أكلات مناسبة لمرضى السكر وأفضل جدول غذائي ليهم

مرض السكر من أكتر الأمراض اللي الناس بتصاب بيها ومش الكبار بس، لكن الكبار والصغيرين كمان، وبالتالي هل فيه أكلات مناسبة لمرضى السكر وإيه هي؟

مريض السكر بيحتاج لنظام أكل معين عشان السكر ميعلاش، ولازم الاكل ده يكون مناسب لاحتياجات جسمه من الكربوهيدرات والبروتينات.

وفي موضوعنا النهاردة، قرر موقع "فودو" إنه يعرّف قراءه ومتابعيه إيه هي الأكلات المناسبة لمرضى السكري والوصفات المختلفة ليهم.

اقرأي أيضًا: حساسية الطعام .. اعرف إيه الأكل اللي بيسبب حساسية

أكلات مناسبة لمرضى السكر

الأسماك الدهنية

أول حاجة هنتكلم عليها هي الأسماك الدهنية ودي غنية بأحماض أوميجا 3 وأحماض تانية مهمة.

و على سبيل المثال فيه عندنا أسماك السلمون، والأنشوفي، والماكريل، والأنواع دي بتساعد في السيطرة على سكر الدم.

البيض

تاني حاجة مناسبة لمرض السكر هي البيض،؛ لأن البيض بيقلل نسب الكوليسترول السيء في الجسم.

كمان البيض بيقلل فرص الإصابة بأمراض القلب خاصة عند مريض السكر، ويُفضل إننا ناكل بيضة واحدة يوميًا.

البروكلي من أكلات مناسبة لمرضى السكر

البروكلي كمان بيساعد في إنه يقلل نسب الأنسولين في الجسم وبالتالي فهو من الأكلات المميزة لمرضى السكري.

الثوم

التوم ليه فوايد كتير على الأصحاء وعلى مرضى السكر برده؛ لأن التوم بيساعد على خفض سكر الدم وتقليل الكوليسترول الضار.

الفراولة في أكلات مناسبة لمرضى السكر

الفراولة فيها مضادات أكسدة كتيرة، وبتساعد على تحسين مستويات السكر في الدم، وتخفيف نسب الكولسترول السيء.

وبالتالي فهي بتساهم في عملية السيطرة على سكر الدم، ولازم تحطها في ليستة الأكل لو إنت مريض سكر.  

المكسرات

أما المكسرات بأنواعها زي مثلًا اللوز، والكاجو، والبندق، والجوز، والفستق الحلبي، فبتساعد على خفض مستويات سكر الدم.

وبالتالي الخبراء نصحوا مرضى السكر بإنهم ياكلوا المكسرات بشكل دوري عشان يسيطروا على نسبة السكر في الجسم.

الخضار الورقي

من المعروف إن الخضار مفيد جدًا للجسم، لكنه بيساعد بشكل خاص مرضى السكر في إنهم يسيطروا على نسب السكر في جسمهم؛ لإنه بيساهم في خفض سكر الدم. 

الأعشاب والبهارات والبذور

فيه بعض الأعشاب والبهارات والبذور اللي بتساهم في تقليل نسب السكر في الدم، زي مثلًا الفرقة وبذور الشيا والكركم وبذور الكتان.

إليكي أيضًا: النظام الغذائي منخفض الكربوهيدرات .. الأكل الممنوع والمسموح

أكلات مناسبة لمرضى السكر

فطور وغداء وعشاء مرضى السكري 

فطور و أكلات مناسبة لمرضى السكر

ممكن مريض السكر يفطر زبادي مع فاكهة مع الشوفان والعسل أو دبس التمر

الوجبة دي بتوفر لمريض السكر البروتين والكارب اللي محتاجه، لكن لازم منكترش الفاكهة عن حصتين يوميًا.

كمان ممكن يعمل عجة بيضة واحدة وسلطة خضار ومعلقة جبنة ومعلقتين كبار أفوكادو، والوجبة دي هتساعد في منع ارتفاع السكر. 

برده من ضمن الوجبات اللي ممكن يفطر بيها هي إنه يخلط بيضة مع ربع كوباية لبن خالي الدسم ومعلقة فانيليا.

