النظام النباتي للتخسيس | اعرف كل حاجة عنه وجدول الوجبات

ناس كتير بتفكر تجرب النظام النباتي للتخسيس وده طبعًا علشان تفقد وزنها، لكن مش بيعرفوا يعملوا إيه أو يبدأوا منين "Foodo" في الموضوع ده هيقدملك كل حاجة تخص النظام النباتي وكمان جدول بالوجبات اللي ممكن نأكلها وأهم فوائده وكمان هنقدم إيه الأطعمة اللي ممنوع نأكلها علشان نخس.

فوائد النظام النباتي

النظام النباتي للتخسيس بيعتمد على الامتناع عن أكل أي لحوم أو أطعمة حيوانية، وكمان البيض والحليب والجبن والطيور والأسماك والأرانب.

كمان في النظام النباتي ممنوع أكل الدهون حتى النباتية، والأطعمة المحفوظة والسكر والملح.

في ناس متخصصين كثير شايفيين إن النظام ده للتخسيس مفيد جدًا في علاج أمراض كثيرة زي القلب والسكر وكمان مرض السرطان.

طبعًا في فوائد كثيرة جدًا للنظام النباتي للتخسيس هنستعرضها في التالي:

أهم فائدة في النظام النباتي هو إنه بيساعد بشكل كبير جدًا على إنقاص الوزن بصورة طبيعية وآمنة.

كمان النظام النباتي بيقلل خطر الإصابة بأمراض القلب والسرطان والسكر وارتفاع الضغط.

النظام النباتي يمد الجسم بعناصر غذائية مهمة جدًا زي الخضروات والفواكه والبقوليات والمكسرات والحبوب الكاملة الغنية بالألياف.

من الحاجات المهمة جدًا للنظام النباتي تأثيره الإيجابي على صحة الجهاز الهضمي.

الأطعمة النباتية غنية جدًا بالألياف والمغذيات المفيدة جدًا للجسم.

كمان الأطعمة النباتية بتتميز إن سعراتها الحرارية والدهون أقل.

وفي دراسات كثيرة جدًا أكدت أن اتباع نظام غذائي نباتي وسيلة فعالة لفقدان الوزن.

النظام النباتي كمان بيسرع من عملية خسارة الوزن والتخلص من الدهون الزائدة في الجسم.

بيمد الجسم بالكثير من الفيتامينات والمعادن بعيدًا عن الشحوم.

النظام النباتي للتخسيس

أكل إيه في النظام النباتي للتخسيس ؟

لو بتسأل عن الأكل في النظام النباتي في أطعمة كثيرة ممكن نأكلها زي الأرز والمكرونة والبطاطس والبطاطا والبقوليات والسلطات، وكمان جميع أنواع الخضروات والفاكهة.

طبعًا كل الأطعمة دي ممنوع معاها إضافة المايونيز أو أي مواد دهنية.

بالتأكيد مسموح في النظام النباتي شرب المياه بكميات كبيرة، وكمان شرب عصائر الخضروات والفواكه لكن من غير سكر.

كمان مسموح بتناول الشاي والقهوة ومشروبات الأعشاب لكن من غير أي سكر أو حليب أو مبيضات.

وهنقدملك في السطور الجاية جدول بوجبات النظام النباتي سواء على الإفطار أو الغداء أو العشاء علشان تقدر تخسر وزنك بشكل طبيعي وآمن تمامًا.

إزاي أخس 5 كيلو بالطريقة النباتية؟

هنقدملك نظام نباتي هيساعدك في فقدان 5 كيلو من وزنك خلال شهر.

وطبعًا مع اتباع النظام الغذائي ده هيساعدك في الوصول للوزن المثالي في فترة قصيرة.

جدول وجبات النظام النباتي للتخسيس لمدة أسبوع

هنقدملك مثال لنظام غذائي يومي يعتمد على الأكل النباتي، هفيدك جدًا في إنقاص الوزن بشكل ملحوظ.

