي الكيوي، والأناناس، والليمون مثلًا.

بعد كدة نغسل الفواكه كويس جدًا بالماء.

نقطع الفواكه شرائح متساوية الحجم.

بس في أنواع فواكه زي التوت الأزرق مثلًا لازم نعمل في نصف الثمر ثقوب صغيرة بالسكينة علشان الحبة بتتجفف كاملة زي ما هي.

نرص الفواكه في صينية.

بعد كدة نحط الصينية في المجفف الكهربائي على درجة حرارة 57 درجة مئوية.

نسيب الصينية في المجفف لمدة 24 ساعة علشان الفواكه تجف.

نخرج الصينية من المجفف ونحفظها في علبة مقفولة كويس جدًا ونستخدمها عند الحاجة.

طرق تجفيف الفواكه

فوائد الفواكه المجففة

لو جينا نتكلم بقى عن فواكه الفواد المجففة فهي كثيرة جدًا، ممكن ندخلها للنظام الغذائي بتاعنا وده طبعًا علشان بتحتوي على عناصر غذائية ومعادن وفيتامينات مفيدة جدًا، هنشرحها بالتفصيل.

الفواكه المجففة مصدر غني جدًا بالألياف الغذائية المفيدة للجسم.

الألياف الموجودة في الفواكه المجففة ليها فوائد رائعة زي:

تعزيز صحة وعمل الأمعاء بشكل رائع.

كمان ممكن ناكل فواكه مجففة علشان تساعدنا نتحكم في مستويات السكر في الدم.

من الحاجات المفيدة جدًا برضه للفواكه المجففة هي إنها بتقلل مستويات الكوليسترول، وبتساعد على إنقاص الوزن.

كمان الفواكه المجففة بتحتوي على مضادات أكسدة اللي بتحمي الجسم من الجذور الحرة اللي بتسبب أمراض القلب والسرطان.

الفواكه المجففة بتحتوي على فيتامينات ومعادن، زي فيتامين أ، وفيتامين ك، وكمان الحديد، والماغنيسيوم، والبوتاسيوم.

من ضمن فوائد تجفيف الفواكه كمان إن مدة صلاحية تخزينها طويلة، كمان نقلها من مكان لمكان سهل جدًا علشان خفيفة الوزن.

طرق تجفيف الفواكه

إليكِ أفضل عبوات تخزين المواد الغذائية

فواكه سلهة التجفيف ومفيدة جدًا

هنستعرض في السطور الجاية فوائد بعض الفواكه اللي ممكن نخزنها، ونشوف إزاي ممكن تناولها يفيدنا ويغير حياتنا:

البلح

أكيد البلح من الفواكه اللي بتحتوي على مواد وعناصر غذائية مهمة زي مضادات الأكسدة والحديد والبوتاسيوم والألياف.

كمان البلح مفيد جدًا خصوصًا في الأسابيع الأخيرة من الحمل علشان بيسهل عملية الولادة.

البلح بيساعد على توسيع عنق الرحم ويقلل الحاجة للطلق الصناعي.

الخوخ المجفف

ممكن نجفف الخوخ علشان نستفيد من عناصر زي فيتامين أ، وفيتامين ك.

كمان الخوخ فيه كمية كبيرة من الألياف، وبيساعد على تليين الأمعاء وعلاج الإمساك.

الخوخ مصدر مهم جدًا لمضادات الأكسدة وبيمنع تأكسد الكوليسترول الضار.

كمان الخوخ بيحمي من الإصابة بأمراض القلب والسرطان.

الخوخ بيكافح هشاشة العظام علشان غني بمعدن البورون المفيد للعظم.

الزبيب المجفف الرائع

الزبيب المجفف بيجتوي على نسبة عالية جدًا من الألياف والمعادن زي البوتاسيوم.

كمان من فوائد الزبيب أنه من الفواكه اللي لو أكلنا كمية كبيرة منها نسبة السكر مش هترتفع.

الزبيب برضه بيقلل ضغط الدم، ويزيد من الشعور بالشبع وامتلاء البطن بعد أكله.

التفاح المجفف

التفاح من الفواكه اللي ممكن نجففها بأي طريقة نحبها زي ما قولنا.

التفاح المجفف بيحتوي ألياف مفيدة جدًا وكمان منخفض في السعرات الحرارية.

المشمش المجفف

ممكن نجفف المشمش ونأكله كل يوم بيحتوي على فيتامين أ.

والمشمش المجفف مصدر مهم للبوتاسيوم والنحاس وفيتامين E.

التوت البري المجفف

التوت مفيد جدًا بيحتوي على ألياف وغني بالمغذيات النباتية ومضادات الأكسدة.

التين المجفف

التين من الفواكه اللي بتزود الطاقة جدًا، وبيحتوي على كمية من الألياف، وكما بيساعد على تليين الجسم.

