أدوات للمطبخ مش مهم تشتريها .. متضيعيش فلوسك

فيه أدوات للمطبخ كثيرة مش مهم نشتريها، وبنضيع وقتنا في إننا نروح نشتري وبنصرف فلوسنا على حاجات ممكن منحتجهاش أوي.

وبالتالي الحاجات دي لازم نعرفها عشان منشتريهاش ونضيع فلوسنا عليها على الفاضي، وكلنا لينا تجارب في الموضوع ده وبنندم إننا اشترينا بعد فوات الأوان.

عشان كدا إحنا في موقع "فودو" قررنا إننا نوضحلكوا إيه الحاجات اللي مش مهم تشتريها في المطبخ أوي من خلال موضوعنا النهاردة.

 

أدوات للمطبخ مش مهم تشتريها 

أول حاجة هنذكرها في أدوات للمطبخ مش مهم تشتريها هي شوكة المخلل، عشان مش بنحب نحط إيدنا في البرطمان وناخد منه.

لكن إحنا نقدر بسهولة نستخدم شوكة عادية أو معلقة في إننا نطلع المخلل من البرطمان بتاعه ومش مهم شوكة المخلل. 

شوكة المخلل

أما تاني حاجة مش مهمة أوي هي قطاعة الموز ودي مشهورة جدًا واشتهرت في الفترة اللي فاتت وكأننا مش هنعرف نقطعه بالسكينة. 

فبدل ما نصرف فلوسنا في إننا نشتريها ممكن نوفر الفلوس ونقطع الموز بالسكينة، فالفايدة الوحيدة ليها إنها بتقطعه تقطيع متساوي.

قطاعة الموز

تالت حاجة مش مهمة أوي هي قطاعة البيض واللي بنستخدمها عشان نقطع قطع متساوية ونحطه في الطبق بشكل شيك.

لكن إحنا ممكن عادي نستخدم السكينة عشان نعمل حاجة، فأهالينا طول عمرهم بيستخدموا السكينة عشان يعملوا كل ده. 

وأصلًا قليل لما بنقطع البيض لقطع صغيرة كدا، إحنا بناكل البيض واحدة على بعضها أو بنقسمها لنصين.

أدوات للمطبخ مش مهم تشتريها

فيه كمان حامل الأكياس البلاستيكية اللي بيحافظ عليها مفتوحة وفي مكانها، هو فعلًا كويس بس لو بنعمل أكلات كتير وضخمة.

لكننا عادة بنعمل أكل للأسرة بس فمش مستاهلة نجيب حامل أكياس في المطبخ ونضيع فلوسنا عليها.

حامل الأكياس البلاستيكية

أدوات للمطبخ مش مهمه

فيه كمان حاجة اسمها موزع الزبدة ودي أداة مش عملية بالمرة بغض النظر عن طريقة تقطيعها.

وده بيرجع لإننا هنضطر نطلع الزبدة من عبوتها الأصلية عشان نعرف نقطعها بقطاعة الزبدة.

لكن إحنا نقدر ناخد حتة الزبدة اللي عايزينا للأكل بالسكينة بدل ما نطلعها كلها ونبهدل الدنيل في المطبخ. 

كمان محمصة البيض والخبز مش مهم برده؛ لأنه بياخد مساحة كبيرة على المطبخ وهو زيه زي جهاز تحميض العيش العادي. 

والموضوع هيزداد سوء لو الأسرة كبيرة، فهنضطر إننا نستخدمها كتير كل يوم الصبح لإنها بتطهو بيضة واحدة بس في المرة الوحادة.

لكننا نقدر نسلق البيض عادي على النار زي ما كل الناس بتعمل وزي ما أهالينا طول عمرهم بيسلقوه. 

قد يهمك: طريقة استخدام القلاية الهوائية وفوائدها وأضرارها

محمصة البيض والخبز

برده فتاحة التونة من الأدوات اللي مش مهمة في المطبخ، لأن ميزتها الوحيدة هي إزالة المية من التونة، وده نقدر نعمله عادي من غيرها. 

أدوات للمطبخ مش مهم تشتريها

حاجات للمطبخ بلاش تشتريها 

كمان من ضمن الحاجات اللي مهم تشتريها في المطبخ لو بتجهزي نفسك أو ست بيت بتجهز بنتها هي شنطة المعالق الضخمة.

