تخزين البامية .. هل يمكن تخزين الباميه بدون سلق؟

ستات كتير بتحب تخزن الخضار عشان تستخدمها في أي وقت من السنة حتى لو مش آوانه، وفيه طبعًا أصول لتخزين كل حاجة ومنها تخزين البامية .

فالستات بيخزنوا مثلًا البسلة والملوخية وكمان البامية، وبالتالي هنعرفوهم أصول تخزين البامية بالطريقة الصح اللي تخليها تعيش شهور.

اقرأي أيضًا: أفضل الطرق للحفاظ على البسكويت والكوكيز طازة لاطول فترة

تخزين البامية

فيه طريقتين نقدر من خلالها نحفظ البامية وده بيعتمد على المدة الزمنية اللي عايزين نخزن البامية خلالها.

فلو عايزين نشيلها كام يوم هنكتفي بالتلاجة، ولو عايزين نشيلها شهور فلازم نخزنها في الفريزر.

لكن الأول اعرفي إزاي تنقي البامية الحلوة وتشتغلي فيها.

أول حاجة اختار البامية اللي قرونها طريقة وصغيرة، وبعدين لما نيجي نشتغل فيها لازم منغلهاش في حلل حديد أو نحاس عشان لونها ميتغيرش.

كما إننا لازم منخزنش البامية في الأكياس المخرومة ونسيبها، لكن لازم نلفها الأول بكيس نايلون أو مناديل مطبخ.

لما نيدي نشيلها في الفريزر نبعدها عن اللحمة عشان متكرفش عليها، كمان ضروي نغسل ايدينا قبل و بعد استخدامها.

أخيرًا من ضمن الحاجات اللي لازم ناخد بالنا منها هي إننا منستخدمش المواد المحفوظة لأكتر من سنة، لأن قيمتها الغذائية بتروح. 

تخزين البامية في الثلاجة 

بعد ما نختار قرون البامية الطرية والقصيرة أو اللي طولها ميزدش عن 10 سم، بنلفها في مناديل مطبخ.

أما بعد كدا هنحطها في كيس بلاستيك فيه ثقوب أو كيس ورقي عادي، ونشيلها في التلاجة من يومين لـ3 أيام.

طبعًا قبل ما نشتغل فيها بنقمعها ونغسلها كويس جدًا ونجففها كويس. 

تخزين البامية

تفريز البامية 

بالنسبة لتخزين البامية في الفريزر فده عالأغلب هو اللي بيحصل، عشان كدا هنوضحلك بالتفصيل الممل إزاي نفرز البامية وتقعد معانا لسنة.

أول حاجة اختاري قرون البامية الصغيرة زي ما قولنا قبل كدا؛ لأن القرون الصغيرة بتخليها تحافظ على شكلها طول فترة التجميد.

بعد كدا هنغسل البامية كويس بالمية عشان نشيل التراب منها ولو فيه حشرة كمان بتتشال مع المية.

الخطوة اللي بعد كدا عنقمع البامية بالسكينة عن طريق إننا نشيل الجزء العلوي منها على شكل قرطاس، واخر حتة فيها من تحت.

كمان حاولي تخلص تقميع البامية بسرعة عشان لونها ميتغيرش، يُفضل تقمعي في أقل من نص ساعة.

بعد كدا هنحط 4 لتر مية في حلة أو لحد ما توصل لتلتين الحلة تقريبًا، ودي كمية مناسبة لسلق نص كيلو من البامية.

وبعدين هنجهز حلة تانية أو علبة في مية متلجة عشان نحط البامية فيها بعد ما نسلقها علطول.

هنسلق البامية في المية المغلية لمدة 3 دقايق تقريبًا، ولو قرونها كبيرة هنسيبها 4 دقايق؛ عشان نقتل البكتيريا ونمنع لونها من إنه يتغير.

هنشيلها من الحلة ونحطها علطول في المية المتلجة لمدة 5 دقايق تقريبًا عشان نمنع إن طبخها يكمل بسبب المية السخنة.

بعد كدا هنشيلها من المية ونحطها في مصفة عشان تجفف وتنشف كويس، وبعدين هنشيلها في أكياس بلاستيك مقفولة كويس.

هنفرغ الكيس من الهوا قبل ما نقفله عشان البامية متنشفش، نحطها في الفريزر.

