خطوات لترتيب دولاب المطبخ | إليكِ طرق رائعة ومبتكرة

أكتر مكان ممكن يكون زحمة في البيت هو المطبخ، علشان دايمًا بيحتاج ترتيب متقلقيش "Foodo" في الموضوع ده هيقدملك خطوات لترتيب دولاب المطبخ بسهولة جدًا وبحيل مبتكرة هتساعدك في إن بيتك ومطبخك يكون أجمل.

خطوات لترتيب دولاب المطبخ

لازم تعرفي إن أهم حاجة ممكن تميز مطبخك هو استغلال المساحات، يعني ممكن تنظمي كل الأجهزة بتاعتك ودولابك، بحيث تتفادي الزحمة.

أول حاجة لازم تعمليها علشان ترتبي مطبخك هي إنك ترتبي كل دولاب لوحده، يعني مثلًا هتحطي الحاجات اللي بتستخدميها كتير قريب ليكي، والعكس الحاجات اللي مش بتستخدميها كتير أبعد.

وده طبعًا علشان يكون سهل عليكي تجيبي أي حاجة أنتي محتاجاها بكل سهولة.

كمان لازم دايمًا تخلي الحاجات اليومية قريبة منك.

حاجة تانية مهمة جدًا وهي إنك تغطي أسطح الدولاب من جوة بالورق، وده طبعًا علشان تتخلصي من أي روائح قديمة أو حاجات تكون متعلقة في الأرفف.

كمان ميزة الأوراق دي أنها موجودة بنقشات وأشكال كتير ومختلفة، هتخلي دولاب مطبخك متربت وشكله أجمل.

من الحاجات المهمة كمان إنك تخلي بالك من قياس أسطح وأرضيات الدولاب قبل ما تقصي الورق.

ولازم تتأكدي من تغطية المكان كله بالورق، وممكن تثبيتي الورق أو تلزقيه علشان تتجنبي أنها متتحركش من مكانها.

خطوات لترتيب دولاب المطبخ

قد يهمك أيضًا أجهزة كهربائية تسهل عليك مهامك في المطبخ

ترتيب دولاب المطبخ

أول حاجه لازم تقسمي الدولاب من جوة.

يعني مثلًا تخلي قسم للأكواب والأطباق ووقسم آخر للاواني الزجاج وىخر لأواني الطهي وهكذا.

كما ممكن تخلي دولاب للبهارات ودولاب للخزين الشهري.

ازاي ترتبي دولاب المطبخ من جوه؟

لازم تتخلصي من الحاجات اللي مش بتستخدميها، أو ممكن تحطيها في أماكن بعيدة؛ علشان الأماكن القريبه تكون للأدوات اللي تستخدميها وتتفادي الزحمة.

إياكي تملي الأدراج بحاجات كتير لأن ده هيخلي الشكل عشوائي وهياخد مساحة كبيرة جدًا على الفاضي.

علشان كده لازم تقسمي الأدراج بمساحة كافية وتفرقي بين الأدوات.

كمان مهم جدًا من فترة لفترة جرد درج البهارات والبقالة، وده طبعًا علشان تتفادي السوس وانتهاء الصلاحية.

مهم جدًا إنك تكوني حريصة على مسح الأدراج، علشان تكون نظيفة باستمرار وكمان علشان تتفادي الحشرات.

كمان من الحاجات المهمة أوي إنك تستخدمي برطمانات داخل الأدراج؛ علشان يكون الدرج من جوة منظم ومرتب.

ممكن تستخدمي أدوات مخصصة لتقسيم الأدراج بطريقة سهلة.

خطوات لترتيب دولاب المطبخ

ترتيب الخزين الشهري في المطبخ

لازم تراعي في ترتيب الخزين الشهري إن مينفعش تكدسي كله في درج واحد لازم تنظمي الحاجات اللي بتستخدميها كتير تكون قريبة.

حطي كل الحاجات المتشابهة مع بعض، بحيث إنك تحفظي الأماكن بسهولة، وتعرفي طريق كل حاجة متحتاجيش إنك تفتحي كل الدولايب.

من الحاجات المهمة كمان إنك مينفعش تحطي خزين يؤثر على نوع آخر.

خطوات لترتيب دولاب المطبخ من الداخل

لازم تعرفي إن مينفعش ترصي الأطباق فوق بعض؛ علشان تتفادي كسرها.

علشان كدة لازم ترتبي الأطباق ترتيب رأسي، وبالطريقة دي مش بس مش هتفادي الكسر لا وكمان هتوفرلك مساحة أكبر.

البهارات وترتيبها في دولاب مطبخك

إياكي تتركي برطمانات فاضية داخل دولاب مطبخك؛ علشان متتلغبطيش والبهارات اللي بتستخدميها أكتر تتحط قدام والباقي وراها.

خطوات لترتيب دولاب المطبخ

إليك افضل طريقة لحفظ الخضروات الورقية

ترتيب المواعين في دولاب المطبخ

من الحاجات المهمة جدًا إنك تخصصي مكان معين للمواعين؛ وده طبعًا علشان تحافظي على نظافة مطبخك ودولابك.

ارمي كل الحاجات البايظة والمكسورة علشان توفري مساحة.

ترتيب الكاسات

زي ما قولنا قبل كدة حطي الكاسات اللي بتستخدميها بشكل دائم في الأول والباقي في الخلف.

