أجهزة تسهل مهام المطبخ

كل ست بيت لازم تسأل نفسها ايه أجهزة تسهل مهام المطبخ ولا كلها أجهزة غير مجدية وبندفع فيها فلوس كتير على الفاضي.

الحقيقة إن كل الأجهزة مفيدة لكن درجة إفادتها عند كل ست بيت مختلفة عن التانية، يعني فيه واحدة ينفعها الميكروويف وفي واحدة تانية لأ، وهكذا..

وبالتالي قرر موقع "فوودو" في الموضوع ده إن يشرح أأجهزة تسهل مهام المطبخ وفايدة كل جهاز.

اقرأي أيضًا: طريقة عمل النوتيلا في المنزل بطريقة سهلة وبسيطة

أجهزة كهربائية تسهل عليك مهامك في المطبخ

الميكروويف 

أجهزة كهربائية تسهل عليك مهامك في المطبخ

الميكروويف واحد من أجهزة المطبخ اللي كتير من الناس بتستخدمه في الفترة الحالية، لكن فيه ناس تانية بتقول إنه مش مفيد.

وهو جهاز بيعمل على تسخين كل أنواع الاكل وفك التجميد وكمان الشوي، وبيشتغل بالكهربا مش الغاز.

كمان هو بيتحط على المطبخ أو على سطح مستو وجاف أي بعيد عن الحوض، أو أي مصدر للمية.

وداخل الميكروويف فيه حلقة دائرية بيها 3 عجلات محطوط عليها طبق من الزجاج، عشان تلف وتوصل الحرارة للأكل من كل الاتجاهات. 

من ضمن مميزات الميكروويف كمان إنه بيقبل أي نوع من الأطباق ماعدا المعدن، وممكن تحددي الوقت اللي هيتسخن فيه الأكل.

وبالتالي فهو مفيد للناس اللي مش بتعرف تسخن الاكل على البوتوجاز أو اللي مستعجلين ومش هيقدروا يستنوا التسخين عليه؛ لإنه كمان بيسخن بسرعة وبيوفر الوقت.

وممكن جوزك أو ابنك يستخدمه في تسخين الأكل بسهولة لو مش بيعرفوا يستخدموا البوتوجاز. 

لكن سلبيات الميكرووف إنه سعره غالي وبيستهلك كهربا كتير، ويُقال إن ليه أضرار صحية لكن غير مؤكد. 

 

غسالة الأطباق 

أجهزة كهربائية تسهل عليك مهامك في المطبخ

غسالة الأطباق بدأت تنتشر كمان بشكل كبير خلال الفترة اللي فاتت، وهي من أجهزة تسهل مهام المطبخ بس زي ما  ليها مميزات وسلبيات كمان.

الغسالة دي بتوفر الوقت اللي هنغسل فيه المواعين، وبالتالي هي بتفيد جدًا الستات اللي بيتشتغلوا أو الرجالة اللي مش متجوزين.

بتحتوي على حوض صغير موجود في الجهة اللي تحت، واللي بيملى مية بشكل أوتوماتيكي، وبعدين بتسخن المواعين المحطوطة حسب درجة الحرارة المطلوبة.

بعد كدا بتبدأ مضخة الميه الموجودة فيها بتوصيل المية إلى المرشات لرشها على المواعين بحركات دائرية.

والخطوة دي بتضمن توزيع المية على كل المواعيد، و بعد كدا بتخلص الغسيل وتشطفها كويس وبتفرغ المية منها.

كمان فيها ميزة إنها ممكن تجفف المواعين بدرجة الحرارة لو ظبطناها على برنامج التجفيف. 

وبالتالي الغسالة دي مفيدة للستات اللي بيشتغلوا أو اللي عندهم أطفال صغيرين أو اللي وقتهم ضيق.

ومن عيوبها إنها بتبقى عايز مكان فيه صرف في المطبخ، وبتستخدم الكهرباء.

 

أجهزة كهربائية أخرى تسهل عليك مهامك في المطبخ

العجانة

أجهزة كهربائية تسهل عليك مهامك في المطبخ

العجانة كمان من الأجهزة الكهربائية اللي بتحتاجها ستات بيوت كتير في المطبخ، وهي مهمة جدًا لو بتعملي مخبوزات كتير.

هي بتعجن أي عجين بشكل كويس جدًا بدل ما تقعدي تعجني بإيدك لحد ما توجعك، بالعكس هي بتسهل عليكي العجن.

بس لازم نركز في سعة العجان وحجمها المناسب عشان منجبش حاجة غير عملية، او مالهاش مكان في المطبخ، أو مش هتكفي المخبوزات اللي بنعملها.

كمان لازم ناخد بالنا إنه فيه ملحقات كتير عشان نقدر نخبز كل أنواع المعجنات.

ومن ضمن النصايح اللي لازم نعرفها إننا نبعد عن المعجنات أوعيتها من الإزاز عشان متتكسرش بسهولة وكمان وزنها تقيل.

