طريقة تلميع الأواني الألومنيوم بأفكار مُذهلة.. ستجعلها جديدة

تلميع الأواني الألومنيوم حاجة مهمة جدًا عند كل ست بيت، وده طبعًا علشان تحافظي على الأواني لفترة طويلة "Foodo" في الموضوع ده هيقدملك كل حاجة عن طريقة تلميع الأواني الألومنيوم، علشان تتجنبي الإحراج قدام زوجك وأهلك وضيوفك وكمان تستمتعي بأواني شكلها مميز ونظيفة دائمًا.

طريقة تلميع الأواني الألومنيوم بالخل

ممكن تستخدمي الخل علشان تلمعي الأواني بتاعتك، وطبعًا النتيجة بتكون مُذهلة ورائعة جدًا.

وده لأن الخل من أقوى المنظفات اللي ممكن تستخدميها في تلميع الأواني.

السؤال هنا هتستخدمي الخل إزاي في تلميع الأواني، الإجابة بسيطة جدًا هتجيبي ملعقة خل و3 ملاعق من البيكنج صودا.

وتحطيهم على كمية قليلة من الماء الدافئ، بعد كدة هاتي ليفة خشنة وافركي بيها الأواني.

طريقة تلميع الأواني الألومنيوم

طريقة تلميع الأواني الألومنيوم بملح الليمون

لو عاوزة ترجعي الأواني الألومنيوم بتاعتك جديدة زي ما اشترتيها، استخدمي ملح الليمون وهتشوفي نتائج رائعة جدًا.

وده طبعًا لأن ملح الليمون من أفضل الحاجات اللي ممكن تستخدميها في تلميع الأواني وخصوصًا الألومنيوم.

أما تستخدمي ملح الليمون في تلميع الأواني ده هيخلي شكل الأواني بتاعتك يرجع جديد.

كل اللي انتي محتاجة تعمليه هو إنك تسخني كمية من الماء في الأواني بتاعتك.

بعد كدة تضيفي ملح الليمون، وتفركي الأواني بليفة خشنة وهترجع تلمع تاني.

طريقة تلميع الأواني الألومنيوم

تلميع الأواني بالبيبسي

كتير من الناس بدأت تجرب البيبسي في تلميع الأواني الألومنيوم، هو طبعًا اكتشاف مهم جدًا علشان نتيجته فعالة.

صبي البيبسي على الأواني بتاعتك وافركي كويس، هتلاقي الأواني رجعت تلمع بشكل جبار.

ممكن تستخدمي ليفة ناعمة علشان تلمعي الأواني الألومنيوم، وتحطي عليها صابون الجل.

وتفركي الإناء كويس جدًا بالليفة الناعمة علشان تشيلي أي بقع أو أوساخ موجودة عليها.

كمان لازم تاخدي بالك من إزالة بقايا الأكل باستخدام ملعقة خشبية، علشان تتجنبي خدش الأواني بتاعتك.

قد يهمك أيضًا حساسية الطعام .. اعرف إيه الأكل اللي بيسبب حساسية

عصير الليمون

لو الأواني بتاعتك تعرضت للاحتراق والسواد أو لازق فيها بقايا طعام صعبة، ممكن تستخدمي عصير الليمون علشان ترجعيها زي ما كانت.

كل اللي عليكي إنك هتحطي ملعقة كبيرة من الملح مع ملعقتين من عصير الليمون.

وبعد كدة تحطي الخليط ده على الأجزاء اللي محتاجة تنظيف لمدة نصف ساعة.

افركي الأواني كويس جدًا، وبعد كدة اغسلي الإناء بالماء والصابون.

تليمع الأواني المحروقة وإزالة البقع السوداء

تلميع الأواني بالكاتشب

كمان ممكن تستخدمي الكاتشب في تلميع الأواني الألومنيوم.

الكاتشب هيشيل أي بقع موجودة على الأواني بتاعتك، وكمان هيرجع لمعانها.

جربي استخدام الكاتشب عن طريق وضع كمية منه علي الإناء بالكامل.

وسيبي الكاتشب على الإناء لمده نصف ساعة، وبعد كدة اغسلي الأوناي كويس بالماء والصابون والليفة الخشنة.

الخل والملح الأبيض والليمون

كمان ممكن تستخدمي بيكربونات الصوديوم مع كوب من الخل الأبيض وملح الليمون والماء المغلي في تلميع الأواني الألومنيوم.

هتخلطي الخل الأبيض مع ملح الليمون وبيكربونات الصوديوم مع الماء المغلي.

وبعد كدة هتحطي الخليط ده على الإناء بتاعك لمدة ليلة كاملة.

وبعد كدة تشيلي الدهون بسكينة، وتحطي الإناء مرة تانية في الخليط، وبعدين تغسلي الإناء بالماء والصابون كويس.

طريقة تلميع الأواني الألومنيوم

قشر التفاح لتنظيف الأواني الألومنيوم

استخدمي قشر التفاح علشان تلمعي الأواني الألومنيوم، الطريقة دي من الطرق الفعالة جدًا في التنظيف.

كل اللي هتعمليه إنك تحطي قشر التفاح في الإناء، وبعد كدة تضيفي عليه الماء.

حطي الإناء على النار وسيبيه لمدة نصف ساعة.

هتسيبيه منقوع لمدة ليلة كاملة، وبعد كدة في الصباح تنظيفي الإناء بالماء والصابون.