ترتيب أواني الطهي

بالتأكيد هتكوني عارفة إيه هي أكتر الأواني اللي بتستخدميها؛ علشان كدة لازم تحطيها قدام عينيكي.

والحاجات اللي مش بتستخدميها كتير تحطيها في الخلف، وتأكدي من إنك رصيتي الأواني بطريقة كويسة ومنظمة علشان مفيش حاجة منهم تقع أما تفتحي دولاب الأواني.

ترتيب درج الملاعق في المطبخ

اشتري فواصل لدرج الملاعق بحيث أنه يكون منظم أكتر.

فمثلًا حطي الملاعق الكبيرة لوحدها وافصلي وبعدها الملاعق الصغيرة وافصلي وبعد كدة تحطي الشوك وبعدها السكاكين.

الفواصل دي هتريحك من الفوضى والهرجلة في الدرج ده.

كمان ممكن تستخدمي البرطمانات الفاضية في إنك تعملي زهريات وتحطي فيها مثلًا النعناع فيخلي شكل وريحه المطبخ أكثر جاذبية.

ترتيب أدوات التنظيف في المطبخ

بالنسبة بمستلزمات التنظيف والمساحيق والمنظفات فعليكي أن تحفظيها في الخزانة الموجودة تحت حوض المطبخ بجانب أكياس القمامة والصابون والقفازات.

الخزانة دي بتكون مخصصة بس للمنظفات ،يعني مينفعش وضع  أي أواني أو طعام فيها.

تخزين الأجهزة في المطبخ

حاولي تحطي الأجهزة الكهربائية زي الميكرويف أو الخلاط وغيرها، في مكان مناسب ويكون قريب ليكي وانتي بتطبخي؛ علشان متضيعيش وقت كتير تدوري عليهم.

رغم أنه يفضل وضع الأجهزة اللي بتستخدميها كتير على سطح رفوف المطبخ مش جوة الدولاب؛ علشان تعرفي توصلي ليهم بسهولة.

كمان في أجهزة مش بتستخدميها كتير زي مثلًا جهاز تحضير الوافل، ده ممكن تخزميه في مكان بعيد علشان مياخدش مساحة كبيرة برة.

قد يعجبك أيضًا حيل لقلي السمك بدون الروائح المزعجة

نصائح مهمة للحفاظ على ترتيب دولاب المطبخ

حطي الأكل في مكان قريب من الطهي

دي من أهم الخطوات اللي لازم تعمليها علشان إنك تحطي الحاجات اللي هتستخدميها في عمل الأكل في الخزائن العالية بحيث إنها تكون قريبة من مكان تحضير الطعام والطهي.

وده طبعًا علشان تسهل عليكي الوصول ليها وأنتي بتحضري الأكل.

لكن خلي بالك وحطي حاجات الأكل في مكان بعيد عن باقي أدوات المطبخ؛ علشان تتجنبي تسريب التوابل والحبوب للأطباق والأواني، وعلشان كمان تحافظي على الأرفف الآخرى.

علشان مهمة ترتيب دولاب المطبخ حاجة مهمة جدًا لازم تحافظي على ترتيبها ونظافتها بشكل كويس، وهنا هنقولك أهم النصائح اللي تمشي عليها.

حاولي إعادة ترتيب دولاب مطبخك بشكل مستمر؛ وده طبعًا علشان تفضل الحاجة مترتبة كويس.

كمان مهم جدًا تتخلصي من كل الأدوات والعناصر اللي مبتسخدميهاش بشكل دائم؛ علشان تحافظي على أناقة وجمال  وترتيب مطبخك.

اتأكدي من جميع أفراد أسرتك يعرفوا مكان الأدوات كلها والعناصر في المطبخ بعد ترتيبه وتنظيمه.

علشان يفضل منظم، مع ضرورة إرجاع كل حاجة في مكانها بعد استخدامها.

حطي ملصقات على صناديق التخزين بأسماء الحاجات اللي جواها علشان تعرفي بسهولة توصلي إنتي وجميع أفراد أسرتك للحاجات اللي انتوا محتاجينها بسهولة.

وممكن كمان استخدام الملصقات دي على الخزائن من برة، هتساعدك كتير جدًا في المحافظة على التنظيم.

خليكي دايما حريصة على تنظيم الأدوات والأواني في الطبخ؛ وتشجعي الآخرين إنهم يعملوا كدة.

رتبي الأطباق من الأكبر للأصغر؛ علشان تحافظي على جمال ونظام الشكل.

أما بالنسبة لأكواب المياه وفناجين القهوة ممكن تحطيهم بشكل مقلوب؛ علشان ميقعش فيهم تراب وحطي الأطباق بتوعهم من تحت.

أما الكاسات الغالية المخصصة للضيوف نظميها في درج منفصل بعيد عن الفتح والغلق علشان متتكسرش.

كمان ممكن تستخدمي جوانب الدولاب في إنك تعلقي الملاعق الكبيرة أو أي أدوات، وده هيحتاج تثبتي حاجة تعلقي عليها الملاعق.

خطوات لترتيب دولاب المطبخ

قدمنالك في الموضوع ده كل حاجة تخص ترتيب دولاب المطبخ وازاي تقسمي الأرفف وتحطي كل حاجة مع بعضها بنظام وازاي كمان تتجنبي الروائح الكريهة في دولاب مطبخك ونصائح تانية مهمة جدًا

 

مواضيع ذات علاقة