فوائد النظام الغذائي النباتي | ينقص الوزن ويحمي من السرطان ويطرد السموم

لو بتفكر تتبع النظام النباتي للتخسيس فأنت محتاج تعرف كل حاجة عنه بالتفصيل "Foodo" في الموضوع ده هيقدملك فوائد النظام الغذائي النباتي وكمان هيوضحلك إيه هي الأكلات اللي ممكن تأكلها ضمن النظام النباتي ووصفات شهية لذيذة جدًا، وكمان هنعرفك إيه أنواعه والأضرار والمخاطر الصحية اللي ممكن يعرضك ليها النظام ده.

إيه هو النظام الغذائي النباتي ؟

النظام النباتي بيعتمد على عدم أكل المنتجات الحيوانية.

يعني مثلًا هنلاقي إن النباتيين مش بياكلوا اللحوم الحمراء والبيضاء أو الأسماك أو الطيور.

كمان في النظام النباتي ممنوع أكل البيض أو منتجات الألبان عند النباتيين الصرف.

لكن في نباتيين بيأكلوا البيض ومنتجات الألبان، وده هنشرحه بالتفصيل.

ممنوع في النظام النباتي كمات أكل العسل والجيلاتين والكولاجين والسكر الأبيض.

فوائد النظام الغذائي النباتي

أنواع النظام الغذائي النباتي

في كذا نوع موجودين للنظام النباتي، في ناس بتعتمد على شرب اللبن ومنتجاته بس زي الزبدة والجبن، وفي ناس تأكل البيض بس والامتناع عن اللحوم، وفي ناس تانية بتتبع النظام النباتي الصرف، في السطور اللي جاية هنقدم كل نوع منهم:

النباتي الخام

في النوع ده من النظام النباتي ممنوع أكل الأطعمة المطبوخة.

مسموح بس بأكل الأطعمة النباتية غير المصنعة.

النظام المرن

النوع ده من النظام النباتي اسمه بيعبر عنه، الناس اللي بتتبعه بيأكلوا أطعمة نباتية، لكن من حين لآخر بيأكلوا لحوم وكميات صغيرة من المنتجات الحيوانية.

نباتيو الحليب

في النوع بيكون الاعتماد على تناول الحليب ومنتجاته بس زي الزبدة والجبنة.

وكمان الامتناع عن أكل اللحوم والدواجن والأسماك، والبيض.

النباتيون اللاكتو

النوع ده بيعتمد على أكل اللحوم والأسماك والبيض والطيور، لكن ممنوع أكل منتجات الألبان زي الحليب والزبادي.

نباتيو الألبان والبيض

أما النوع ده بيعتمد على أكل منتجات الألبان والبيض لكن ممنوع أكل اللحوم والأسماك والطيور.

نباتيون البيض

النوع ده مش منتشر كتير لكن بيتم فيه أكل منتجات البيض، وممنوع أكل اللحوم الحمراء والبيضاء والأسماك والطيور ومنتجات الألبان.

فوائد النظام الغذائي النباتي

فوائد النظام الغذائي النباتي

النظام الغذائي النباتي له فوائد كثيرة جدًا على صحة الجسم.

اتباع النظام النباتي بيقلل من خطر الإصابة بالأمراض المزمنة ومرض السكر من النوع الثاني وبيحمي من أمراض القلب والسرطان.

في السطور الجاية هنقدم كل فوائد النظام الغذائي النباتي وإيه اللي ممكن يعمله في الجسم:

تقليل الكوليسترول

في الأساس الأطعمة النباتية خالية من الكوليسترول، علشان كدة اتباع نظام غذائي نباتي بيقلل مستويات الكوليسترول بشكل كبير.

فقدان الوزن

كمان من ضمن الفوائد الرائعة للنظام الغذائي النباتي إنه بيساعد الشخص على فقدان الوزن بشكل رائع.

يعني مثلًا هتلاقي ناس كثيرة جدًا اتبعت النظام النباتي علشان يقفدوا وزنهم بس، وبالفعل نجحوا في ده.

وده طبعًا لأن النظام النباتي يعني تناول سعرات حرارية قليلة جدًا مقارنة بأكل اللحوم ومنتجات الألبان وغيرها.