طريقة تلميع الأواني بصابون الغار

ممكن برضه تستخدمي صابون الغاز في تلميع الأواني الألومنيوم بكل سهولة.

كل اللي عليكي إنك هحطي كمية مناسبة من صابون الغار في وعاء، وبعد كدة تضيفي ملعقة من زيت الزيتون.

اخلطي المكونات كويس مع بعض، لحد ما تكوني خليط متجانس.

بعد كدة حطي الخليط على الأواني وافركي كويس جدًا باستخدام سلك أو إسفنج مواعين.

طريقة تلميع الأواني

صفائح الألومنيوم

كمان ممكن تجربي صفائح الألومنيوم في تلمي الأواني بتاعتك.

بس خلي بالك كويس قبل استخدامه لازم ارتداء كمامة الأول ونظارة علشان تحمي العين.

بعدها هتستخدمي صفائح الألومنيوم لصنفرة الأواني هتفركيها في الأواني كويس.

ممكن تضيفي كمية قليلة من الملمع على الأواني، وتصنفريها بورق الصنفرة.

بعدها افركي الأواني بشكل دائري بقطعة قماش ونظفيها بالماء والصابون.

إليكِ فيتامينات في الأكل مرتبطة بعمر أطول

تلميع الأواني بكريم التارتار

استخدمي كريم التارتار في تلميع وتنظيف الأواني بتاعتك بطريقة سهلة جدًا.

كل اللي عليكي إنك هتحطي كمية مناسبة من الماء على النار لحد ما تدفى.

بعد كدة ضيفي كمية مناسبة من كريم التارتار للماء، وبعدها قلبي المكونات كويس جدًا؛ عشان تحصلي على عجينة متماسكة.

استخدمي بعد كدة عجينة كريم التارتار وحطيها على الأواني الألومنيوم ونظفي الأواني بشكل دائري.

وبعدين امسحي بقايا كريم التارتار باستخدام قطعة من القماش ونظفي الأوعية في الأخر بالماء والصابون كويس؛علشان تشيلي أي بقايا من كريم التارتار وخلي الأواني تنشف كويس.

تلميع الأواني بكريم التارتار

بيكربونات الصودا

مادة بيكربونات الصودا لها تأثير سحري في تنظيف وتلميع الأواني.

المادة دي بتعمل على تفتيت بقايا الطعام وبتشيل الطبقة اللي بتتكون على سطح الأواني، وحاجة مهمة جدًا إنك ممكن تستخدميها لأنها مبتسببش أي خدوش على الأواني ودي مشكلة بتعاني منها ستات كتير.

طريقة تلميع الأواني ببيكربونات الصودا

هتحطي كمية قليلة من صابون الغار المبشور في الوعاء اللي عاوز تلميعيه.

بعد كدة ضيفي لصابون الغار القليل من الماء وولعي النار لغاية أما يغلي.

بعد كدة شيلي الإناء من على النار، وسبيه يبرد شوية وحطي كمية قليلة من بيكروبونات الصوديوم عليها، وقلبي كويس باستخدام ملعقة خشبية.

بعد أما الماء يبرد نظفي الإناء بليفة ناعمة علشان تحصلي على لمعان مميز كأنها جديدة.

ملحوظة

في حاجة مهمة جدًا لازم تاخدي بالك منها، وهي إن عملية تنظيف الأواني لازم تكون بشكل مستمر، وده طبعًا علشان الحماية من التأكسد والصدأ علشان تحمي عيلتك وأسرتك.

قد يعجبك أيضًا خطوات لترتيب دولاب المطبخ | إليكِ طرق رائعة ومبتكرة

اعملي الخطوات دي والنتيجة هتبهرك

علشان تتفادي غمقان الألومنيوم هنقدملك شويه نصائح عامة مهمة جدًا حاولي بقدر الإمكان تمشي عليها:

  • ممكن تستخدمي معجون الأسنان علشان بيحتوي على البيكنج صودا، وتستخدميه بأنك تحطي كمية مناسبة منه على قطعة من القماش وتمسحي بحركه دائريه علشان يلمع.
  • ممكن برضه تحطي قشر الليمون في سائل صابون المواعين، علشان تخلي الأواني بتاعتك تلمع بطريقة جذابة.
  • كمان لازم بعد ما تخلصي استخدام الأواني بتاعتك تغسليها كويس بالماء والصابون علشان متكونش أي صدأ.
  • علشان تنظفي البقع المستعصية تبدأي بغلي الماء في الأواني، وبعدين تسيبيها تبرد وتفركيها كويس بالماء والصابون والليفة.
  •  ممكن تستخدمي قشر الفاكهة الحمضية زي البرتقال والكيوي والتفاح في تلميع وتنظيف الأواني.
  • كمان لازم تتفادي استخدام غسالة الصحون في تنظيف الأواني الألومنيوم، وده طبعًا علشان مسحوق التنظيف بيحتوي على نسبة عالية من المعادن والمواد الكيميائية اللي بتدمر الألومنيوم في وقت سريع.

قدمنالك في الموضوع ده مجموعة طرق رائعة في تلميع الأواني الألومنيوم عن طريق مواد فعالة جدًا في القضاء على الأوساخ وتفتيت البقع بسرعة زي عصير الليمون والخل والملح وكريم التارتار جربيها والنتائج مُذهلة

 

مواضيع ذات علاقة