تخزين البيض .. 4 طرق لتخزين البيض أطول فترة ممكنة

يمكن البيض من الحاجات الأساسية اللي لازم تبقى موجودة في مطبخك وتلاجتك، وبالتالي لازم تعرفي طريقة تخزين البيض لأطول فترة ممكنة.

البيض بيدخل في حاجات كتير سواء أكل أو حلويات، وكمان بنفطر بيه أغلب الوقت إن مكنش دايمًا، وبالتالي هو عنصر مهم جدًا في تلاجتك.

وعشان كدا قرر موقع "فودو" إن يشرحلك طرق تخزين البيض سواء في التلاجة أو الفريزر وإزاي نحافظ عليه وقت طويل.

اقرأي أيضًا: تخزين البامية .. هل يمكن تخزين الباميه بدون سلق؟

تخزين البيض

البيض يُعد من المنتجات الحيوانية لإن الطيور الداجنة هي اللي بتضعه زي البط والفراج والوز والحمام.

كمان البيض فيه فيتامينات وبروتينات كتير، وده بيخلي ليه فوايد صحية برده كتير على صحة الجسم.

لكن موضوعنا النهاردة مش بيتكلم عن فوايده أو أصله، إحنا هنتكلم بس عن طريق تخزينة سواء في التلاجة أو الفريزر أو لو فيه طرق تانية.

إحنا نقدر نحفظ البيض في درجة حرارة الغرفة عادي من غير ما نحطه في التلاجة، بس ده ليه خطوات معينة.

أول حاجة هنسخن ربع كوباية زيت معدني زي مثلًا البنزين والديزل في الميكروويف لمدة عشر ثوان.

بعد كدا هنرفع البيض من الكرتونة ونحطه في أي طبق أو علبة عشان نسهل عملية تزييته.

قبل ما نبدأ نزيت البيض هنلبس جوانتي ونحط شوية زيت على الايد، وبعدين ندهن أجزاء البيضة كلها.

بعد كدا هنرجع تاني البيض في الكرتونة ونحطه في مكان جاف وحرارته منخفضة، وده هيخليه طازة أسابيع قليلة.

والطريقة دي تنفع بس لو معندكيش تلاجة في البيت وده طبعًا مستحيل، وبالتالي مش بنفضلها أوي في عملية تخزين البيض.

تخزين البيض

تخزين البيض في الثلاجة

نقدر نخزن البيض في التلاجة ني أو مسلوق، لو هنخزنه وهو ني فممنوع منعًا باتًا إننا نغسله قبل ما نشيله.

بعد كدا نشيله في الجزء المخصص ليه في التلاجة واللي بيكون في بابها، عشان الجزء ده بيوفر درجة برودة أقل.

كمان نقدر نشيله تحت الفريزر علطول، عشان برده الجزء ده بيكون بارد أكتر من أي مكان تاني في التلاجة.

وبنسيبه في المكان ده لأسابيع قليلة تصل لـ5 أسابيع، ومينفعش نسيبه أكتر من كدا عشان ميبدأش يبوظ.

أما لو هنسلق البيض، فنغسله ونحط في مية لحد ما يغلي، ونهدي النار عليه لحد ما يتسلق.

بعد كدا هنبرده في درجة حرارة الغرفة يعني نسيبه ساعتين مثلًا ومنقشروش، وبعدين نشيله في علبة مقفولة جوا التلاجة.

وممكن برده نقشره ونحطه في علبة ونقفلها كويس لكن لازم تبقى مغمورة بالمية ونشيله في التلاجة.

لكن لازم نستخدم البيض المسلوق في غضون أسبوع من عملية حفظه في التلاجة؛ عشان هيبدأ يبوظ وطعمه يغير.

تعرفي على طريقة تلميع الأواني الألومنيوم بأفكار مذهلة.. ستجعلها جديدة

حفظ البيِض في الفريزر 

أول حاجة في عملية حفظ البيض في الفريزر هي إننا نجمده بشكل منفصل يعني الصفار لوحده والبياض لوحده.

وعشان كدا هنكسر البيض ونحط البياض في علبة والصفار في علبة تانية، ونخفق كل منهم لوحده.