اليوم الأول

وجبة الإفطار

  • 2 ثمرة بطاطا مشوية

وجبة الغداء

  • طبق مكرونة بصلصة الطماطم
  • طبق سلطة خضراء كبير

وجبة العشاء

  • بطاطس مشوية
  • 2 ثمرة فاكهة

اليوم الثاني

وجبة الإفطار

  • سلطة فواكه

وجبة الغداء

  • سلطة خضراء
  • طبق أرز بالمكسرات

وجبة العشاء

  • ثمرة بطاطا
  • أو 2 ثمرة فاكهة

اليوم الثالث

وجبة الإفطار

  • بطاطس مسلوقة مع خضرة وتوابل
  • قطعة خبز أسمر

وجبة الغداء

  • طبق أرز
  • طبق فاصوليا بيضاء
  • طبق كبير سلطة خضراء

وجبة العشاء

  • كوب بليلة من غير حليب

اليوم الرابع

وجبة الإفطار

  • طبق كبير ساخن من حمص الشام

وجبة الغداء

  • مكرونة بالمشروم والخضروات زي الفاصوليا البيضاء أو الحمراء وذرة

وجبة العشاء

  • 2 ثمرة فواكه

اليوم الخامس

وجبة الإفطار

  • طبق كبير سلطة خضراء
  • كوب عصير برتقال

وجبة الغداء

  • طبق أرز كبير مع خضار زي جزر وبازلاء وذرة
  • طبق سلطة خضراء
  • كوب عصير برتقال

وجبة العشاء

  • طبق سلطة حمص وفاصوليا بيضاء
  • 2 ثمرة فواكه

اليوم السادس

  • 2 ثمرة بطاطا مشوية

وجبة الغداء

  • طبق مكرونة بصلصة الطماطم
  • طبق سلطة خضراء كبير

وجبة العشاء

  • بطاطس مشوية
  • 2 ثمرة فاكهة

اليوم السابع

وجبة الإفطار

  • طبق كبير سلطة خضراء
  • 2 كوب عصير برتقال

وجبة الغداء

  • طبق أرز كبير مع خضار زي جزر وبازلاء وذرة
  • طبق سلطة خضراء
  • كوب عصير برتقال

وجبة العشاء

  • طبق سلطة حمص وفاصوليا بيضاء
  • 2 ثمرة فواكه

النظام النباتي للتخسيس

وصفات نباتية رائعة

في ناس أول ما تسمع عن الوصفات النباتية يجي في دماغها الأكل عبارة عن خضروات مسلوقة وفاكهة وسلطة بس.

لكن في وصفات كثيرة جدًا ممكن نأكلها في النظام النباتي.

هنقدملك في اللي جاي مجموعة وصفات نباتية رائعة جدًا ولذيذة ممكن الاعتماد عليها أثناء اتباع النظام النباتي:

البرجر النباتي بالخضروات

مقادير البرجر النباتي:

  • 3 بطاطس متوسطة مسلوقة
  • 1 كوسة متوسطة
  •  1 كوب حمص مسلوق
  •  1 بصلة متوسطة
  •  2 فص ثوم
  •  3 ملاعق فلفل ألوان مقطع
  •  4 قطع مشروم
  •  بقدونس مفروم
  •  ربع ملعقة ملح وفلفل
  •  ثلاثة أرباع كوب بقسماط مطحون
  • ربع كوب شوفان

طريقة عمل البرجر النباتي:

أول حاجة هنحط الكوسة من غير سلق مع البصلة والثوم والحمص والمشروم والفلفل ونفرمهم في الكابة.

بعد كدة نهرس البطاطس ونضيف الخضروات المفرومة وباقى المكونات.

نخلط المكونات كويس جدًا لحد ما نحصل على عجينة سهلة التشكيل.

نشكل البرجر ونحمره في الزيت بحد ما ياخد اللون الذهبي.

ممكن نستبدل الكوسه بالسبانخ والحمص بالفاصوليا، وكمان ممكن نستغنى عن المشروم والفلفل.

المسقعة

مقادير المسقعة:

  • 1 حبة كبيرة باذنجان
  • 3 طماطم مقطعة مكعبات
  • 1 حبة فلفل أخضر مقطع
  • ربع كوب خل
  • 3 فصوص ثوم مهروس
  • 2 معلقة كبيرة صلصة طماطم
  • 1 معلقة كبيرة عسل أبيض
  • ربع ملعقة صغيرة ملح
  • ربع ملعقة صغيرة كمون
  • زيت

طريقة تحضير المسقعة:

أول حاجة نغسل الباذنجان وتقطعه مكعبات.

بعد كدة نحط الباذنجان في مصفاة ونرش عليه الملح ونسيبه يتصفى من الماء.

