اختيار لوح التقطيع المناسب لك وكيفية تنظيفه والحفاظ عليه

لوح التقطيع من القطع المهمة جدًا في المطبخ واللي بتنجز حاجات كتير، لكن لازم تبقي عارفه إزاي تختاري لوح التقطيع المناسب لك وكيفية تنظيفه والحفاظ عليه .

وفيه أنواع كتير من ألواح التقطيع منها العملي أو اللي مش عملي، وبالتالي لازم تعرفي إزاي تختاري اللوح المناسب. 

وفي التقرير ده، قرر موقع "فودو" إن يعرفك عملية اختيار لوح التقطيع المناسب لك وكيفية تنظيفه والحفاظ عليه بتتم إزاي.

اقرأي أيضًا: طريقة عمل الكول سلو في المنزل بسهولة جداً

اختيار لوح التقطيع المناسب لك وكيفية تنظيفه والحفاظ عليه

لوح التقطيع من أبرز الحاجات الموجودة في المطبخ واللي بيتم استخدامها تقريبًا كل يوم، وبالتالي لازم نختاره بعناية شديدة.

طبعًا في أنواع ألواح كتيرة في السوق اللي بتسبب الحيرة لكل ست بيت لإنها عايزة تختار حاجة آمنة وسهلة التنضيف وعملية وبتدوم لفترة طويلة.

معادلة صعبة لكن أكيد ليها حل، وعشان تعرفي الحل وإزاي تختاري فيه شوية معايير لازم تعرفيها.

ومن ضمن المعايير دي إنك تسألي نفسك شوية أسئلة وهي "هل اللوح ده مصنوع من مواد صديقة للبيئة، وهل تنضيفه سهل ولا متعب، وهل سطح اللوح آمن لما نستخدم السكينة عليها؟".

ويوجد في السوق أنواع مختلفة من الألواح زي البلاستيك، والسيليكون، والحجر، والزجاج، والخشب.

وكل مادة من دول ليها مزايات وعيوبها، ولعل الألواح الخشبية هي الأفضل بينهم والأكثر شعبية بين ستات البيوت.

فيه أسباب كتير تخلي الألواح الخشبية هي الأهم والأحسن زي إنها مصنوعة من مواد نقية وصديقة للبيئة، ومستقرة على سطح التربيزة، وكويسة مع السكينة وآمنة. 

لكن لما نيجي نختار اللوح الخشبي لازم نختاره صح من المصانع الرائدة في السوق لضمان جودة عالية وطويلة الأمد. 

اختيار لوح التقطيع المناسب لك وكيفية تنظيفه والحفاظ عليه

كم عدد الألواح التي تحتاجها في المطبخ؟

لكن إزاي تعرفي عدد الألواح اللي محتجاها في مطبخك، فمثلًا في المطابخ الاحترافية الكبيرة بيستخدموا 12 لوح تقريبًا.

أما في المطابخ العادية بتاعت ستات البيوت فبتحتاج من 3 لـ5 ألواح تقطيع، عشان يبقى تقطيع الخضار مختلف عن لوح تقطيع اللحوم، أو لوح عجن المعجنات وفردها.

كمان حجم اللوح لازم تختاريه بعناية، فكلما كان أكبر كلما كان أفضل وأكثر راحة، لكن بيبقى تقيل. 

وبالتالي الأفضل في الألواح اللي بيكون حجمها حوالي 30 × 50 سم، لإنها مريحة وسهلة في التنضيف كمان. 

أما بالنسبة للشكل فممكن يكون مستطيل أو مربع أو مستدير أو بيضاوي (لقطع الأسماك).

كمان لازم تفكري في المكان الذي هتخزن فيه اللوح وانتي بتختاري شكلها وحجمها عشان متحسيش بالكركبة.

تعرفي على طريقة عمل السلطة الخضراء المصرية بكل سهولة في المنزل

اختيار لوح التقطيع المناسب لك خشب

إن الألواح اللي بيتم صناعتها من الخشب هي أفضل ألواح التقطيع على الإطلاق لإنها آمنة ومريحة.

لكن عيوبها إنها ممكن تتخدش مع الوقت وتكون الخدوش وكمان محتاجة مكان تتعلق فيه عشان تتصفى من المية كويس.

وبتتصنع الألواح دي من أنواع مختلفة زي أنواع الخشب الرخيصة زي  البتولا والزيزفون، ودي بتنتفخ مع الوقت بسبب الغسل.

كمان فيه ألواح بتتصنع من البلوط، والسنط، والرماد، والأنواع دي مش بتتأثر من المية وكويسة.

لكن فيه النوع الأفضل زي المصنوع من الخيزران والمطاط، وخشبهم بيبقى باين إنه أجمل بكتير من الالواح العادية.

كما إن هناك برده ألواح بتصنع من بولونيا أو شجرة آدم، ودي بتكون خفيفة في الوزن ومتينة في نفس الوقت وسهل تنضيفها وبتجف بسرعة. 

اختيار لوح التقطيع المناسب لك من الزجاج 

اختيار لوح التقطيع المناسب لك من الزجاج 

الألواح الزجاجية هي ألواح جميلة وشكلها حلو في المطبخ وكمان صحية وصيانتها سهلة.

