اكلات خالية من الجلوتين - يلا نتعرف على دايت الأكل الخالي من الجلوتين

بعض الناس ممكن يدّوروا على اكلات خالية من الجلوتين عشان ميزدش وزنهم، وفيه ستات بتعتمد نظام غذائي قايم على كدا واسمه دايت الأكل الخالي من الجلوتين.

كمان في بعض الأشخاص ممكن يكونوا بيعانوا من حساسية القمح عشان كدة بردة بيدوروا علي منتجات خالية من الجلوتن، و في الحالة ديه لازم لمريض حساسية القمح انه دايما و هو بيشتري أي منتج يتأكد من خلو المنتجات اللي بيشتريها من الجلوتن و ده بيكون موضح علي المنتج، بيكون مكتوب عليه "خالي من الجلوتن" أو "Gluten free"

والجلوتين هي مادة موجودة في القمح، وبيضطر البعض إنه يمنعها لو مصاب باضطرابات هضمية أو مشاكل صحية معينة.

وفي موضوعنا النهاردة، قرر موقع "فودو" إنه يعرّف متابعيه ايه هي الاكلات الخالية من الجلوتين وإيه هو الدايت اللي قايم على الاكلات دي.

اقرأي أيضًا: الأطعمة المناسبة لنظام الكيتو .. المسموح والممنوع

اكلات خالية من الجلوتين

اكلات  خالية من الجلوتين

زي ما قولنا قبل كدا إن الجلوتين مادة موجودة في القمح فبالتالي أي حاجة بيدخل في تصنيعها قمح أكيد هيبقى فيها جلوتين زي مثلًا العيش والمكرونة.

لكن فيه اكلات خالية من الجلوتين تانية وهي الأكلات اللي مش بيدخل فيها قمح، زي مثلًا الدهون الصحية وأنواع البروتينات.

الدهون الصحية هتشمل زيت الزيتون البكر الممتاز وزيت السمسم وزيت جوز الهند والخشب العشبي والزبدة النباتية والسمنة ولبن اللوز والأفوكادو وجوز الهند والزيتون والمكسرات وزبدة الجوز والجبن (باستثناء الجبن الأزرق) والبذور (بذور الكتان، بذور عباد الشمس، بذور اليقطين، بذور السمسم، بذور شيا).

أم البروتين فهيشمل البيض كله، وسمك السلمون والرنجة والمرقط والسردين، والمحار والرخويات زي الجمبري، السلطعون، جراد البحر، بلح البحر، المحار.

كمان فيه البروتين الحيواني ده خالي من الجلوتين زي مثلًا "لحم البقر، لحم الضأن، الكبد، البيسون، الدجاج، الديك الرومي، البط، النعام، لحم العجل". 

بالنسبة للخضار فمعظمها مفيهاش جلوتين خاصة الخضروات الورقية زي "الخس والسبانخ والقرنبيط واللفت والكرنب والبصل والمشروم، والخرشوف، والفاصوليا الخضراء والكرفس، والفجل، والجرجير، والثوم والكراث والشمر والبصل الأخضر والجنزبيل والبقدونس والكسبرة الخضرا" .

فيه برده الفاكهة قليلة السكر زي الأفوكادو، كمان بعض أنواع الخضار زي الفلفل والخيار والطماطم والكوسا والقرع واليقطين والبتنجان والليمون والأعشاب والتوابل والبهارات.

أما بالنسبة للبذور ففيه الحنطة السوداء والرز البني والأبيض والذرة الرفيعة والشعير، كلها حاجات خالية من الجلوتين. 

لكن الشوفان مش بيدخل ضمن البذور لإنه مفيهوش جلوتين لكن بيطحن في المطاحن اللي بتطحن القمح، وبالتالي ممكن يتلوث بالجلوتين.

كما إن منتجات الألبان زي مثلًا الجبن والزبادي العادي واللبن العادي  كلها أكلات مفيهوش جلوتين بل وهي مصدر للكالسيوم.

 

 تعرفي على النظام الغذائي منخفض الكربوهيدرات .. الأكل الممنوع والمسموح

أنواع دقيق مفيهوش جلوتن

 

الدقيق العادي مصنوع من القمح وبالتالي فهو أكيد فيه جلوتين، لكن فيه أنواع تانية مفيهاش وهي على سبيل المثال كالآتي:

دقيق الأمارانث وده نكهته زي الجوز شوية ومحمص، وينفع في المخبوزات اللي لونها غامق زي البراونيز.

وفيه كمان دقيق الأروروت وده نقدر نعتبر بديل لنشا الذرة، وبنستخدمه مع الأسماك واللحوم وينفع للمخبوزات لو مزجناه مع أنواع دقيق تانية خالية من الجلوتين.

برده عندنا دقيق البقوليات وده بيتصنع من أنواع مختلفة من البقوليات المطحونة والمجففة، زي مثلًا الفاصوليا والفول والحمص.

ونقدر نستخدم دقيق البقوليات مع دقيق الذرة البيضا في الوصفات اللي نكهتها قوية زي عيش الجنزبيل وكيكة الشيكولاتة.

أما دقيق الذرة فده بيتطحن من حبوب الدرة المطحونة، وقوامه خفيف، وبيدي نكهة خفيفة للمخبوزات شبه نكهة الجوز.

