أفضل عبوات تخزين المواد الغذائية

كتير من ستات البيوت بتحب تخزن الأكل في الفريزر أو التلاجة لأسباب مختلفة لكن ايه هي أفضل عبوات تخزين المواد الغذائية وإزاي نقدر نستخدمها؟

ده السؤال اللي بيسألو كتير مننا فهل النخزين في العلب أفضل ولا الأكياس، ولو هنخزن في العلب هتبقى بلاستيك ولا زجاج ولا معدن، ولو أكياس هتبقى الأكياس النايلون العادية ولا الأكياس اللي بتتقفل؟ 

وفي التقرير ده، قرر موقع "فوودو" إنه يشرحلكم إزاي نقدر نختار أفضل عبوات تخزين المواد الغذائية وأنواعها.

اقرأي أيضًا: طريقة عمل الناجتس بسهولة

أفضل عبوات تخزين المواد الغذائية

العلب من أكتر الحاجات المهمة في المطبخ وكتير من الستات بيختاروها لو هيخزنوا حاجة في التلاجة بشكل خاص. 

وفيه أنواع مختلفة من علب التخزين اللي بتحفظ الأكل، أو العلب اللي بتتحط في الميكروويف وده بتتحمل درجة حرارة 100 مئوية.

وعلب الميكروويف بتتميز كمان بإنها سهلة في التخزين، وبتدخل في بعضها بشكل كويس وبالتالي بتوفر مساحة.

كمان ممكن نستخدمها في التخزين بالفريزر أو نغسلها في غسالة الأطباق بكل سهولة.

ولعل طقم العلب من تابر وير من أفضل العلب اللي ممكن تستخدميها لإنها محكمة الغلق ومش بتسرب السوايل منها.

وكمان مش بتدخل الهوا جواها وده بيخلي الأكل محفوظ لأطول مدة، وهو مناسب للأغذية السايلة زي الرز بلبن والمهلبية.

وفيه كمان طقم العلب من أيكيا وده بيتكون من 17 علبة وبيتميز بإنه ممكن نستخدمه في الميكروويف أو غسالة الأطباق.

كمان فيه علب تلاجة مصنوعة من الاستانلس إستيل، وده عبارة عن 5 قطع بنستخدمهم في حفظ كل أنواع الاطعمة لإنها محكمة الغلق.

والنوع ده من العلب بيساعد في حفظ الحرارة لفترة طويلة لأنه مصنوع بالكامل من مادة الإستانلس ستيل.

أفضل عبوات تخزين المواد الغذائية

أنواع علب تخزين الاطعمة

في أنواع مختلفة من العلب اللي بنستخدمها في حفظ الأكل وتخزينه زي البلاستيك أو الزجاج أو المعدن. 

العلب البلاستيك

بالنسبة للعلب البلاستيك فهي العلب الأكثر انتشارًا لإنها أرخص واحدة فيهم وليها أشكال وألوان وأحجام مختلفة.

لكن من عيوبها إنها مينفعش تستخدم للأكل الساخن عشان متتفاعلش معاه.

وكل نوعية من البلاستيك ليها رقم من 1 إلى 7، واللي بيحدد الرقم ده هو نوع البلاستيك المصنوع منه العلب والتركيبة الكيميائية الخاصة بيه وهل يصلح للاستخدام أكثر من مرة ولا لا.

مثلًا العلب المكتوب عليها الأرقام 1 و 2 و 4 و 5 هي علب آمنة للاستخدام، وكمان رقم 7 لكن لا يفضل استخدامه. 

من ضمن مميزاتها كمان إنها خفيفة الوزن ومختلفة الاشكال والالوان وبتخلي الأكل طازة لأطول فترة. 

بس عيوبها إنها ممكن متكونس آمنة للاستخدام مع الأطعمة لو كانت من رقم 3 أو 6.

العلب الزجاج

والعلب الزجاج من أقدر الأنواع المصنعة وهي الأكتر أمان عشان مش بتحتوي على مواد ضارة زي البلاستيك.

وكمان ممكن نستخدمها في الميكروويف بسهولة وبدون ضرر، وفيه إزاز بيدخل الفرن وميتكسرش زي البايركس.

من مميزاتها إن لونها شفاف وده بيخلينا نعرف نوع الأكل اللي جواها بسهولة من غير ما نفتحها.

كمان بتدي شكل جمالي على السفرة، وعيبها الوحيد إن وزنها تقيل وممكن تتكسر بسهولة. 

العلب المعدن

فيه كمان العلب المعدن اللي بتحافظ على الحرارة بشكل كبير وبالتالي ممكن نستخدمها في الرحلات أو الشغل.

ليه مميزات كدا زي إنها خفيفة الوزن وبالتالي نقدر نشيلها بسهولة، ومش بتتكسر أو تتلف بسهولة.

كمان فيه أنواع منها عازلة للحرارة بمادة عازلة، وبالتالي بيحفظ درجة حرارة الطعام لمدة طويلة جدًا.

من ضمن مميزاتها أيضًا إنها بتتحط في التلاجة من غير ما يحصل ليها ضرر ووممكن تتغسل في غسالة الأطباق.

لكن عيبها الوحيد إنها مش بتتحط في الميكروويف لتسخين الأكل. 

أنواع عبوات تخزين المواد الغذائية

أفضل أنواع عبوات حفظ المواد الغذائية من الأكياس 

بالاضافة للعلب نقدر إننا نشيل الأكل ونخزنه في الاكياس البلاستيكية ودي كمان ليها أنواع مختلفة.

المصادر..  أفضل انواع علب حفظ الطعام وطرق تنظيم الثلاجة

افضل انواع اكياس تخزين الطعام

 

في التقرير ده، شرحنا إزاي ممكن نختار أفضل العبوات لتخزين المواد الغذائية سواء في الفريزر أو التلاجة، وكمان شرحنا إيه هي أنواع العبوات اللي بنستخدمها ومميزات وعيوب كل حاجة.

 

مواضيع ذات علاقة