لكن من حيث المتانة فبالتأكيد الخشب هيكون أفضل، لإن الزجاج في الأول وفي الآخر ممكن يتكسر مهما كانت متانته.

الألواح دي بتكون مضرة لو استخدمتي سكاكين سيراميك لقطع الخضار، لإنها بمثابة أداة مدمرة للزجاج.

وبالتالي فالألواح الزجاجية مفيدة للعجين وليس للتقطيع، عشان منستخدمش سكينة عليها.

ألواح تقطيع بلاستيك 

في كمان أنواع ألواح التقطيع البلاستيك، ودي فيها نفس عيوب الخشب من حيث الخدوش وتراكم البكتيريا.

بشكل عام فاللوح البلاستيك الكويس هو اللي ليه نهاية محززة ومطاطي عشان يمنع الانزلاق.

ومن ضمن مميزاته هي إنه متين وتنضيف سهل ومش بيمتص أي روايح باستثناء الروايح الحادة جدًا.

الألواح السيليكون

من ضمن الخيارات أيضًا هي الألواح السيليكو وهي ألواح ممتازة للمطبخ وكمان ممكن تستخدميها برا البيت.

وده بيرجع لإنها سهلة في الاستخدام وممكن تطوى بسهولة إلى النصف، وكمان تخزينها سهل في أي حقيبة.

بالإضافة إلى ذلك فهي صحية وسهلة التنظيف ومش بتأذي السكينة، ومش بتتأذي من السكينة. 

الألواح الحجرية الاصطناعية

بالنسبة للأنوع ده من الألواح فهو زيه زي الزجاج، مناسبة للعجين بس، وبتخلي السكاكين باردة جدًا، لكنها صحية وجميلة ومتينة للغاية.

قد يهمك طريقة عمل السلطة في المنزل بطريقة سهلة وبسيطة

اختيار لوح التقطيع وكيفية تنظيفه 

أفضل طريقة لتنظيف لوح التقطيع هي إنك تحطيه في مية سخنة وتفكريه بسائل غسل المواعين وتشطفيه بمية سخنة.

لازم بعد ما تشطفيه كويس تجففيه بالمناديل أو فوط المطبخ النضيفة وليس المستعملةوتشيليه. 

كمان ممكن تحطيه في غسالة الأطباق وتستخدمي المنطف المناسب ليها، لكن لو اللوح خشب مينفعش تحطيه فيها عشان ممكن يتعرض للالتواء جراء درجة الحرارة العالية. 

لازم تعقمي ألواح التقطيع بشكل أسبوعي وده بيتم عن طريق نقعه في محلول من الكلور والمية.

بعد كدا سيبيه نص ساعة في المحلول واشطفيه كويس جدًا، وسيبيه ينشف في الهواء على الرف بشكل عمودي. 

ممكن تستخدمي الخل الأبيض لمسح سطح اللوح قبل ماينشف عشان تقضي على البكتيريا بشكل تام. 

ولو اللوح فيه ريحة بصل أو توم أو سمك ني، فاستخدمي نصف ليمونة وامسحي بيها سطح اللوح عشان الريحة تروح. 

 

اختيار لوح التقطيع وكيفية تنظيفه 

تفادي تلوث الأطعمة 

عشان تتفادي تلوث الأكل، نقي لوح التقطيع البلاستيك أو المطاط لإنه الأكثر أمانًا بين كل الألواح.

ولو هتستخدمي لوح تقطيع خشبي فحافظي عليه نضيف ومعقم لأقصى درجة ممكنة.

كمان ممكن تستخدمي شمع العسل أو أي زيت معدني لمعالجة سطح الألواح الخشب كل كام شهر عشان يبقى فيه طبقة عازلة تحفظ الأكل من التلوث.

زي ما قولنا قبل كدا يفضل إنك تستخدمي ألواح تقطيع مختلفة لكل نوع من الأكل، زي لوح للخضار وواحد تاني للحوم وواحد تالت لفرد العجين وهكذا.

لو اللوح في تشققات أو خدوش أو ظهرت عليه أوساخ كتير لازم تتخلصي منه على الفور لإنها بتكون فيه جراثيم وبكتيريا.

من الضروري إنك تستخدمي مية سخنة وسائل لتنظيف الأطباق وتنقعي فيه اللوح قبل ما تغسليه كويس وتجففيه.

وأخيرًا نضفيه بمحلول للتعقيم بصورة أسبوعية، عشان تضمني إن البكتيريا اللي فيه كلها ماتت.

 

المصادر.. كيفية اختيار لوح التقطيع للمطبخ. لوح التقطيع: أيهما تختار

 
/home/ahmed-gouda/workspace/main-system

عرفنا في التقرير ده إزاي نختار لوح التقطيع المناسب للأكل وعدد الألواح اللي محتاجينها في المطبخ، كمان عرفنا إزاي ننضفه ونعقمه بشكل كويس عشان البكتيريا متتراكمش فيه.

 

مواضيع ذات علاقة