رجيم اتكنز .. شوفي فوائده واضراره وازاي تمشي عليه

فيه أنواع حميات غذائية كتير بتنزل الوزن، ومن ضمن الحميات دي هي رجيم اتكنز واللي ليه فوايد وأضرار زي أي نظام تاني، وده اللي هنشرحه النهاردة.

فالرجيم ده مش معروف ومش منتشر أوي في مجتمعنا، لكن مهم نعرف إزاي نقدر نمشي عليه عشان نخس الوزن اللي عايزينه.

الرجيم ده بيعتمد في الأكل على البروتين والدهون أكتر من الكارب، فالأكل المتاح فيه عبارة عن اللحوم، والمأكولات البحرية، والبيض، والجبن، وبعض أنواع الخضار والزيوت بأنواعها.

وكمان بنقلل الكربوهيدرات بشكل كبير جدًا عشان نسبة سكر الدم تقل، فالجسم ميلاقيش حاجة ياخد منها طاقة.

بالتالي يبدأ يحرق في الدهون المتراكمة والمتخزنة في الخلايا عشان ياخد الطاقة اللي محتاجها، ومن هنا هينزل الوزن.

وفي موضوعنا النهاردة، هنعرف مع بعض من خلال موقع "فودو" كل حاجة عن رجيم اتكنز وفوايده واضراره.

اقرأي أيضًا: أكلات مناسبة لمرضى السكر وأفضل جدول غذائي ليهم

رجيم اتكنز

العالم اللي اخترع الحمية دي قسمها على 4 مراحل، كل مرحلة منهم ليها اكل وشرب مسموح بيه أو ممنوع.

على سبيل المثال المرحلة الأول بنقلل فيها الكارب بشكل كبير، فلازم مناخدش أي أكل فيه كربوهيدرات أكتر من 20 جرام في اليوم، وبتاخد مننا أسبوعين، وممكن ناخد الكارب من البروكلي والقرنبيط والخيار. 

أما المرحلة التانية فبنزود نسبة الكارب شوية لـ 25% وبنزود فيها نسبة الخضار شوية، وبنبدأ نزوده 4 جرام كل أسبوع.

لكن لو حصل ثبات في الوزن في الفترة دي، فده هيخلينا نرجع نقلل كمية الكربوهيدرات تاني.

أما بقى المرحلة التالتة فبنزود الكارب كل أسبوع بنسبة 10% عن طريق تزويد الخضروات النشوية زي البطاطس.

وفي الرابعة بتعرف لوحدك نسبة الكربوهيدرات اللي جسمك محتاجها وبيتم فيها ثبات الوزن.

رجيم اتكنز

الأكل المسموح بيه في حمية اتكنز

عندنا حاجات كتير مسموح بيها في الرجيم ده، واللي بيعتمد بشكل أساسي على البروتينات.

وبالتالي فاحنا نقدر ناكل جميع البروتينات مثل اللحوم الحمرا سواء كانت أبقار أو جمال أو غنم.

وبرده عندنا الطيور بأنواعها زي الفراخ والبط والديك الرومي أو الحمام

كذلك عندنا السمك بأنواعها زي السمك البطلي والربيان والتونة، والخضار بس مش كله، والتوابل برده بس بدون سكر. 

كمان مسموح بأكل الجبنة سواء كامل الدسم أو منزوع الدسم، والبيض بكافة أشكاله سواء مقلي أو مسلوق.

الوجبات الخفيفة في رجيم أتكنز

عندنا بقايا الوجبات الرئيسية، والجبن، أو بيضة مسلوقة، والمكسرات والبذور، والزبادي اليوناني.

كما إن عندنا التوت والكريمة المخفوقة (بدون سكر)، والقهوة بالقشدة، والجزر، والفواكه.

تعرفي على اطعمة بها فيتامين د .. اهم مصادر فيتامين د من الاكل

الاطعمة الممنوعة في ريجيم اتكنز

في النظام ده معظم الوجبات الغذائية ممنوعة، لأن الحمية بتعتمد على تقليل الدهون وكربوهيدرات، وبيعتمد على البروتين النباتي بس.

ومن ضمن الأكل الممنوع كل السكريات خاصة الموجودة في المشروبات الغازية وعصاير الفاكخة والكيك والحلويات والآيس كريم. 

وكمان ممنوع الحبوب واللي بتشمل القمح والرز والشعر، والزيوت النباتية زي زيت الصويا وزيت الذرة وزيت بذور القطن، وزيت الكانولا .