بعد كدا هنحط تمن معلقة صغيرة ملح لكل ربع كوباية صفار بيض يعني كل 4 بيضات تقريبًا.

والخطوة دي مهمة عشان تمنع تكتل صفار البيض لما نحطه في التلاجة.

أما البيضا فهنحط معلقة صغيرة ونص سكر لكل ربع كوباية من منه عشان نستخدمه في الحلويات.

طبعًا هنقفل العلب كويس جدا أو الأكياس، عشان نمنع تسرب الرطوبة ليه، وهنشيله في التلاجة.

في طريقة تانية لتخزين البيض في التلاجة وهي إننا نحفظ الصفار والبياض مع بعض، يعني نكسر البيضة ونحطه في علبة ونخفقها كويس جدًا.

لكن لازم منبالغش في الخفق عشان ميظهرش فقاعات، بعد كدا هنحط البيض في قالب مكعبات ونشيلهفي الفريزر.

ولما نيجي نستخدمه هندوب البيض عن طريق إننا نحطهفي التلاجة يوم كامل قبل استعماله.

وكل بيضة هتساوي حوالبي مكعبين تلج، ولازم نستخدمه في غضون سنة من التجميد.


حفظ البيض في الفريزر 

نقدر برده إننا نجمد أطباق البيض المطبوخة، وده عن طريق إننا نبرد الطبق في درجة حرارة الغرفة.

بعد كدا نبرده في التلاجة، ونشيله في علبة أو كيس مقفولين كويس في الفريزر بعد حوالي ساعتين.

لماذا يتجمد البيض في الثلاجة

السبب الأول اللي يخلي البيض يتجمد في التلاجة، هو تركيب البيض نفسه ومكان حطه في التلاجة.

وبالتالي لو معلية درجة البرودة أوي في التلاجة فابعدي البيض عن الفريزر قدر الإمكان، لكن لو عاملة درجة البرودة وسط فحطيه في مكانه ومش هيتجمد.

وبالتالي فرفوف التلاجة هي أفضل مكان تحطي فيه البيض، لكن حطي في اعتبارك مكان وجود المراوح في التلاجة.

ولو حصل والبيض اتجمد فمتقلقيش طالما متكسرش يبقى الدنيا أمان، واستخدمي البيض بشكل طبيعي.

لكن لو البيض اتكسرت واتشققت بسبب التجمد فامريها فورًا ومتستخدميهاش.

تخليل البيِض لتخزينه 

آخر طريقة لحفظ البيض هي تخليله وده بيتم عن طريق عدة خطوات، والخطوات دي هتطبق على 12 بيضة.

أول حاجة هنحط نص كوباية مية باردة في وهنحط الـ12 بيضة جواه، ونرفعه على النار لحد ما يغلي.

بعد كدا هنشيل البيض ونغطيه لمدة 12 دقيقة، ونصفيه بعد مدا من المية السخنة ونقشره.

هنحط معلقة صغيرة فلفل أسود وورقة لوري، وكوبايتين خل، و12 حبة قرنفل، وشريحتين جنزبيل ومعلقتين صغيرة ملح، كلهم في قماشة قطن.

وبعدين هنحط القماشة في الوعاء وشوية مية وعلى النار، لحد ما يغلي لمدة 10 دقايق.

بعد كدا هنحط البيض في علب متعقمة ونضيف عليه المحلول اللي حضرناه ونقفلها كويس، ونشيلها في التلاجة.

والطريقة دي هتخلي البيض طازة لمدة من 3 لـ 4 شهور، لكن منستخدمهوش قبل يومين من تخليله.

قد يهمك أطعمة تحتوي على المغنيسيوم .. فواكه وخضروات

/home/ahmed-gouda/workspace/main-system

تخزين البيض من الحاجات المهمة جدًا لستات البيوت، وده لإن البيض بيدخل في معظم أكلنا بل إننا بنفطر بيه بشكل شبه يومي، وبالتالي إحنا بنحتاج نشيله لوقت طويل أو قليل حسب رغبتها، وعشان كدا إحنا شرحنا إزاي نخزنه في التلاجة أو الفريزر وعرفناكي طرق تانية تخزني بيه غير الطريقتين دول.

 

مواضيع ذات علاقة