فوائد تناول الفواكه المجففة يوميًا

الأمر بيختلف لما نبدأ نأكل الفواكه دي بشكل يومي، هنلاحظ تحسن كبير جدًا في صحة جسمنا والمناعة وحاجات تانية كتير، هنعرف كل ده بالتفصيل:

حماية العظام

في فواكه زي البرقوق مثلًا له قدرة غريبة في حماية العظام من الهشاشة.

وده علشان بيحتوي على على نسبة عالية من الكالسيوم المفيد في زيادة كثافة العظام.

أكل الفواكه المجففة كل يوم بيساعد على التئام الكسور بسرعة، وبيقلل نسبة إصابة العظام بأي كسر.

مفيدة للقلب

الفواكه المجففة مفيدة جدًا لصحة القلب وبتمنع انسداد الشريان التاجي، علشان بتحتوي على نسبة عالية من الألياف غير القابلة للذوبان.

أوميجا 3 ومعادن زي الماغنسيوم والبوتاسيوم مفيدة جدًا لصحة لقلب وتنظيم ضغط الدم.

تليين الأمعاء

زي ما قولنا إن الألياف الموجودة في الفواكه المجففة بتضمن سلامة الأمعاء وتطهرها.

وبعالج الإمساك خصوصًا للستات الحوامل.

قد يعجبك أيضًا الطرق الآمنة لتذويب الأطعمة المثلّجة

التخسيس

ممكن كمان نعتمد على أكل الفواكه المجففة ضمن نظام غذائي صحي للتخسيس.

وده لأن الفواكه المجففة غنية بألياف ودهون الجسم بيحتاجها.

كمان الفواكه المجففة بتحتوي على بروتينات بتساعد على الشعور بالشبع لفترة أطول.

وبتحتوي الفواكه المجففة على سكر طبيعي بيساعدنا نتغلب على رغبتنا في أكل الحلويات الضارة بالصحة.

تقوية المناعة

أكل الفواكه المجففة مفيد جدًا في تقوية جهاز المناعة، والحماية من الأمراض المختلفة زي السكتة الدماغية وارتفاع الضغط الدم والسكر.

تقليل تصبغات الجلد

من ضمن فوائد أكل الفواكه المجففة يوميًا إنها بتساعد على تقليل تصبغات الجلد، وكمان بتزود نضارة البشرة.

وده طبعًا لأن في فواكه مجففة غنية بمضادات الأكسدة المفيدة للبشرة، واللي بتحميها من أضرار الجذور الحرة.

مفيدة للعين

أكل الفواكه المجففة يعزز صحة العين، ويخفف الضغط الإضافي عليها.

في ناس بتقعد فترات طويلة بسبب ساعات العمل الطويلة على الكمبيوتر، ممكن الفواكه المجففة تكون الحل المثالي ليهم.

مثلًا فاكهة زي المشمش المجفف فيه كمية كبيرة من فيتامين أ اللي بيحمي العين من الأمراض زي العمى الليلي.

زيادة التركيز

الفواكه المجففة تزود الجسم بكمية كبيرة من الزنك اللي الجسم بيحتاجه علشان التواصل السليم بين الخلايا العصبية.

كمان الفواكه المجففة بتحتوى على أحماض أوميجا 3 الدهنية المفيدة لخلايا المخ.

ممكن نأكل المشمش والبلح من أقوى الفواكه المقوية للذاكرة، علشان فيهم معادن مختلفة مفيدة لصحة الخلايا.

أنواع يجب تجنبها من الفواكه المجففة

لو هنشتري فواكه مجففة في نقاط لازم ناخد بالنا منها:

طبعًا في أنواع لازم نتجنب أكلها زي الفواكه المجففة اللي اتغطت بالسكر أو اتجففت بالسكر.

الفواكه دي بتكون بتلمع وفيها ألوان بشكل غريب، لأن ده بيكون بسبب إضافة مواد كيميائية لها.

علشان كدة لو هنشتري لازم نختار الفواكه المجففة اللي لونها بني أو باهت قليلًا.

دي كانت طرق تجفيف الفواكه بكل سهولة وقولنا إيه هي أرخص طريقة ممكن نستخدمها وهي الشمس بس ده بيحتاج جو حار جدًا كمان ممكن نستخدم الفرن أو المجفف الكهربائي، كمان قدمنا أنواع فواكه يمكن تجفيفها وفوائدها الرائعة للجسم زي زيادة التركيز والطاقة والحماية من الجذور الحرة وتقليل تصبغات البشرة وزيادة نضارتها.

/home/ahmed-gouda/workspace/main-system

تجفيف الفواكه سهل جدًا سواء عن طريق الشمس أو الفرن أو المجفف الكهربائي وكل طريقة بيكون ليها ظروف معينة في فواكه بنقطعها شرائح ونشيل منها البذر وفي فواكه بتتجفف الحبة كاملة وطبعًا فوائدها كثيرة جدًا زي زيادة التركيز والتخسيس وتقوية المناعة

 

مواضيع ذات علاقة