ممنوع كمان الدهون المحولة اللي موجودة في الاغذية المعلبة غالبًا.

أما المرحلة الأولى بالذات فبيبقى فيه ممنوعات أكتر شوية من المراحل التانية، ومنها الخضار اللي فيه كربوهيدرات كتير زي الجزر والفجل. 

وممنوع كمان في المرحلة دي الفاكهة اللي فيها كربوهيدرات عالية زي مثلًا الموز والتفاح والبرتقال والعنب. 

كمان النشويات زي البطاطس والبطاطا الحلوة ممنوعة، والبقوليات زي العدس والفاصوليا والحمص. 

الاطعمة الممنوعة في ريجيم اتكنز

اضرار رجيم اتكنز

مش كتير من الناس بيقدروا يكملوا في الرجيم ده وقت طويل، بسبب كمية الأكل الممنوع ياكلوها فيه.

وطبعًا في آثار جانبية بتحصل للشخص اللي بيمشي عليه، زي مثلًا ريحة بقه بتبقى وحشة، لأن بقه بينشف.

ممكن يحصل تعب ودوخة وأرق وغثيان وإمساك، بسبب منع الأكل اللي فيه كربوهيدرات وألياف زي الرز والمكرونة. 

هو كمان بيعتمد على الدهون المشبعة اللي موجودة في الحيوانات والسمن البلدي، وده بيزود خطر الإصابة بأمراض القلب.

كمان عدم وجود الفواكه والخضار ومنتجات الألبان، ممكن يأثر على صحة العضم والكلى على المدى الطويل.

والمخاوف دي موجودة على الرغم من إننا بناكل البروتينات الحيوانية، لكنها مش بتغني عن الألبان والفاكهة. 

الحاجات الممنوعة في الرجيم ده، بتخلي مفيش توازن وتنوع في العناصر الغذائية اللي الجسم بيحتاجها.

الرجيم ده مفيهوش ألياف غذائية وحبوب كاملة زي القمح والشوفان، وده غلط جدًا على الجسم وصعب نتعود عليه.

بالإضافة إلى ذلك فهو عالي جدًا بالدهون والكوليسترول المضرة بصحة القلب والشرايين. 

على الرغم من إن خسارة الوزن بتحصل بسرعة، فده بيخلي زيادة الوزن تحصل بسرعة برده بل ومضاعفة الوزن.

قلة الألياف اللي الجسم بياخدها وزيادة البروتين، بيسبب إمساك للشخص واضطرابات هضمية.

فوائد رجيم اتكنز

أكتر حاجة مهمة الرجيم ده بيعملها، هي حرق الدهون بشكل سريع وخسارة الوزن بفاعلية كبيرة.

نتيجته بظهر بسرعة جدًا، وكمان اللي بيمشي عليه مش بيحس بأي حرمان أو جوع؛ لأن بناكل لحمة وفراخ وسمك كتير.

وكمان بناكل البيض والجبنة وحاجات كلها بتحتوي على دهون أو بروتين ودول بيخلونا نحس بالشبع.

فوائد رجيم اتكينز

تعرفي على حساسية الطعام .. اعرف إيه الأكل اللي بيسبب حساسية

مشروبات أتكنز دايت

بعد ما عرفنا إيه الأكل المسموح بيه في النظام ده، لازم نعرف إيه المشروبات المهمة كمان فيه.

أول حاجة المية لازم نشرب مية كتير خاصة في المرحلة الأول، لأن الوزن المفقود غالبًا بيكون وزن المية.

علاوة على ذلك عندن القهوة برده من المشروبات الكويسة في النظام ده بس بدون سكر، لكن لو حسيت بجوع امنعها.

فيه كمان الشاي الأخضر وهو كويس برده لنظام اتكنز وبيساعد على حرق الدهون. 

لكن ممنوع نشرب أي حاجة فيها سكر زي المشروبات الغازية والعصاير، وكمان ممنوع الكحوليات لأن فيها سكر وكارب عاليين. 

 
 
/home/ahmed-gouda/workspace/main-system

رجيم اتكنز من الحميات اللي بتنزل الوزن بسرعة كبيرة جدًا، لكن مع ذلك ليه أضرار لازم نعرفها قبل ما نقرر نمشي عليه، وهو ده اللي شرحناه في تقريرنا، وكمان عرفناكم ايه الاكل المسموح والممنوع لو قررنا نمشي عليه.

 

مواضيع ذات علاقة