بشكل عام فالعجان مهم لستات البيوت اللي بيعجنوا كتير وبيعملوا مخبوزات ومهم كمان للي إيديهم بتوجعهم من كتر العجن أو اللي مش بيعرفوا يعجنوا كمان.

 

مكنسة البخار 

مكنسة البخار 

مكنسة البخار من أهم الأجهزة الكهربائية الموجودة عشان بتشيل البقع الصعبة والأوساخ من الأرض والسجاد.

وهي بتوفر عليكي عناء تنضيف الأرض والسجاد من البقع اللي بتحصل بسبب الطبيخ، وكمان بتقضي على البكتيريا والجراثيم.

المكنسة دي بتعتمد على وجود غلاية جواها بتسخن المية الموجودة فيها لحد درجة حرارة 200 مئوية.

بعد كدا بيتم دفع البخار إلى السطح عشان يشيل كل الأوساخ والشحوم بمنتهى السهولة واليسر بدون تعب ومجهود.

وفيه كمان خاصية التعقيم اللي بتحصل بسبب درجة الحرارة العالية الناتجة عن البخار، وبالتالي بتقضي على 99% من البتكيريا والحشرات الضارة.

وبالتالي المكنسة دي مهمة للي عندهم أولاد بيوسخوا الأرض والسجاد، أو المريضة اللي مش بتقدر تنضف أول بأول. 

قد يهمك طريقة عمل المقلوبة باللحمة في المنزل بطريقة سهلة وبسيطة

أجهزة كهربائية للمطبخ صغيرة بس مهمة 

فيه بقى أجهزة تسهل مهام المطبخ صغيرة بتنجزك في أي حاجة تتعمل زي المفرمة أو الهاند بلندر أو الغلاية.

المفرمة 

ممكن تشتري مفرمة صغيرة لمطبخك تسهل عليكي عمل أي خلطات أو تتبيلات بدون ما تضطري تطلعي الكيتشن ماشين.

وكمان هي خيار كويس جدًا لتحضير الأعشاب والمكسرات والصلصات الكثيفة والثلج المجروش وطعام الأطفال بشكل سهل.

المفرمة دي حجمها صغير لكن فاعليتها وأدائها كبير، وتغني عن محضرات الأكل الكبيرة اللي بتاخد مساحة في المطبخ.

وكمان هي مفيدة للي مطبخهم صغير أو اللي حالتهم المادية ضعيفة، لإنها بتقوم بمهام محضرة الطعام إلى حد كبير. 

الهاند بلندر


الهاند بلندر كمان زيها زي المفرمة، بتغني عن الخلاط الكهربائي أو المحضرة، بل ومنتج صغير وسهل التعامل بيه.

وعلى الرغم من إن المنتج ده جديد نسبيًا إلا إنه خد شهرة كبيرة، لإني ممكن افرم بيه أي حاجة في الإناء بتاعها بدون مااضطر افرم في الخلاط أو إناء معين.

وهي بتتمسك بالإيد وليها كذا سرعة، وبيقدر يخفق ويهرس كل الأكل حتى لو سخن، وبالتالي فهو مهم جدًا في المطبخ.

مضرب البيض الكهربائي 

مضرب البيض الكهربائي يعتبر من أهم الأجهزة في المطبخ عشان بيضرب البيض والكريمات وبيخفقها لدرجة كويسة.

وبالتالي فهو مهم في صنع جميع أنواع الحلويات والكيكات والتورتات عشان بيقدر يضرب الكريمة بالشكل المطلوب.

كمان هو فيه محرك لضبط السرعات فيه وليه مقبضين معدنيين ممكن نستبدلهم حسب مهمة الخفق اللي عايزين نعملها.

لكن مشكلة إنه منقدرش نستعمله لخفق المكونات اللي قوامها ثقيل زي العجين، لكن سعره على قد الإيد ومناسب جدًا.

أجهزة كهربائية صغيرة للمطبخ 

الأجهزة الترفيهية بالمطبخ

التوستر

بالنسبة للتوستر فهو بيقوم بمهمة تحميص العيش عشان يقرمش ويبقى لذيذ، والنوع ده بيحبوه الأطفال جدًا.

وبنحط التوست أو العيش في الفتحة المخصصة ليه، وبنظبط درجة التحميص حسب رغبتنا، ونشغله، ولما يخلص بيقف.

لكن لازم ناخد بالنا إننا منحطي أي أدواء معدنية جواها أو الإيدين داخل فتحات الخبز أثناء توصيلها بالكهرباء.

وكمان لازم ننضفه باستمرار عن طريق إننا نسحب العلبة المسطحة اللي بتبقى مليانة ببقايا العيش وننضفها.

كمان النوع ده من الأجهزة هيكون ترفيهي شوية ومش عملي، فهو بيستخدم في تحميص العيش بس، وده ممكن نعمله في الفرن.

الغلاية

بالنسبة للغلاية فهي مش مهمة أوي في المطبخ، لإنها بتستهلك كهربا كتير وعايزة مكان ليها جاف بعيد عن المية.

وهي كل أهميته بتكمن في إنها بتغلي المية كويس جدًا وبتفصل بعد الغليان، وبتاخد وقت أقل كتير من البوتوجاز.

