نظام فيجن النباتي والأكلات المناسبة معاه

نظام فيجن النباتي هو واحد من الأنظمة الغذائية اللي تقدري تمشي عليها عشان تخسي لو إنتي نباتية، ومينفعش معاكي الأنظمة التانية اللي بتعتمد على البروتينات الحيوانية.

المهم إن النظام ده نباتي من أوله لآخره، لكن طبعًا يقدر أي حد يمشي عليه مش شرط النباتيين بس، لكن هيبقى ليه ضريبته بالنسبالهم.

وفي موضوعنا النهاردة، موقع "فودو" قرر إن يشرح إيه هو نظام فيجن النباتي وإيه الأكلات المناسبة معاه والجدل اللي نمشي عليه.

اقرأي أيضًا: الأطعمة المناسبة لنظام الكيتو .. المسموح والممنوع

نطام فيجن النباتي 

النظام ده واضح من اسمه إنه بيعتمد على الأكل النباتي وبيبعد تمامًا عن المنتجات الحيوانية زي اللحوم والفراخ والأسماك بأنواعها.

لكنه بيختلف عن أي نظام نباتي تاني في إنه بيبعد عن المنتجات الحيوانية بنسبة 100%، حتى لو كانت منتجات الألبان.

فهو بيمنع كل الجبن والزبادي والألبان والقشطة والزبدة والبيض عكس الأنظمة التانية، وأكيد بيمنع اللحمة والفراخ والسمك.

وهو برده بيمنع أكل العسل بمختلف أنواعه والسكريات وكل الأكل اللي فيه نسبة نشويات.

هو بس بيبسمح بأكل الخضار والفاكهة كتير، لإنهم المصدر الأساسي اللي بيعتمد عليهم وبيدخلهم الجسم.

طبعًا فيه صعوبات بتحصل لجسم اللي بيعتمدوا على النظام ده، زي إنهم بيبقوا محتاجين للبروتين أكتر من غيرهم.

وده بيرجع لإن مفيش أي مصدر للبروتين بياخدوه غير من النباتات، وبالتالي لازم يعوّضوا ده بأكل بروتين نباتي كتير.

ومن ضمن الحاجات اللي فيه بروتينات عالية مثلًا التوفو، والفاصوليا، والمكسرات، والبذور.

كمان ممكن نعوض البروتينات بإننا ناكل شوفان مع لبن نباتي وفاكهة على الفطار، أو نضيف بذور الكتان أو الشيا أو زبدة المكسرات.

الجدير ذكره إن لبن الصويا خيار أعلى بالبروتين مقارنة بلبن اللوز أو الكاجو، في النظام ده. 

بالإضافة إلى ذلك فإننا نقدر نزود الجسم بالكالسيوم من مصادر الكالسيوم النباتية زي مثلًا التوفو واللوز واللفت والبروكلي.

وكمان لازم نهتم بالألبان النباتية زي لبن الصويا اللي بيزود الجسم بالكالسيوم وفيتامين د. 

طبعًا الجسم محتاج للأحماض الدهنية للأوميجا 3 واللي موجودة في السمك، اللي النظام ده بيمنعه.

وبالتالي عندنا مصادر تانية للكالسيوم زي مثلًا الجوز، وبذور الكتان، والمكملات الغذائية، والطحالب.

أما الحديد فنقدر ناخدهم شوربة العدس، وزبدة الجوز، والزنك من المكسرات، والحبوب، وأطعمة الصويا.

علاوة على ذلك فـ فيتامين 12 اللي موجود في البروتينات الحيوانية بس، نقدر ناخده من المكملات الغذائية.

نطام فيجن النباتي 

الأطعمة المسموح بتناولها في نظام فيجن

بعض الأخصائيين والدكاترة بيقولوا إن النظام ده لأصحاب العمر الطويل لإن ممنوع فيه أي دهون غير مشبعة أو كربوهيدرات أو سكريات.

فهو بيعتمد على الخضار والفاكهة والبقوليات والحبوب بس، وما عدا ذلك ممنوع منعًا باتًا.

أما الأكل المسموح بيه فيه فعندنا مثلًا الخضار زي الكوسا والكرنب وورق العنب والبروكلي والقرنبيط والبتنجان.

عندنا كمان في الخضار البطاطا الحلوة والبنجر والخرشوف والكرفس، وفيه المشروم واليقطين والطماطم والفلفل الملون.

كمان عندنا كل أنواع الفاكهة مسموح بيها زي مثلًا المشمش والتفاح والفراولة والأفوكادو والبطيخ وغيرهم.

فيه برده البقوليات زي مثلًا الفاصوليا والحمص والفول والعدس و فول الصويا.