نشطف الباذنجان ونحطه في المصفاة تاني.

نحط كمية قليلة من الزيت في طاسة على النار ونسيبه يسخن شوية.

نقلي الباذنجان في الزيت لحد ما يحمر.

نرفع الباذنجان من على النار ونحطه على مناديل مطبخ علشان نتخلص من الزيت الزيادة.

طريقة عمل الصلصة:

نحط ملعقتين زيت في طاسة.

بعد كدة نضيف الثوم ونقلب لحد ما الثوم ياخد لون دهبي.

نضيف الخل والطماطم ونقلب تاني.

نتبل الصلصة بالملح والكمون ونسيبها على النار تتسبك.

نرفع الصلصة من على النار.

نضيف الباذنجان بحرص علشان يفضل سليم.

نحط المسقعة في الثلاجة لحين التقديم.

مشروم بانيه

مقادير مشروم البانيه:

  • نصف كيلو مشروم طازج
  • 2 كوب بقسماط
  • 1 كوب دقيق أبيض
  • 1 كوب ماء
  • نصف كوب نشا
  • 1 ملعقة صغيرة بيكينج باودر
  • ربع ملعقة صغيرة ملح
  • زيت للقلي

طريقة تحضير مشروم البانيه:

أول حاجة نمسح المشروم بمناديل ورق أو فوطة نظيفة.

نخلط النشا مع الدقيق ووالبيكينج باودر والملح في بولة عميقة.

بعد كدة نضيف الماء للبولة ونقلب كويس جدًا لحد ما نحصل على خليط شبه سائل.

نغمس المشروم في الخليط ونرفعه بالشوكة علشان نتخلص من الخليط الزائد.

بعد كدة نغمس المشروم في البقسماط.

نحط الزيت في طاسة عمية ونسيبه يسخن شوية.

نقلي المشروم في الزيت ونقلبه لحد ما ياخد اللون الذهبي.

نرفع المشروم على مناديل مطبخ علشان نتخلص من الزيت الزيادة.

نقدم المشروم البانيه مع الكاتشاب والمايونيز.

فاهيتا المشروم

مقادير فاهيتا المشروم:

  • ربع كيلو مشروم طازج
  • 3 حبات فلفل رومي ألوان (ممكن نستخدم الفلفل الأخضر)
  • 1 بصلة متوسطة الحجم
  • 1 حبة طماطم متوسطة الحجم
  • 2 فص ثوم
  • ملعقة صغيرة بهار الفاهيتا
  • 2 ملعقة كبيرة عصير ليمون
  • 2 ملعقة كبيرة كزبرة خضراء مفرومة
  • 3 ملاعق كبيرة زيت زيتون
  • 4 شرائح خبز أسمر

طريقة عمل فاهيتا المشروم:

أول حاجة نغسل الخضار كويس جدًا ونقطع البصل شرائح.

بعد كدة نحط زيت الزيتون في طاسة واسعة على نار متوسطة.

نقلب البصل في الزيت بملعقة خشب لحد ما لونه يتغير.

نضيف شرائح الثوم ونستمر في التقليب.

بعد كدة نحط شرائح المشروم ونستمر في التقليب.

نضيف شرائح الفلفل الرومي ونقلب كويس جدًا ونسيبه فترة على النار لحد ما اللون يتغير.

نحط شرائح الطماطم للخليط ونقلب كويس.

نضيف التوابل كلها ونقلبها كويس في الخضار.

نحط عصير الليمون والكزبرة المفرومة ونقلب بالراحة.

بعد كدة نفتح شرائح الخبز ونمسحها بصلصة ونحط كمية من حشوة الفاهيتا وسط الخبز ونلفها رول.

نقلي الساندوتشات في كمية قليلة من الزيت أو حتى ممكن نشوحهم على الشواية علشان تتحمر.

هل النظام الغذائي النباتي ممكن يزود الوزن؟

ممكن الشخص اللي بيتبع نظام نباتي للتخسيس وزنه يزيد، وده طبعًا بيرجع لأكثر من سبب، وبدل ما ينقص وزنه بالعكس يكسب وزن زيادة.

لأن طبعًا ممنوع أكل البيض والأسماك واللحوم وده بؤدي لنقص البروتين في الجسم وعدم حرق الطاقة.

