الأطعمة المناسبة لنظام الكيتو .. المسموح والممنوع

إيه هي الأطعمة المناسبة لنظام الكيتو والاطعمة اللي مش مناسبة معاه؟ ده السؤال اللي لازم كلنا نسأله لنفسنا لو قررنا إننا نخوض تجربة الكيتودايت.

على الرغم من إن الكيتو دايت من أكتر الحميات الغذائية الصعبة اللي ممكن أي حد يمشي عليها، إلا إن نتائجها تستاهل الريسك.

وطبعًا قبل ما نبدأ ندخل في الحمية دي لازم نقرأ عنها كتير وعن فوايدها وأضرارها والاطعمة المناسبة معاه، وكمان نستشير الدكتور.

وفي موضوعنا النهاردة مش هنتكلم عن إيه هو نظام الكيتو وإزاي نخس عليه، إحنا هنسلط الضوء بس على الأطعمة المناسبة لنظام الكيتو لكن هنوضحلكم في موضوع تاني تفاصيل النظام ده.

اقرأي أيضًا: النظام الغذائي منخفض الكربوهيدرات .. الأكل الممنوع والمسموح

الأطعمة المناسبة لنظام الكيتو

المأكولات البحرية

أول حاجة هنتعرف عليها في الاكل المناسب لحمية الكيتو هي الأسماك والمحار، زي مثلًا سمك السالمون.

وده بيرجع لأن الأسماك دي غنية بفيتامينات ب والبوتاسيوم والسيلينيوم، لكن خالية من الكربوهيدرات تقريبًا.

لكن الكربوهيدرات بتختلف في أنواع مختلفة من المحار، بس الروبيان ومعظم السرطانات مفيهاش أي كربوهيدرات.

الخضروات منخفضة الكربوهيدرات

طبعًا إحنا بنركز في الأكل على اللي مفيهوش كارب كتير أو اللي مفيهوش كارب خالص، لأن الكيتو بيركز على الدهون الصحية والبروتينات بس.

بالنسبة للخضروات ففيه مثلًا الخضار غير النشوي منخفض السعرات الحرارية والكربوهيدرات، لكن في فيتامينات عالية ومعادن.

على سبيل المثال الجرجير والشمندر والفاصوليا الخضرا والخرشوف والبروكلي والقرنبيط والكرنب والبامية والبصل والتوم.

كمان بيشمل الكوسة والفلفل والخس والسبانخ والفجل والبقدونس والكرات. 

الجبنة

تعتبر الجبنة من الأكلات المستحب أكلها في الكيتو دايت لأن فيها بروتين وكالسيوم وأحماض دهنية مفيدة.

الأفوكادو

الأفوكادو كمان غني بالألياف والعناصر الغذائية التانية زي البوتاسيوم، وهو بيساعد في تحسين صحة القلب.

بالتالي فهو مهم جدًا ناكله وهو من الفاكهة المسموح بيها في نظام الكيتو دايت. 

اللحوم والدواجن من الأطعمة المناسبة لنظام الكيتو

لازم نعرف إن الحيوانات الآكلة للعشب بشكل عام هي المفيدة والخيار الأفضل لما نيجي ناكل لحمة.

بالنسبة للفراخ فهي مفيهاش كربوهيدرات كتير لكن غنية بالبروتينات عالية الجودة وعناصر غذائية تانية كتير. 

الاطعمة المناسبة لنظام الكيتو

أكلات للكيتو دايت 

البيض

استكمالًا للأكل المناسب مع نظام الكيتو، فعندنا برده البيض اللي فيه نسبة كارب قليلة جدًا وبروتينات عالية.

كما أنه غني بعناصر غذائية كتير مهمة، وبيساعد على حماية صحة القلب والعين، وبيخلينا نحس بالشبع فترة طويلة.

زيت جوز الهند

وهو أحد الزيوت المهمة في نظام الكيتو دايت، واللي ممكن نستخدمها في الأكل بدل من الدهون غير الصحية.

كما إنه ليه فوايد في التخسيس زي تسهيل الهضم وتنزيل الوزن وحرق دهون البطن.

المكسرات والبذور

كمان المكسرات والبذور فيها دهون صحية كويسة، وبتوفر نسبة قليلة جدًا من الكربوهيدرات، وده بيخليها مناسبة للكيتو دايت.

التوت

بالنسبة للتوت فهو من الفواكه اللذيذة والمليانة بالعناصر الغذائية المهمة للجسم، ونسبة الكارب فيه قليلة جدًا.

الزبدة والقشدة

طبعًا دي دهون صحية مفيدة وبالتالي مناسبة جدًا للكيتو دايت اللي بيعتمد أصلًا على تزويد الجسم بالدهون الصحية.

الشوكولاتة الداكنة

كمان الشوكولاتة الداكنة أو الدارك ممكن ناخدها كـ سناك في نظام الكيتو دايت؛ لإنها بتحتوي نسبة قليلة جدًا من الكربوهيدرات.

إليكي أيضًا: حساسية الطعام .. اعرف إيه الأكل اللي بيسبب حساسية

مشروبات مسموحة في نظام keto

الماء

المية هي الخيارة الأول في نظام الكيتو واي نظام تخسيس تاني، لإنها الوحيدة اللي مفيهاش سعرات حرارية ومفيدة جدًا للجسم.

والمية بتحافظ على رطوبة الجسم وتزويد الاحساس بالشبع لفترة طويلة، غير المعادن المهمة الموجودة فيها.

المياه المُنكهة

زي مثلًا إننا نحط خيار أو ليمون أو نعناع أو أي فاكهة في المية اللي بنشربها يوميًا، وده ممكن يبقى بديل ممتاز للمشروبات الغازية.