نقدر كمان إننا نجمد البامية بطريقة تانية وهي إننا نسلقها ونبردها زي ما قولنا قبل كدا، وبعدين نحط في صينية عليها ورق فويل.

هنحط الصينية في الفريزر لمدة 5 ساعات لحد ما تتجمد، وبعدين نطلعها ونحطها في أكياس بلاستيك ونشيلها في الفريزر تاني.

تعرفي على ترتيب التوابل في المطبخ وطريقة عمل رف للتوابل

حفظ الباميه في الفريزر بدون سلق

هو إحنا نقدر نخزن البامية من غير ما نسلقها؟ ده سؤال ستات كتير بتسأله لنفسها أو لغيرها وهنجاوب عليه حالًا.

طبعًا ساعات بنكسل أو مش بيبقى عندنا وقت نسلق البامية ونسيبها لحد ما تنشف ونرجع تاني نشيلها في الأكياس ونفرزها.

وبالتالي فاحنا نقدر نخزنها من غير كل الخطوات عادي جدًا، وهتبقى النتيجة هي هي برده، ومش هيتغير لونها أو يحصلها حاجة.

أول حاجة نعملها إننا نغسل البامية كويس جدًا ونتأكد إنها نضفت ومفيش فيها أي تراب أو حشرات.

بعد كدا هنسيبها تنشف ونقمعها ونحاول نخلص التقميع بسرعة زي ما قولنا قبل كدا، وبعدين نحطها في أكياس بلاستيك ونقفلها كويس بعد ما نفرغ الهوا منها.

هنحط الأكياس في الفريزر عادي، لكن لازم نكون متأكدين إن درجة الحرارة في الفريزر هي 18 تحت الصفر.

حفظ الباميه في الفريزر بدون سلق

حفظ الباميه الويكا 


بالنسبة للبامية الويكا فهنخزنها عن طريق إننا نغسل طبعًا البمايه كويس ونقمعها ونقطعها حلقات حجمها متوسط.

بعد كدا هنحطها في مية بمقدار 2 لتر مية لكل كيلو بامية، وهنحطها على النار لحد ما تغلي، وبعدين نضيف عليها ربع كوباية عصير ليمون.

هنسيبها على النار لمدة 15 دقيقة، قبل ما نشيلها تاني ونحطها في مية متلجة عشان نوقف عملية طبخ البامية.

بعدين هنشيلها في أكياس بلاستيك ونفرغ الهوا كويس منها ونحطها في الفريزر، وممكن نسيبها شهور متجمدة.

حفظ الباميه بالماء والملح 

بعد ما نجيب البامية وننضفها كويس بالمية، هنسيبها أو نقطعها على حسب رغبتها، وبعدين هنحطها في مية مملحة.

هنرفعها على النار لحد ما تغلي، ويفضل إننا نحطها في المية السخنة علطول، وبمجرد ما تغلي هنسيبها دقيقتين ونشيلها.

بعد كدا هنحط البامية في علبة وهنضيف عليها نص معلقة صغيرة من الملح أو معلقة كاملة حسب كمية البامية.

وبعدين هنضيف المية المغلية في العلبة تاني ونغطيها كويس ونحاول نفضي الهوا منها كويس.

ونشيلها في درجة حرارة من 7 إلى 10 درجة مئويّة، لمدة 10 أيام.

قد يهمك طريقة عمل التونة في المنزل بطريقة سهلة وبسيطة

تجفيف البامية

أول حاجة في عملية تجفيف البامية هي إننا نغسلها كويس جدًا بالمية، وبعدين نحطها في مصفة لحد ما تنشف.

بعد كدا هنقمعها ونقطعها لو كانت كبيرة، وبعدين هنحطها في صواني مغلفة بورق الزبدة على طبقة واحدة.

طبعًا قبل ما ندخل البامية الفرن هنسخنه على درجة حرارة 60 مئوية، وهنسيب البامية جوا لمدة من 8 لـ 10 ساعات.


المصادر.. طريقة تخزين البامية

حفظ البامية في التلاجة أو الفريزر ليه أصول لازم نتعلمها عشان متغيرش لونها أو تبوظ مننا، وبالتالي عرفناكي في موضوعنا النهاردة خطوات تخزين البامية من أول عملية التنقية لحد ما تتحط في الفريزر لشهور، وكمان كتبنا إزاي نسلقها ونشيلها أو نجمدها من غيرما نسلقها.

 

مواضيع ذات علاقة