10 حيل ذكية هتساعدك في المطبخ وتوفرلك وقت ومجهود

كلنا بنعاني من هدة الحيل في المطبخ كل يوم عشان نعمل الأكل ونغسل المواعين وهكذا، عشان كدا جبنالك أفضل 10 حيل ذكية هتساعدك في المطبخ وتوفرلك وقت ومجهود.

طبعًا الوقفة طول النهار مش سهلة ومجهودك كمان بيروح منك في حاجات مالهاش لازمة في المطبخ، وبالتالي لازم تعرفي إزاي تسهلي الدنيا عليكي.

وفي موضوعنا النهاردة، موقع "فودو" قرر إنه يعرفك إيه الحاجات اللي تعمليها عشان توفري وقتك ومجهودك بدون تقصير في المطبخ.

اقرأي أيضًا: تخزين البامية .. هل يمكن تخزين الباميه بدون سلق؟

10 حيل ذكية هتساعدك في المطبخ وتوفرلك وقت ومجهود

أول حاجة هنقولك عليها النهاردة هي إنك ممكن تاخدي ضعف كمية عصير الليمون لو حطيتيه في في الميكروويف لمدة 3 ثوانٍ قبل عصره.

كمان ممكن تخلي البصل مسكر ومكرمل ولذيذ لو حطيتي عليه رشة كربوناتو وإنتي بتشويحه أو تقليه.

من ضمن الحاجات اللي ممكن تعمليها كمان هي إنك تطحني التوم وإنتي بتحطيه في الأكل مش قبل كدا؛ وده هيذكي الطعم والنكهة والفوايد.

قبل ما تطبخي الأكل المعلب زي مثلًا الخضار والبقوليات، اشطفيه كويس بالمية عشان تقليلة نسبة الصوديوم فيه. 

لو مش بتحبي الخضار المطبوخ أو السلطات بس عايزة تاكلي خضار، فممكن تسيبي شوية خضار في المطبخ تحطيه على الأكل علطول.

زي مثلًا ممكن تسيبي شوية بقدونس متقطعين، وتحطيه على طبق الرز أو المكرونة أو الفراخ، أو حتى في أي ساندويتش.

عشان تخلي الأكل خفيف ممكن تستبدلي الصلصات الثقيلة والصوصات المليانة بالدهون بعصير الليمون والبرتقال والزبادي خالي الدسم.

كما إنك ممكن تضيفي أي حاجة من دول على السلطات والمقبلات بدل المايونيز والمسطردة والكاتشب وكدا.

بالنسبة للكيك، اعمليه ببيض وزبدة في درجة حرارة الغرفة العادية ده هيخليه أحسن وناجح أكتر، يعني ممكن تطلعي الحاجة دي قبل ما تعمليها بليلة كاملة.

أما بالنسبة للسمك، فممكن تاخدي نكهة ليمون لما تشويه، وده بإنك تحطي حلقات لمون على الشواية عشان السمك ميتحرقش وكمان هتاخدي النكهة.

10 حيل ذكية هتساعدك في المطبخ وتوفرلك وقت ومجهود

حيل ذكية هتساعدك تخلصي كركبة المطبخ

أهم حاجة تعمليها عشان ميحصلش كركبة كتير إنك متحتفظيش بالعلب والأزايز اللي مش محتاجاها.

وممكن كمان تخصصي صندوق للحاجات دي لو مش عايزة ترميها خاص، وتشيلي الصندوق فوق المطبخ أو أي مكان.

بالنسبة للتلاجة حاولي ترتبيها بشكل يخليكي تلاقي الحاجات بسهولة، بدل ما تخرجي منها كل حاجة عشان تلاقي حاجة واحدة.

أما بقى بالنسبة لتحضير الأكل والطبخ، فإنتي عشان توفري الوقت اعرفي هتطبخي إيه بالظبط وحضري حاجات منه من قبلها.

لازم تعرفي إزاي تخزني الاكل بالطريقة الصح، عشان ميفسدش، وكمان هيهدر فلوسك ووقتك.

من الأخطاء اللي ممكن تقعي فيها هي إنك تسيبي الأكل على النار وتسبيه، ده هيبوظ الاكل والبوتوجاز، عشان كدا متخرجيش من المطبخ إلا وإنتي مخلصة الأكل، ممكن بقى ترتبي الحاجات أو تشطبي المواعين أثناء ما الاكل بيتطبخ.

عشان متضعيش وقتك في سلق بيض أصلًا كان بايظ، اتأكدي منه قبل السلق عن طريق إنك ترجيها كويس ولو طلعت صوت يبقى كويسة.