القهوة والشاي 

طبعًا القهوة والشاي بتساعد على الحرق وتنزيل الوزن، لكن مينفعش نشربهم بتحلية أو بسكر، لازم يبقوا قهوة وشاي سادة.

الأعشاب

كما إن الأعشاي زي مثلُا اليانسون، النعناع، الشاي الأخضر، البقدونس المغلي، وغيرها، مهمة في نظام الكيتو وأي نظام تاني.

وده بيرجع لأن الأعشاب دي بتساعد على حرق الدهون ومفيهاش نسب كربوهيدرات عالية، وبتساعد على الإحساس بالشبع، وممكن نشربها بدون تحلية في أي وقت من اليوم.

جدول الكيتو دايت

جدول الكيتو دايت

لازم أي نظام مثالي لرجيم الكيتو ميبقاش فيه كربوهيدرات كتير، يعني مناكلش في اليوم الواحد أكل بيحتوي على أكتر من 50 جرام كارب.

وممكن نتبع النظام ده في الكيتو دايت: 

السبت

في الفطار هنشرب كوباية حليب جوز الهند مع شوية جوز، والغدا هيبقى طبق كوسة مطبوخة ومحشية باللحمة المعمولة بالزبدة والبصل والبقدونس.

أما العشا فهيكون عبارة عن لحم فراخ مطبوخة بزيت جوز الهند وشوية بهارات، وكوباية سلطة خضرا.

الأحد

الفطار عبارة عن بيض مقلي في ملعقتين زبدة، وقطعتين طماطم مع خس، أما الغدا فيكون شرحيتين لحمة مطبوخة مع جبنة ومشروم وقطعة أفوكادو وخس.

لكن العشا فهيكون عبارة عن شريحة لحمة سمك مطبوخة بزيت الزيتون، وكوباية سبانخ مطبوخة بزيت جوز الهند.

الاثنين

الفطار هيبقى طبق عجة بيض مع مشروم، والغدا شريحة تونة بالمية أو زيت الزيتون مع طماطم وخس، والعشا هيبقى قطعة فراخ مشوي مع شوية خس.

الثلاثاء

هنفطر يوم التلات بيضة مسلوقة ومعلقتين جبنة كاملة الدسم وفلفل، وهنتعدة قطعة فراخ مشوية وكوباية زبادي يوناني وشوية جوز وسلطة خضرا.

أما العشا فهيكون قطعة سمك السلمون المشوي، وكوباية سبانخ مطبوخ بزيت جوز الهند وكباية سلطة خضرا.

الأربعاء

أما يوم الأربع فهنفطر كوباية زبادي يوناني كامل الدسم أو 3 معالق جبنة كاملة الدسم مع شوية لوز.

وهنتغدى شريحة تونة بزيت الزتون وحبة أفوكادو، أما العشا فهيكون طبق من كبدة الغنم أو الجمل معمولة بزيت الزيتون والبصل والفلفل والملح والبهارات، وكوباية سلطة خضراء.

الخميس

الفطار في اليوم ده عبارة بيضة مسلوقة مع حبة أفوكادو، والعشا هيبقى كفتة لحمة مع كوباية سلطة خضرا.

لكن الغدا هيبقى عبارة عن قطعة من الفراخ المشوية مع شوية سلطة خضرا.

الجمعة

هنفطر قطع من القرنبيط أو الطماطم مع جبنة وأفوكادو، وهنتغدى شرحيتين من لحم سمك السلمون مبوخ بزيت الزيتون وخيار.

وهنتعشى لحمة مفرونة مع معلقتين جبنة كاملة الدسم، وكوباية سلطة خضرا.

اطعمة ممنوعة في الكيتو

اطعمة ممنوعة في الكيتو

ممنوع في رجيم الكيتو دايت ناكل الفاكهة باستثناء التوت والفراولة، وكمان ممنوع الحبوب مثل الرز والقمح والشوفان والشعير والكينوا.

بالإضافة إلى ذلك فممنوع برده ناكل الخضروات الجذرية مثل البطاطس والبطاطا الحلوة والجزر والقلقاس واللفت.

كمان ممنوع ناكل الأغذية المصنعة من الحبوب مثل العيش ورقائق الذرة والمكرونة والبيتزا والفشار.

ممنوع برده البقوليات مثل الفول والفاصوليا البيضاء والحمراء والعدس والحمص وحبوب الصويا.

من ضمن الأكل الممنوع برده المحليات الطبيعية مثل السكر والعسل، والمحليات الصناعية باستثناء الاستيفيا والسكرالوز.

كمان الحلويات ممنوعة كلها بجميع أنواعها، ودهون معينة زي زيت الذرة وزيت عباد الشمس وزيت الصويا.

وبرده العصائر المحلاة مثل المشروبات الغازية وعصائر الفاكهة ممنوعة، وكمان منتجات الألبان قليلة الدسم مثل اللبن واللبن منزوع الدسم والزبادي والأجبان الخاصة بالرجيم.

كما إن الصلصات مثل الكاتشاب وصوص الباربكيو وصلصات السلطة ممنوعة في الكيتو دايت.

/home/ahmed-gouda/workspace/main-system

الكيتو دايت من الأنظمة الغذائية اللي بتساعد على تنزيل الوزن بشكل كبير لكن فيه خطورة كبيرة على الإنسان، وفي موضوعنا النهاردة عرفنا مع بعض إيه الأكل الممنوع والمسموح في النظام ده، وشرحنا إزاي نقدر نمشي عليه أسبوع كامل بالتفصيل.

 

مواضيع ذات علاقة