حرق الدهون وتحسين التمثيل الغذائي

من ضمن فوائد النظام النباتي أنه بيساعد على زيادة حرق الدهون بشكل كبير.

وكمان أطعمة النظام النباتي سهلة الهضم علشان كدة بيحافظ على انتظام عملية الأيض.

الوقاية من مرض السكر

كمان النظام النباتي بيساعد بشكل كبير في تقليل خطر الإصابة بمرض السكر خصوصًا النوع الثاني.

وفي دراسات أثبتت إن النباتيين بيكونوا أقل عرضة للإصابة بمرض السكر من النوع الثاني.

النظام ده بيخلي نسبة السكر في الدم مستقرة، وكمان بيخلي الجسم أكثر استجابة للأنسولين.

برضه من الحاجات المهمة جدًا في النظام النباتي إنه سهل الامتصاص، ومغذي وبيكون فيه نسبة أحماض دهنية قليلة.

مفيد للقلب

زي ما قولنا الأطعمة النباتية فيها نسبة قليلة من الدهون المشبعة والكوليسترول؛ وبالتالي الأنظمة النباتية رائعة جدًا في الوقاية من أمراض القلب.

كمان من الحاجات المهمة جدًا إن الأنظمة النباتية أفضل طريقة لتقليل فرص الإصابة بالسكتة الدماغية.

وفي دراسات كثيرة أكدت أن النظام النباتي يخفض مستويات ضغط الدم.

تخليص الجسم من السموم

النظام النباتي بيخلص الجسم من السموم وأي مواد كيميائية بشكل سريع جدًا.

كمان النظام ده غني بالألياف الغذائية الموجودة في الخضروات والفواكه وأكيد كلها عناصر مهمة ومفيدة جدًا للجهاز الهضمي.

الوقاية من السرطان

لو كنت تتبع النظام الغذائي النباتي ففرص إصابتك بأمراض السرطان هتكون قليلة مقارنة الآخرين.

وده بيرجع لأن في ارتباط بين النظام النباتي وانخفاض الإصابة ببعض أنواع السرطانات.

فوائد النظام الغذائي النباتي للبشرة

طبعًا النظام النباتي مفيد جدًا للبشرة وده بيرجع لأنه غني بالمعادن والفيتامينات اللي موجودة في الخضروات والفواكه اللي بيتم تناولها.

كمان الأطعمة النباتية فيها كمية كبيرة من مضادات الأكسدة اللي بتساعد على حماية البشرة من الشيخوخة.

كمان لما نقرر نتحول لنظام غذائي نباتي ده معناه تقليل كمية الدهون المشبعة اللي بنأكلها في اليوم.

ونتيجة لده تتفتح مسام الجلد ونحمي نفسنا من حب الشباب.

مضادات الأكسدة الموجودة في الأطعمة النباتية زي ما قولنا بتحافظ على نضارة البشرة، وكمان بتمنع الإجهاد التأكسدي.

وبتقلل من تكوين الزيوت وبتحسن إشراقة البشرة.

كمان مضادات الأكسدة بتمنع تدهور الكولاجين والإيلاستين وبالتالي تمنع من شيخوخة الجلد وتحافظ على مرونة البشرة.

وداعًا لمستحضرات التجميل

من الحاجات الرائعة والفوائد من اتباع نظام غذائي نباتي بالنسبة للستات اللي بتستخدم مكياج للوجه ممكن يستغنوا عنه.

وده طبعًا علشان مع اتباع النظام النباتي بتزيد مستويات الفيتامينات والكاروتينات اللي بتزود من توهج وإشراقة البشرة وبيخلي لونها وردي.

فوائد النظام الغذائي النباتي

فوائد النظام الغذائي النباتي الآخرى

كمان في مجموعة من الفوائد للنظام الغذائي النباتي هنستعرضها في السطور الجاية:

  • النظام النباتي بيقلل فرص الإصابة بحصوات الكلى.
  • كمان النظام النباتي بيحمي من الإصابة بهشاشة العظام.
  • الوقاية من خطر الإصابة بنوبات الربو الحادة.