كمان فيه دقيق المسكيت وده نكهته زي نكهة الشيكولاتة وطعمه زي طعم دبس السكر، وبيُستخدم في الفطاير والعيش والبسكويت والكيكات.

من ضمن أنواع الدقيقة برده دقيق الدُخن وده نكهته تشبه نكهة الذرة والجوز، وبنخلطه مع أنواع دقيق تانية عشان نستخدمه.

فيه نوع دقيق تاني بيتصنع من مطحون اللوز أو البندق، واسمه دقيق المكسرات، وده بيستخدم في المخبوزات.

كمان فيه دقيق البطاطا وده بنستخدمه كمكثف للشوربات والصلصات، وبنحطه بكمية صغيرة في المخبوزات.

ومن ضمن أنواع الدقيق الخالية من الجلوتين دقيق الكينوا وده نكهته شبه الجوز بس قوية شوية، وممكن نجربه في التتبيلات.

فيه كمان دقيق الرز البني والحلو والأبيض، فدقيق الرز البني بيتخلط بالدقيق والنشا التانيين وبنستخدمه في المخبوزات.

أما دقيق الرز الحلو فده ممكن تسنخدمه كمكثف للصلصات والشوربات والحلويات.

ودقيق الرز الأبيض نكهته قوية، ونقدر نستخدمه في أي حاجة بس لما نخلطه مع أنواع الدقيق التانية الخالية من الجلوتين.

فيه كمان دقيق بيتصنع من حبوب الذرة المطحونة واسمه دقيق الذرة البيضا، وده ليه نكهة قوية وبيتخلط مع دقيق البقوليات.

أما دقيق الصويا نكهته قوية وبيتخلط مع أنواع الدقيق التانية، وبنستخدمه مع الأكل اللي فيه مكسرات أو شيكولاتة.

 

وصفات خالية من الجلوتين 

براونيز

المكونات:

  • 3/4 كوب من دقيق اللوز
  • 3/4 كوب عسل
  • 1/2 كوب جوز مفروم خشن.
  • 2 بيضة
  • 5 معالق كبيرة كاكاو
  • 1/4 كوب زيت كانولا
  • معلقة فانيليا صغيرة

بعد ما نحضر كل حاجة هنسخن الفرن على درجة حرارة 175 ونسيبه، وبعدين نبدأ في تعضير العجينة.

هنخلط الدقيق مع العسل والجوز وكل المكونات التانية كويس جدًا، وبعدين نصب الخليط في صينية مقاس مناسب.

بعد كدا هندخل الصينية الفرن لمدة نص ساعة أو لحد ما تستوي، وهنخرجها من الفرن ونسيبه يبرد 5 دقايق قبل ما نقطعه ونقدمه.

وصفات خالية من الجلوتين 

صلصة الأفوكادو

المكونات:

  • 2 ثمرة أفوكادو
  • بصلة مفرومة
  • فص توم مفروم
  • ثمرة طماطم
  • عصير ليمونة
  • ملح
  • فلفل أسود

أول حاجة هنعملها هنهرس الأفوكاو في طبق، وبعدين نضيف البصل والثوم والطماطم، بعدين الليمون وربع معلقة صغيرة ملح وزيها فلفل أسود.

بعد كدا هنخلط المزيج كويس جدًا، ونقدمه مع شيبس التورتيلا أو خضار متقطع.

صلصة الأفوكادو

بان كيك البطاطس 

المكونات:

  • حبتين بطاطس مسلوقة ومهروسة
  • بيضة مخفوقة
  • معلقة صغيرة ملح
  • ملعقة زبدة
  • وربع كوب جبنة شيدر مبشورة

أول حاجة هنعملها إننا هنخلط البطاطس مع البيض والملح والجبنة كويس جدًا.

بعد كدا هندوب الزبدة في قلاية على نار متوسطة، وبعدين هنحاول نعمل دايرة من الخليط ونحمرها في القلاية لمدة 5 دقايق، وبنقدمها سخنة مع البيض أو الخضار.

بان كيك الشوفان

المكونات:

  • كوباية ونص من الشوفان المطحون
  • ورشة ملح
  • نص معلقة صغيرة بيكنج باودر
  • ملعقة صغيرة قرفة
  • كوب حليب
  • بيضة
  • نص معلقة فانيليا صغيرة.

وهنبدأ نخلط الشوفان مع البيكنج باودر والملح والقرفة، وبعدين هنخلط اللبن مع البيض والفانيليا.

بعد كدا هنضيف خليط اللبن والبيض لخليط الشوفان ونحركهم سوا وبعدين نسيب الخليط يرتاح 5 دقايق.

هنولع النار على القلاية اللي فيها شوية زيت أو زبدة، وبعدين نصب شوية من الخليط ونحمره وبعدين نقلبه عالوش التاني عشان يتحمر برده، ونقدمها سخنة مع العسل والفاكهة.

بان كيك الشوفان

المصادر.. قائمة ببعض الأطعمة والمأكولات الخالية من الجلوتين

فيه ناس بتحتاج تاكل وصفات مفيهاش جلوتين لأسباب طبية وفيه بتمشي على الاسلوب ده عشان تخس، وبالتالي فالنوعين لازم يعرفوا إيه هي الاكلات الخالية من الجلوتين والوصفات اللي نقدر نعملها، وده اللي عرفناهلكم في موضوعنا النهاردة عشان مضطرش تدور كتير.

 

مواضيع ذات علاقة