وبالتالي لو مش بتبقي مستعجلة على المية المغلية فممكن تستخدمي البوتوجاز بشكل طبيعي بدل منها. 

لكن أهميتها بتظهر لما يكون عندك عزومة وناس كتير محتاجة تشرب حاجة سخنة، فهتنجز معاكي جدًا. 

قدر الضغط الكهربائي

حلة الضغط الكهربائي بتسوّي الأكل بشكل سريع جدًا وبالتالي فهي مفيدة للستات اللي بيشتغلوا.

وكمان سهل تنضيفها وغسلها على إيدك أو في غسالة الأطباق، لكن يجب الانتباه لإنها ممكن تنفجر لو اتنست أو نوعها مش نضيف.

الفرن الكهربائي

الفرن الكهربائي

الفرن الكهربائي أصبح من أكتر الأجهزة المنزلية المهمة حاليًا، عشان بيفيد في التسخين والطبخ على حد سواء.

وده على عكس الميكروويف اللي بيسخن بس وبيفك التجميد، وبالتالي فهو أهم من الميكروويف عمليًا.

لكن فعليًا فالفرن الكهربائي بيقوم بمهمة فرن البوتوجاز العادي، لكن أسهل في ضبط الوقت والاستعمال.

وده بيحصل عن طريق توصيله في الكهرباء ومن ثم بنضبط الوقت والبرنامج من لوحة اللمس أو الأزرار اللي فيه.

وبعد ما بنضبط البرنامج على التسخين أو الطهي بنضغط على زر المؤقت أو البدء.

كمان ممكن نستعمل المروحة أو نشعل الحرارة من أعلى أو أسفل أو الاتنين مع بعض.

مشكلته إنه بياخد كهربا كتير في حين إننا ممكن نسوي الأكل براحتنا في فرن البوتوجاز العادي، وكمان محتاج مساحة في المطبخ. 


الكيتشن ماشين

الكيتشن ماشين

الكيتشن ماشين أو محضرة الطعام من أهم الاجهزة برده اللي لازم تكون في المطبخ، بل هي إيدك ورجلك في المطبخ.

ونقدر نستخدمها لإنجاز حاجات كتير زي التقطيع والهرس والطحن والفرم أي شيء، فهي فيها كبة ليها كذا قطعة وكمان خلاط ومطحنة.

فمثلًا الكبة هنعمل فيها التتبيلات والخلطات المختلفة، وفيها قطعة لخفق البيض أو الكريمات، وكمان قطعة لعصر الليمون والبرتقال.

وكمان الكبة فيها قطعة للعجن وقطعة تنشيف المية من الخضروات الورقية، وليها قطع كتير لبشر أي شيء.

أما الخلاط فممكن نفرم فيه الطماطم بسهولة، وكمان المطحنة نقدر نطعن فيها التوابل المختلفة.

يفضل إننها نختار المحضرات اللي فيها محركات قوية وتعمل على الأطعمة الصلبة زي الجزر، وكمان تبقى سعتها كبيرة.

محضرات الأكل بتحتاج مساحة تخزين كبيرة في المطبخ لكنها بتعملك كل حاجة، وكمان سعرها كويس.


براد الماء

براد الماء

براد المية بيستخدم لتسخين أو تبريد مية الشرب العادية، وهو ليه أنواع كتيرة ممكن نختار اللي احنا عايزينه.

فيه أنواع بيتم توصيلها مع مصدر المياه الرئيسي عبر الأنابيب، وفيه أنواع بيتم وضع قوارير عليها في الجهة العلوية أو السفلية منه.

والقوارير دي بنستبدلها كل ما المية تخلص أو نملاها، ومبدأ عمل المبردات دي إنها بتسقع المية تلقائيًا.

وبنضغط على أي زرار خارجي ساقع أو ساخن عشان ننزل المية اللي احنا عايزينها.

المبردات دي مفيدة لو عيلتك كبيرة أو بيزورك ناس كتير، بدل زجاجات المية اللي بتتحط في التلاجة وممكن متسقعش.

إليكي أيضًا: طريقة عمل الفول في المنزل بالطحينة والزبادي

شفاط المطبخ

الشفاط في المطبخ من الاجهزة المهمة برده لإنه بيشفط كل الروايح الغير مستحبة والبخار، لو إنتي شقتك مقفولة.

وهو بيسحب كل روايح الأكل والدهون والبخار عبر قناة التهوية، عشان تلزق في سطح الفلتر.


المصادر: 

أفضل الأجهزة لراحتك في المنزل

أدوات كهربائية للمطبخ

 

/home/ahmed-gouda/workspace/main-system

في التقرير ده عرفناكي كل الأجهزة الكهربائية المهمة للمطبخ بعيدًا عن التلاجة والبوتوجاز والغسالة الاساسيين، احنا كتبنالك إيه الاجهزة المهمة واللي مش مهمة ومميزات وعيوب كل جهاز زي الميكروويف وغسالة الأطباق.

 

مواضيع ذات علاقة