بعد كدا يتقلوا في القلاية، وبعدين يتاكلوا بشرحتين من العيش التوست المحمص المكون من الحبوب الكاملة. 

وجبات غدا لمريض السكر 

ممكن مريض السكر يتغدى وجبة مكونة من سلطة تونة وخضار، عن طريق إنه يضيف علبة تونة في طبق.

بعد كدا هتحط أي نوع من الخضار زي مثلًا الفلفل الرومي والطماطم وشرايح الزيتون، وممكن نضيف مكسرات لو عايزين.

بعد كدا هنخلط المزيج كله، ونقدمه مع كوبايتين من أوراق السبانخ أو الخس.

ممكن كمان ياكل وجبة مكونة من السمك أو صدور الفراخ مع سلطة خضرا ومعلقة رز كبيرة

لكن لازم الشخص ياخد باله من كمية الخضار اللي هيحطها في الأكل، عشان الكربوهيدرات متبقاش كتير، وبالتالي سكر الدم يعلى خاصة لو بطاطس.

برده من ضمن الوجبات اللي ممكن يتغدى بها وجبة من شوربة البقوليات مع سلطة خضار.

يعني ممكن يعمل شوربة عدس أو بسلة أو بذور الحمص، أو الفول، وياكلها مع الخضار زي ماقولنا.. 

عشا مريض السكر 

بالنسبة للعشا فممكن ناكل بيتزا على سبيل المثال مع سلطة خضار، لكن ناكلها منها حاجة بسيطة عشان متجبش نتيجة عكسية. 

ممكن برده ندهن رقائق التورتيا بمعجون الأفوكادو، أو الفاوصليا، وناكلها، ودي هتبقى وجبة لذيذة جدًا باليل.

أفضل جدول غذائي لمريض السكري

أفضل جدول غذائي لمريض السكري

أول حاجة هندّي مثال على نظام غذائي لمريض السكري مكوّن من 1200 سعرة حرارية في يوم واحد.

اليوم ده هنفطر فيه شريحتين من التوست وكوباية لبن مع حبة طماطم ومعلقتين كبيرتين من الجبنة قليلة الدسم، ومعلقة صغيرة من زيت الزيتون.

ونقدر ناكل وجبة خفيف بعد الفطار بشوية مكونة من تفاحة واحدة.

أما الغدا فهيبقى كوباية رز أو مكرونة مع كوباية سلطة خضار، أو نص كوباية من الخضار المطبوخ، وكمان ورك فرخة أو صدر فراخ، أو 60 جرام من السكك، ونص كوباية لبن.

فيه كمان وجبة خفيفة تانية ممكن تبقى برتقالة مثلًا أو أي فاكهة.

بالنسبة للعشا فهيكون شريحة عيش ونص كوباية سلطة و300 جرام من الجبنة قليلة الدسم أو بياض بيضتين، مع نص كوباية لبن.

بعد كدا هندّي مثال لنظام غذائي مكون من 1800 سعرة حرارية في اليوم الواحد.

النظام ده هنفطر فيه شريحتين توست و30 جرام من الجبنة قليلة الدسم ونص كوباية لبن مع حبة طماطم أو خيار ومعلفة صغيرة زيت زتون.

بعد كدا هييجي الغدا وده هيكون عبارة عن كوباية رز مع معلقتين صغيرتين من الزيت النباتي وكوباية شوربة خضار، وحتة فرخة، ونص كوباية زبادي.

بالنسبة للعشا فهيبقى رغيف عيش صغير ونص كوباية فول أو حمص، وكوباية سلطة، ونص كوباية زبادي، ومعلقتين صغيرة من زيت الزتون.

نقدر نقدر بعد الفطار وجبة خفيفة مكونة من ثمرة فاكهة واحدة، وبعد الغدا قطعتين بسكويت وربع كوباية لبن، وبعد العشا ثمرة فاكهة واحدة.

/home/ahmed-gouda/workspace/main-system

تنظيم الأكل من أهم الحاجات اللي لازم مريض السكر يعملها عشان مياكلش حاجات تعلي سكر الدم وتدخله في أزمات صحية، عشان كدا جبنالكم كل الأكلات المسموحة ليه واللي بيظبط سكر الدم، وأفضل جدول غذائي يقدر يمشي عليه كل يوم.

 

مواضيع ذات علاقة