أهم حاجة تعمليها في مطبخك إنك تنضفيه أول بأول، ومتسيبيش المواعين تتراكم في الحوض أو البوتوجاز مش نضيف.

لازم تغسلي المواعين وتنضفي علطول وكمان تغسلي الحوض بعد المواعين عشان البكتيريا متبقاش فيه ويطلع روايح مش لطيفة.

وممكن تنضفي البوتوجاز عن طريق إن يكون معاكي دايمًا مزيل الدهون عشان يسهل عليكي عملية التنضيف كل يوم.

قد يهمك طريقة تلميع الأواني الألومنيوم بأفكار مُذهلة.. ستجعلها جديدة

حاجات في المطبخ اعمليها في الصيف 

في الصيف بنبقى عايزين نخرج من المطبخ بسرعة ومش بنبقى طايقين الحر والصهد اللي بيطلعه البوتوجاز.

وعشان كمان هنعرفك حاجات ممكن تعمليها توفر عليكي الوقت ومتخلكيش تقفي في المطبخ كتير، وتقدري تعمليها في الشتا كمان.

أول حاجة تعمليها إنك تخصصي يوم في الأسبوع تجهزي فيه صلصات طماطم وتوم مفروم ولحمة معصجة وكمان مرقة.

واحتفظي بكل الحاجات دي في الفريزر بعد ما تكيسيها حسب الكميات اللي هتحتاجيها في كل وجبة.

ولما تيجي تستخدميها طلعيها من قبلها بشوية عشان تلحق تفك التجميد، وممكن أصلًا تفكيها على النار. 

برده تقدري تتبلي الفراخ والسمك وتخزنيه في الفريزر، وتطلعيه علطول على الطبخ، وبكدا هتوفر وقت على نفسك.

من ضمن الحاجات اللي تقدري تعمليها برده هي إنك تحتفظي بعلب الفول وتجهيزها على الطبخ، بس خطي البهارات والزيت قبل ما تشيليها في التلاجة.

فيه حاجة مهمة جدًا لازم تعرفيها، وهي إنك متحطيش الملح أول ما تطبخي اللحمة، حطي قبل ما يستوي بشوية، عشان مياخدش وقت في التسوية.

لو فيه أكلات هتاخد وقت طويل في التسوية زي المحشي مثلًا حضري الكرنب والتسبيكة من قبلها بيوم، واحشيه تاني يوم وسوّيه.

كمان ممكن تطبخي اللحمة بس نص تسوية قبل بيوم، وتكملي تسويتها تاني يوم، وده هيخليها تستوي أسرع.

ممكن برده تحضري أكلات وتشيليها في الفريزر على التسوية، زي البانيه والكفتة والمكرونة بالبشاميل.

تقدري تشويحي البصل كمان لحد ما يبقى دهبي كدا، وشيليه بكميات متساوية في أكياس وحطيه في الفريزر,

فيه أكلات سريعة ممكن تحضريها زي الحواوشي والمكرومة بالصلصة والمسقعة والبرجر الجاهز وهكذا، والأكلات دي مش هتاخد وقت معاكي.

تعرفي على اختيار لوح التقطيع المناسب لك وكيفية تنظيفه والحفاظ عليه

حاجات في المطبخ اعمليها في الصيف 

حيل ذكية للمطبخ 

الرول البلاستيك اللي بنلف بيه الأكل بيبقى رخم وإحنا بنطلعه ونغلف بيه أي حاجة، وعشان تخلصي من الموضوع ده حطيه في التلاجة بدل المطبخ، وده هيخليه سهل في التعامل معاه أكتر.

بالنسبة للخضار فممكن تغسليه وتنشفيه وحطيه في كيس بلاستيك واقفليه، بس متفرغيش الهوا منه، وده هيخلي لونها أخضر زي ماهي.

لو السكينة بتاعتك مش حامية، استخدمي كوباية سيراميك واقلبيها وسنّي السكينة في طرفها.

بس لو السكاكين اللي عندك غالية وجودتها عالية فمن الأفضل تشتري مسنّ عشان متبوظش.

خدي شوية مناديل وبليها وحطيها تحت لوح التقطيع عشان ميتزحلق منك وإنتي بتقطعي عليه.

إحنا بنقضي وقت كبير من يومنا في المطبخ عشان الاكل والشرب والمواعين وغيره، وبالتالي لازم نعرف إزاي نوفر وقتنا وجهدنا بحيل بسيطة ممكن تنفيذها، زي إنك تشطبي المواعين علطول وتحضري الأكل من قبلها وغيره، عشان كدا عرفناكي تعملي إيه في المطبخ وإزاي تخلصي من كركبته.

 

مواضيع ذات علاقة