ترتيب التوابل في المطبخ وطريقة عمل رف للتوابل

برطمانات التوابل تعتبر مشكلة كبيرة لكل ست بيت لإنها بتخلي شكل المطبخ مش حلو، فمهم جدًا نعرف طرق ترتيب التوابل في المطبخ عشان شكله يبقى مرتب.

وفيه أنواع توابل كتير بنستخدمها للأكل، وبالتالي لكل نوع ليه برطمان بيعملوا زحمة على الرخامة وبيبقى شكلهم مؤذي للعين.

وفي التقرير ده، قرر موقع "فودو" إنه يشرح طرق ترتيب التوابل في المطبخ بشكل جميل لو مش عندنا طقم للتوابل. 

اقرأي أيضًا: طريقة عمل السلطة البلدي

ترتيب التوابل في المطبخ 

التوابل جزء لا يتجزأ من المطبخ وضروري يبقى موجود في المطبخ كل أنواع التوابل خاصة الأساسية. 

وفيه طرق مختلفة تخلينا ننظم ونرتب برطمانات التوابل بشكل جميل، يخلي شكلها حلو وسهلة في الاستخدام.

أول طريقة هي إننا ممكن تحط برطمانات التوابل في بعضها بشكل عمودي وكتابة محتويات كل برطمان عليه.

والطريقة دي تقليدية وسهلة وهتوفر في مساحة الرخامة بشكل كبير، جربيها ومش هتندمي.

أما تاني طريقة فهي إننا نثبت البرطمات بأسلاك معدنية ونثبتها بخطاف على حيطة المطبخ.

ودي طريقة صعبة شوية ومحتاجة مجهود عشان نعملها لكنها بتدي شكل جمالي حلو للمطبخ. 

أما الطريقة التالتة فهي إننا نصمم زي دولاب خشبي فيه مجموعة من الصناديق ونحط البرطمانات جواها، وده بيبقى عامل زي الرفوف.  

وكمان نقدر نحط البرطمانات بتاعت التوابل على حامل معدني فيه رفوف كتير، وده شبه شوية رفوف الخشب. 

بالإضافة إلى ذلك نقدر إننا نركب رف واحد بس فيه طبقات متعددة وقابلة للحركة ونحط فيه التوابل.

فيه كمان أدراج من آيكيا ليها برطمانات خاصة بيها نقدر إننا نشتريها ونخزين توابل المطبخ فيها.

ونقدر برده إننا نركب مجموعة من الرفوف على شكل حرف يو U ونحط فوقها برطمانات التوابل.

ممكن نخزن برده برطمانات التوابل في مجموعة من الرفوف الخشب بشكل درج، وده النجار يقدر يعملها.

كمان ممكن عمود دائري دوار فيه رفوف كتير ونحط فيها التوابل بشكل سهل، أو نصمم خزانة صغيرة ونثبتها على الجانب الداخلي للمطبخ. 

ترتيب التوابل في المطبخ 

 

ترتيب التوابل في المطبخ من حيث الأهمية 

الملح

طبعًا الملح أهم وأبرز وأشهار بهار في المطبخ وده لازم يبقى موجود بشكل أساسي عشان بنستخدم في كل الأكل بدون استثناء.

الفلفل الأسود

الفلفل الأسود ييجي بعد الملح علطول في الأهمية لإنه بيتحط على معظم أنواع الاكل ومش ممكن نستغنى عنه.

كما إن نكهته لطيفة مايلة للحارة، وهو بيقدر يشيل كل الروايح غير المستحبة من الوصفات المختلفة وبيديها نكهة حلوة.

كمان ليه فوايد صحية على جسم الإنسان، وبيقدر إنه يطهر المعدة والقولون والجهاز الهضمي بشكل عام. 

الكمون 

وده البهار التالت في الاهمية في المطبخ لإننا بنستخدمه في أكلات كتير برده، وهو من الأعشاب اللي بتدي نكهة مميزة للأكل.

هو مرتبط دايمًا بالسمك والأكلات الشعبية زي الكشري والمسقعة، لكنه نقدر نستخدمه في الطبيخ برده بشكل طبيعي.

كما إن ليه فوايد صحية لجسم الإنسان زي إنه بيعالج المغص والانتفاخات وبيهدي المعدة والقولون.

الكزبرة الناشفة

الكزبرة الناشفة برده من التوابل المهمة جدًا وهي بتتميز بشكلها الأخضر وبتدخل في كتير من الأكلات زي الملوخية وبيتعمل بيها خلطات السمك.

ترتيب التوابل في المطبخ من حيث الأهمية 

الشطة 

أساسيات توابل المطبخ كمان بتشمل الشطة وده على الرغم من طعمها الحار، إلا إنها بتدي نكهة سبايسي للأكل جميلة.

وفيه أنواع مختلفة من الشطة زي الشطة المكسيكية والشطة الهندية، ودي أكتر الانواع حرارة ومش أي حد يقدر يستخدمها.

الشطة ليها قدرة إنها تقتل البكتيريا الموجودة في الجهاز الهضمي وبتتخلص من الفطريات والطفيليات اللي في الجسم. 