كفاية إنك تشتري أطقم معالق وشوك عادية تكفي عدد أفراد الأسرة وأكتر، لكن ليه تشتري شنطة المعالق الكبيرة فوق كدا.

الشنطة دي بتكون مالهاش لازمة في البيت وكمان بتكلف ميزانية كبيرة، وهي عبارة عن تضييع فلوس على الفاضي.

أدوات للمطبخ مش مهم تشتريها
عندنا برده مقص البيتزا اللي مش مهم نهائي، لإننا نقدر نقطع البيتزا بالسكينة، أو بمخرطة الملوخية لو عايزين نقطعها متساوية.

أدوات للمطبخ مش مهم تشتريها

برده فيه قوالب قلى البيض اللي بنشتريها من غير سبب مقنع، وكمان إحنا ممكن نستخدم أي قطاعة أو قلاية صغيرة عشان ناخد نفس النتيجة.

قوالب قلي البيض

فيه كمان القلاية الصغيرة، ودي قلاية مش عملية خالص لأنها مش بتاخد كميات كبيرة من الأكل، وبتبوظ بسرعة لما بنستخدمها كتير.

أخيرًا واللي ناس كتير بتشتريه من غير سبب منطقي، هي أطقم الجيلي والخشاف والكريم كراميل.

إحنا نقدر نستخدم أي أطباق صغيرة عشان نقدر فيها كل ده، وكمان إحنا مش كل يوم بنعمل جيلي وكريم كراميل.

اقرأي أيضًا: أفضل عبوات تخزين المواد الغذائية

حاجات مش مهمة في جهاز العروسة

زي ما فيه حاجات كتبير مش مهمة في المطبخ، فيه حاجات مش مهمة في جهاز العروسة بشكل عام وأهمها النيش.

النيش بيخلينا نشتري حاجات كتير ليه بفلوس كتير، وبيفضل طول عمره محطوط في الشقة من غير استفادة.

وطبعًا بنشتريله طقم صيني بآلاف الجنيهات وأطقم كاسات وزجاج كتير فالموضوع بيدهل في آلاف الجنيهات على حاجة مش مهمة. 

كمان مش مهم خالص نشتري طقم خاص بالفطار وواحد خاص بالعشا وواحد للخشاف وطقم للجاتوه وغيره وغيره!. 

في الآخر بناكل وبنشرب في نفس الطقم علطول وبنشيل كل الأطقم التانية، وبالتالي كأننا ضيعنا فلوسنا في الأرض.

برده بنشتري أطقم حلل كتير ستانلس وتيفال وجرانيب وألومنيوم وصاج، في حين إننا بنطبخ في طقم واحد بس منهم.

وبقيت الأطقم بتتشال إلى ما يشاء الله، أو بنشتري حلل منفردة تطبخ فيها وتشيل بقيت الأطقم بشكل غير منطقي.

زي ما قولنا إن شنطة المعالق مش مهمة نهائي، كمان شنطقة السكاكين نفس النظام مش مهمة خالص.

لأن إحنا بنشتري شنطة سكاكين ونشيلها، ونشتري سكاكين منفردة لاستخدامها في المطبخ ونسيب اللي في الشنطة.

حاجات مش مهمة في جهاز العروسة

في الآخر، كل ست بيت أو عروسة جديدة حرة في الحاجات اللي بتشتريها وعارفة إيه اللي عايزاه وهتستخدمه واللي مش عايزاه.

وإحنا بننصحكم بإنكم متجبوش حاجات كتير مالهاش لازمة تضيع الفلوس و أخذ مساهة كبيرة و كمان تعمل كركبة، وبالتالي حبينا نقولك إيه هي أدوات المطبخ اللي مش مهمة أوي. 

فيه أدوات كتير للمطبخ انتشرت للمطبخ بتسهل علينا كل حاجة، وفي أدوات مش بتسهل علينا الأكل بل إنها مش بتكون مهمة أصلًا زي مقص البيتزا وقطاعة البيض وغيره، وده اللي عرفناهلكم في موضوعنا النهاردة.

 

مواضيع ذات علاقة