أما الحبوب فكل أنواعها معانا في النظام ده زي الرز ومنتجات القمح والشوفان والشعير وبذور الكتان وبذور الشيا. 

الأطعمة غير المسموح بيها

فيه قايمة كبيرة من الأطعمة مش مسموح بيها في النظام ده؛ فهو بيمنع كل حاجة جاية من الحيوانات والطيور والأسماك.

فجميع أنواع اللحوم الحمرا والبيضا ممنوعة، والألبان بجميع مشتقاتها زي الزبدة والقشطة والزبادي والجبن والبيض.

ممنوع كمان في النظام ده السكريات والحلويات كلها، ويفضل مناكلش الكربوهيدرات، وبرده ممنوع كل أنواع الدهون والزيوت والسمن.

بالإضافة إلى ذلك ممنوع كل المكونات اللي من أصل حيواني، زي مثلًا مصل اللبن، والكازين، واللاكتوز، وزلال البيض الأبيض، والجيلاتين، والكارمين، والشيلاك.

كمان ممنوع المكملات الغذائية اللي من أصل حيواني زي "ل- سيستين، وفيتامين د3 المشتق من الحيوانات، والأحماض الدهنية أوميغا 3 المشتقة من الأسماك".

الأطعمة المسموح بتناولها في نظام فيجن

طريقة اتباع نظام فيجن

في النظام ده هناكل وجبات صغيرة بين الوجبات الرئيسية، زي مثلًا فاكهة أو طبق سلطة خضرا مع العيش الأسمر أو السن.

بننصح كمان بإننا ناكل كوباية من المكسرات على مدار الأسبوع مكونة من الفتسق الحلبي واللب الأبيض المحمص بدون ملح.

ممنوع منعًا باتًا الأكل الجهاز والفاست فود، ولازم نحافظ على كمية الأكل اللي بناكله، وناكل في مواعيد ثابتة ومنظمة.  

كمان لازن نظبط نومنا وممنوع نسهر وقت طويل، كما إن ممنوع ناخد أي عصير فيه مواد حافظة.

إحنا نقدر ناخد أي عصير فريش معمول في البيت لكن من غير سكر؛ لأن السكريات بأنواعها ممنوعة برده. 

ممنوع كمان العسل والسكر بشكل تام عشان مستوى سكر الدم ميعلاش، ولازم نشرب مية كتير حوالي 3 لتر في اليوم.

وده لأن المية بتخلص من السموم في الجسم وبترفع كفاءة وبتزوّد نشاط الدورة الدموية.

وزي أي نظام غذائي تاني، لازم نتمرّن كل يوم ولو نص ساعة بس نمشي فيها أو نجري أو نعمل أي تمارين خفيفة.

بالإضافة إلى ذلك فالنظام ده ممنوع فيه الملح مع الأكل الأساسي لأن الملح بيخزن السوايل في الجسم.

وزي ما قولنا قبل كدا بننصح بتناول مكمل غذائي فيتامين ب12 لأن مفيش أي مصادر نباتية للفيتامين ده. 

وأخيرًا بننصح بتناول الأعشاب والشاي الأخضر بالذات قبل ما ناكل وجباتنا الأساسية في اليوم. 

تعرفي على النظام الغذائي منخفض الكربوهيدرات .. الأكل الممنوع والمسموح

جدول نظام فيغن 

ده مش جدول غذائي بالمعني الحرفي لكن هو نموذج ليوم واحد من نظام فيجن النباتي وهو كالتالي: 

الفطار

نقدر في الفطار نشرب كوباية كبيرة من لبن الصويا بدون دسم، و5 قطع من عيش الشوفان.

وناكل كمان ثمرة فاكهة واحدة مثلًا تفاح أو كمثرى، ومعلقة متوسطة مكسرات لوز أو جوز هند. 

الغذاء

أما الغدا فنقدر ناكل فيه طبق سلطة خضار مع حمص، وطبق كبير خضار مطبوخ، وثمرتين فاكهة ومعلقة مكسرات. 

العشاء

العشا بقى هيبقى 3 معالق قرع عسلي مهروس، وكوباية فاصوليا وثمرة تفاح. 

 
/home/ahmed-gouda/workspace/main-system

نظام فيجن مناسب جدًا للنباتيين وبيساعدهم في تنزيل وزنهم من غير ما ياكلوا أي منتجات حيوانية، لكن لازم تعرفوا الأكل المسموح والممنوع فيه لإنه مش زي أي نظام نباتي تاني، بل ليه طريقة معينة وأكل معين، وده اللي شرحناه في موضوعنا النهاردة.

 

مواضيع ذات علاقة