أكلات تناسب النظام الغذائي النباتي

في أكلات مسموح تناولها في النظام النباتي زي:

الفواكه

طبعًا الفواكه من العناصر المهمة جدًا في النظام النباتي، وده طبعًا علشان بتعتبر وجبة خفيفة في نصف اليوم.

الفواكه في النظام النباتي بتوفر الألياف والمعادن والفيتامينات اللي الجسم بيحتاجها.

السكر الموجود في الفواكه سكر طبيعي وصحي وده بيحمي الجسم بشكل كبير.

حاجة تانية مهمة جدًا الفواكه تحسن الهضم وتحمي القلب، ومن الفواكه اللي بينصح بأكلها في النظام النباتي البطيخ والتفاح والتوت والبرتقال علشان مليانة سوائل.

الخضروات

الخضروات من الأصناف المشهورة جدًا في النظام النباتي، وده طبعًا لأن سعراتها الحرارية قليلة وقيمتها الغذائية عالية جدًا.

كمان الخضروات بتحتوي على كميات كبيرة من الفيتامينات والألياف والمعادن.

ممكن نتناول خضروات ورقية زي السبانخ والكرنب والخس.

وخضروات تانية زي البروكلي والطماطم والجزر.

البقوليات

ممنوع في النظام النباتي أكل الأسماك والفراخ، علشان كدة البقوليات ممكن تعوض علشان بتحتوي على نسبة عالية من البروتين.

ممكن نأكل بقوليات زي العدس والفول والبسلة والحمص.

المكسرات

كمان ممكن نأكل الحبوب الكاملة والمكسرات علشان بتمد الجسم بالطاقة والدهون الصحية.

الحبوب الكاملة والمكسرات بتشعر الجسم بالشبع لفترة طويلة.

ممكن نأكل الشوفان والشعير والخبز الأسمر والأرز البني.

إيه هي أنواع الأكل في النظام الغذائي النباتي ؟

في السطور الجاية هنستعرض مثال لجدول وجبات نظام غذائي نباتي لمدة أسبوع:

اليوم الأول

وجبة الإفطار

  • شوفان مع فواكه (موز أو توت)
  • عصير برتقال

وجبة الغداء

  • برجر نباتي من فول الصويا
  • سلطة أفوكادو

وجبة العشاء

  • سلطة خضراء أو سلطة فتوش
  • عصير برتقال أو أي عصير فريش من غير سكر

اليوم الثاني

وجبة الإفطار

  • قهوة أو شاي من غير سكر
  • سلطة فواكه كورن فليكس

وجبة الغداء

  • فريك مشروم وخضروات مشكلة مطبوخة (طماطم وفلفل ألوان وبصل).

وجبة العشاء

  • قطعة بيتزا نباتية بالخضروات فقط

اليوم الثالث

وجبة الإفطار

  • مافن الشوفان
  • عصير طبيعي

وجبة الغداء

  • شوربة طماطم بالريحان
  • سمك سلمون أو طبق مكرونة بالصلصة

وجبة العشاء

  • سلطة خضروات مع حمص

اليوم الرابع

وجبة الإفطار

  • بودنج بذور الشيا مع التوت
  • ملعقة من زبدة اللوز

وجبة الغداء

  • أرز القرنبيط
  • فاصوليا سوداء
  • ذرة أفوكادو
  • صلصة

وجبة العشاء

  • سلطة يوناني

اليوم الخامس

وجبة الإفطار

  • شريحة توست أسمر
  • بيضة
  • فلفل ألوان

وجبة الغداء

  • طبق مكرونة بني مع طماطم مشوية

وجبة العشاء

  • ساندويتش طماطم مع صلصة البيستو أو الريحان ورشة زيت زيتون

اليوم السادس

وجبة الإفطار

  • شوفان ولبن لوز
  • فواكه

وجبة الغداء

  • كينوا مع جزر محمص وبطاطا حلوة

وجبة العشاء

  • ساندويتش حمص

اليوم السابع

وجبة الإفطار

  • فول مع رشة زيت زيتون
  • شريحة خبز أسمر
  • شاي أو قهوة من غير سكر

وجبة الغداء

  • 100 جرام كشري

وجبة العشاء

  • سلطة فواكه بالعسل
  • شريحة توست بالأفوكادو

فوائد النظام الغذائي النباتي

أضرار النظام النباتي

أكيد كل حاجة لها أضرار لو استخدمناها بشكل مبالغ، علشان كدة هنقدم في السطور الجاية إيه هي أضرار النظام النباتي:

تساقط الشعر

لو استمر الشخص في اتباع النظام النباتي بشكل مبالغ فيه ممكن يتعرض لمشكلة تساقط الشعر.