البابريكا 

والبابريكا عبارة عن الفلف الحلو المطحون، وهي بتدي نكهة جميلة للأكل وبتتحط على كل أنواع الصلصات عشان تخلي لونها أحمر.

ونقدر نستخدم البابريكا في إنها تدي لون حلو للأكل فمثلًا بتتحط في اللانشون أو المرتديلا والأرز الأحمر.

كما إنها فيها معادن وعناصر غذائية كتيرة بتفيد الجسم وبتساعد على تقويته وبناءه.

أفكار لترتيب التوابل

 

التوابل الأقل أهمية في المطبخ 

القرفة 

فيه القرفة المهمة في المطبخ بس مش بنستخدمها في كل الأكلات، وهي مفيدة اكتر للي عايزين يخسه عشان بتحرق الدهون.

وهي بتساعد على التخلص من التقلصات وآلام البطن والتخلص من الغازات والانتفاخات وآلام القولون العصبي وآلام الدورة الشهرية.

كما إننا نقدر نستخدمها في تتبيل اللحوم والدجاج والأسماك وعمل الرز بالخلطة، أو صوص البشاميل.

الزنجبيل

أما الزنجبيل فهو زيه زي القرفة إلى حد كبير، وممكن يقلل من الغازات والانتفاخات وبيساعد على تدفئة الجسم.

كمان الزنجبيل بيقدر إنها يقاوم نزلات البرد ويزيد من مناعة الجسم ويمد الجسم بالكثير من الطاقة.

وبيساعد برده في تخفيف الوزن لإنها بيحرق الدهون، خاصة لو ضيفنا ليه القرفة أو الأعشاب التانية.

وهو كمان بيدي نكهة جميلة للحوم والأسماك وأنواع كتير من المأكولات.

ورق اللوري او ورق الغار

ورق اللوري مش بنستخدمه غير في شوربة اللحمة أو الفراخ عشان يضيع ريحة الزفار في اللحوم بس.

وهي عبارة عن أوراق مجففة شبه أوراق الأشجار، وبيفيد في علاج حالات المغص وعسر الهضم خاصة لو شربناه مع الشوربة. 

التوابل الأقل أهمية في المطبخ 

الهيل أو الحبهان 

كمان الحبهان من التوابل اللي بتستخدم في الشوربات وهي مكون رئيسي فيها عشان تضيع طعم الزفار منها.

ممكن كمان نستخدمه في الحلويات عشان طعمة الجميل ونكهته المميزة، ولأنه ليه فوايد وعناصر غذائية كتير بتفيد صحة الجسم.

المسمار أو القرنفل 

بالإضافة إلى ذلك ففي كمان القرنفل المهم في المطبخ لإنها بيساعد على الحماية من الانيميا وبيحافظ على الجسم من البكتيريا والسموم.

القرنفل بنستخدمه عشان يدي نكهات مميزة في تتبيل الدجاج واللحوم أو عشان يدي نكهة لذيذة في الأرز بالخلطة.

أعشاب أخرى للمطبخ

أعشاب أخرى للمطبخ 

الكركم

الكركم يعتبر مطهر عام للجسم ومنشط للدورة الدموية، وهو بيدي نكهة مميزة ولون أصفر رائع للرز والدجاج والأسماك.

الكاري

أما الكاري فهو بيتميز بطعمه القوي واللاذع وليه فوايد كتير للجسم، وبيستخدم في الكبسة أو خلطات الفراخ والسمك.

السماق

كما إن ده نوع من البهارات لونه بني وريحته لاذعة ونكهته قوية ومميزة، ونقدر نستخدمه في تتبيلات الفراخ.

الشمر

وده من المشروبات المفيدة جدًا للجسم ونقدر نستخدمه في تنكيه المخبوزات بنكهة قوية وجميلة.

اليانسون

وده واحد من البهارات اللي في المطبخ اللي بتدي نكهة قوية للعجين والمخبوزات المختلفة، ونقدر نشربه كمان عشان يدفينا في الشتا وبيبقى مفيدة لصحة الجهاز التنفسي.

اللومي أو الليمون المجفف

اللومي هو هو الليمون بس بعد ما نجففه، وفيه نسب عالية من فيتامين ج اللي بيساعد على الحماية من البرد والانفلونزا.

بالإضافة إلى ذلك فهو ليه طعم حامض رائح، وبنستخدمه في الرز بالخلطة والكبسة.

البهارات

 

قد يهمك طريقة عمل القشطة - في المنزل بطريقة سهلة وبسيطة

المصادر.. 10 أفكار لتنظيم عبوات التوابل في المطبخ

/home/ahmed-gouda/workspace/main-system

في التقرير ده شرحنا أفكار كتير لترتيب التوابل في المطبخ عشان تخلي منظره جميل وشيك، وكمان عرفناكي إيه أهم التوابل الأساسية واللي مش أساسية في المطبخ عشان ترتبيها حسب الاهمية.

 

مواضيع ذات علاقة