وده بيخلي الشخص يأكل أطعمة غير صحية بشكل كبير ويكسب وزن زيادة.

كمان النظام النباتي ممكن يخلي الشخص يأكل أطعمة بها سعرات حرارية عالية جدًا.

على سبيل المثال المسكرات اللي بتعتبر ضمن النظام ده، لكن المكسرات بتضيف دهون كثيرة جدًا للجسم.

وبالتالي يؤثر على عملية إنقاص الوزن، لذلك مهم جدًا الاعتدال في تناول الأطعمة اللي فيها دهون كثيرة.

النظام النباتي للتخسيس

نصائح لإنقاص الوزن في النظام النباتي

إزاي أنقص وزني مع النظام النباتى للتخسيس، ده سؤال بيسأله ناس كثيرة جدًا، هنقدملك مجموعة من النصائح المهمة وإزاي تختار الأكل النباتي المناسب علشان التخسيس.

أول حاجة لازم نختار الأطعمة الغنية بالألياف زي البروكلى والكوسة والقرنبيط والخضروات الورقية.

كمان ممكن نستفيد من إضافة البروتينات الصديقة للنباتات لنظامك الغذائي زي المكسرات والبذور والعدس.

كمان من الحاجات المهمة جدًا في النظام ده التحول إلى الكربوهيدرات المعقدة زي الحبوب الكاملة والبقوليات.

لازم وضروري جدًا نتجنب تناول الأطعمة المصنعة والكربوهيدرات المكررة والمشروبات الغازية والمحلاة بالسكر.

من النصائح المهمة كمان تناول الكثير من الفواكه زي التفاح والموز والعنب والحمضيات والكيوى والتوت.

أضرار النظام النباتي

بعد ما عرفنا فوائد النظام النباتي وإيه هي الأكلات المناسبة اللي ممكن نأكلها فيه هنعرف في اللي جاي إيه هي أضرار النظام النباتي على الجسم:

الغازات

النظام النباتي بيعرض الشخص للإصابة بالغازات والانتفاخ.

وده طبعًا بسبب قلة أكل المنتجات الحيوانية، بيؤدي لمشكلات في الجهاز الهضمي اللي بيكون محتاج أنزميات هاضمة بتكون موجودة في الأكل الحيواني.

نقص الزنك

كمان الاعتماد على النظام النباتي بس طول الوقت ممكن يصيب الشخص بنقص مادة الزنك في الجسم.

وده طبعًا بيؤثر على الجسم وخصوصًا حاسة التذوق اللي الزنك مسؤول عنها.

نقص الزنك في الجسم معناه مشكلات في تذوق الطعام أو الشراب.

وطبعًا الزنك موجود في اللحوم والمأكولات البحرية.

ضعف العضلات

من ضمن الأضرار الخطيرة برضه اللي ممكن يسببها النظام النباتي هي ضعف العضلات.

الجسم بيكون محتاج بروتينات علشان يبني عضلات وده موجود في الاطعمة الحيوانية والنظام النباتي بيمنع ده.

علشان كدة لازم ننوه إن اتباع نظام نباتي صارم للتخسيس ممكن يأثر جدًا العضلات ونموها.

ممكن تحل المشكلة دي بتوفير بدائل نباتية للبروتين زي المكسرات، الأوراق الخضراء أو الورقية، العدس، البقوليات، الفول.

النظام النباتي للتخسيس

أخيرًا دي كانت كل حاجة تخص النظام النباتي للتخسيس وجميع أنواع الاكلات اللي ممكن نأكلها فيه وكمان وصفات نباتية رائعة ولذيذة زي المسقعة وفاهيتا المشروم ومشروم البانيه وكمان جدول وجبات لنظام التخسيس النباتي وقدمنا برضه بعض الأضرار اللي ممكن تحصل للشخص بسبب النظام ده.

/home/ahmed-gouda/workspace/main-system

النظام النباتي يعني الامتناع عن أكل اللحوم والأسماك والفراخ وكمان منتجات الألبان والبيض والزبدة علشان إنقاص الوزن وتوفير حماية من أمراض زي أمراض القلب والسرطان وشيخوخة الجلد بأكل أطعمة لذيذة زي الفواكه والخضروات والبقوليات والمكسرات بطريقة معتدلة

 

مواضيع ذات علاقة