وده بيرجع بسبب إن الشخص في النظام النباتي بيقلل من أكل البروتين بشكل كبير.

ولو حصل ده والبروتين بقى قليل في الجسم هنا ممكن يكون في مشكلة كبيرة، علشان كدة لازم نعوض جسمنا بالعناصر والمغذيات اللي بيحتاجها.

ارتشاح الأمعاء

كلنا عارفين إن النظام النباتي بيفرض عدم أكل المنتجات الحيوانية، وطبعًا المنتجات الحيوانية مصدر مهم للبروتين.

فبيتم محاولة تعويض ده عن طريق مصادر البروتينات النباتية زي البقوليات علشان البروتين.

ومع زيادة تناول البقوليات تزيد نفاذية الأمعاء بسبب الليكتين وده بيسمى الأمعاء المتسربة.

فقر الدم

مشكلة تانية ممكن تحصل بسبب النظام النباتي وهي فقر الدم، وده علشان الحديد الموجود في المصادر النباتية صعب امتصاصه عكس الحديد الموجود في المصادر الحيوانية.

علشان كدة ممكن الناس اللي بتتبع النظام ده تتعرض للإصابة بفقر الدم بسبب نقص الحديد.

الاكتئاب

كمان حاجة في منتهى الخطورة ممكن تصيب اللي بيتبعوا النظام النباتي هو الإصابة بالاكتئاب.

وده بيكون بسبب نقص دهون أوميغا 3 واللي بتكون موجودة في الأطعمة الحيوانية.

علشان كدة ممكن يحصل اضطرابات في المزاج وممكن توصل للاكتئاب.

نقص فيتامين B12

فيتامين B12 مش موجود غير في الأطعمة الحيوانية، علشان كدة النباتيين معرضين لخطر الإصابة بأعراض نقص فيتامين B12، زي التعب والإرهاق وفقدان الوزن وقلة شهية.

خطورته على الكبد ومرضى السكر

ممكن قلة البروتين في الجسم تؤثر على نسبة السكر في الدم.

وبيحتاج الجسم سكريات بشكل أكبر علشان كدة ممكن نصاب باضطرابات في السكر وأضرار على صحة الكبد.

هشاشة العظام

اتباع نظام غذائي نباتي بشكل صارم ممكن يزود من خطر الإصابة بمشكلات في العظام زي الهشاشة أو انخفاض كثافة العظام وزيادة فرص الإصابة بالكسر.

وده بيكون بسبب الكالسيوم وفيتامين D المفيد لصحة العظام.

دي كانت كل فوائد النظام الغذائي النباتي وإيه اللي ممكن يغيره في الجسم زي طرد السموم والحماية من أمراض القلب والسرطان وإنقاص الوزن وكمان أكلات تناسب النباتيين زي الفواكه والخضروات والبقوليات وجدول بوجبات النظام الغذائي لمدة أسبوع، بس ده ميمنعش كمان إن النظام ده له أضرار وأعراض جانبية لازم ناخد بالنا منها كويس.

/home/ahmed-gouda/workspace/main-system

فوائد النظام الغذائي النباتي كثيرة جدًا زي الحماية من السرطان ومحاربة شيخوخة الجلد وكمان أمراض القلب وده بيكون عن طريق إننا نمتنع عن أكل أي لحوم أو أسماك أو طيور وحتى اللبن والبيض بس ده بيكون له مخاطر كبيرة جدًا زي نقص البروتين ونقص الفيتامينات زي فيتامين B12

 

مواضيع ذات علاقة