حجر البيتزا .. ما هو وكيف يمكن استخدامه وما هي بدائله؟

ستات بيوت كتيرة بدأت تعمل البيتزا في البيت بدل من شرائها جاهزة، وعشان تعرفي تعمليها كويس لازم الأول تعرفي إيه هو حجر البيتزا .

وحجر البيتزا عبارة عن بلاطة كبيرة ومدوّرة بتستخدم للطبخ، وهي مصنوعة  من السيراميك أو الحجر أو الملح.

البلاطة دي متخصصة للبيتزا لو هتستخدمي فرن من القرميد، وكمان ممكن نستخدمها في خبز العيش والبسكويت وأكلات تانية.

اقرأي أيضًا: طريقة عمل القرص السادة

استخدام حجر البيتزا 

ممكن تحطيه في الفرن التقليدي العادي ومن الأفضل تحطي الرف العلوي في النصف لخبز البيتزا والكحك.
 
أول حاجة ابدأي بفرن بارد ومتحطيش حجز البيتزا في فرن ساخن أبدأ عشان ميتكسرش بسبب الصدمة الحرارية.
 
كما لازم تتأكدي من إنه مش هيتعرض لأي تغيرات حرارية مفاجئة، يعني عامليه معاملة البايركس.
 
ولازم تعرفي إن وضع البيتزا المجمدة عليه هتتسبب في تكسر الحجر، زي لو اتحط الحجر البارد في الفرن الساخن.
 
وبالتالي من الأفضل خبز البيتزا المجمدة على الرف مباشرةً، بس في الحالة دي سخني الفرن الأول.

حجر البيتزا مش بيحتاج إنك تدهنيه بزيت أو حاجة لما تيجي تحطي البيتزا عليه، بس ممكن تحطي دقيق الذرة عشان متلزقش.

وهتحتاجي كمان إنك تجربيه أكتر من مرة لحد ما تتوعدي عليه، خاصة لو بتستخدمي مجراف البيتزا عشان تحطيه جوا الفرن. 

وفيه أنواع مختلفة من مجارف البيتزا زي "المجراف الخشبي اللي ايده قصيرة، والمجراف الخشبي اللي ايده طويله، والمجراف المعدني".

في العادي يؤدي المجراف اللي ايده قصيرة الغرض بالنسبة لست البيت اللي بتعمل البيتزا في المنزل.

وبالنسبة لدقيق الذرة اللي بيتحط تحت العجينة، لو مش متوفر ممكن تحطي دقيق عادي متعدد الاستخدامات.

لما البيتزا تستوي شيليها بالمجراف برده وسيبي الحجر لحد ما يبرد تمامًا في الفرن عشان ميتكسرش.

كما ممكن تحطي أطباق الطبخ والاواني المختلفة والصواني على الحجر بسهولة، بدون ما تقلقي.

استخدام حجر البيتزا 

 

تنظيف حجر البيتزا 

أول حاجة متعرضيش حجر البيتزا للمية وهو سخن، سيبيه لحد ما يبرد تمامًا وبعدين اشتغلي فيه.

بعد ما يبرد، استخدمي ملعقة مطاطية أو بلاستيك عشان تتخلصي من أي بقايا طعم عليه زي العجين أو الجبنة.

ولو بقايا الأكل لسة لازقة عليه ومطلعتش، استخدمي ملعقة كبيرة من الكربوناتو وعليه قطات مية صغيرة وافركي بيها المكان الملزوق عليه أكل.

بعد كدا استخدمي قطعة قماش مبلولة ورطبة عشان تشيلي الكربوناتو من عليه وبقايا الأكل منها. 

لما تخلصي كل ده، امسحي الحجر بقماشة تانية نظيفة ومبلولة، وبعدين سيبيه ينشف تمامًا. 

في كمان طريقة تانية نقدر من خلالها ننضف الحجر ده خاصة لو عليه بقع عنيدة وصعب تتشال.

والطريقة التانية عبارة عن وضعه في الرف الأوسط بالفرن وضبط الفرن على درجة حرارة 260 ونسيبه يسخن.

بعد كدا سيبي الحجر لمدة ساعة جوا الفرن وبعدين اطفي النار وسيبي الحجر يبرد، ولما يبرد استخدمي ملعقة بلاستيك عشان تشيلي بقايا الطعام وامسحي بقطعة قماش مبلولة.
 
لازم تاخدي بالك من إنه متوقع يظهر دخان كتير من الفرن بسبب احتراق الشحوم فيه
 
وكمان خدي بالك لو الحجر اشتعل في الفرن، اطفي النار فورًا ومتفتحيش باب الفرن، وبعدين اتصلي بالمطافي.
 
تنظيف حجر البيتزا 
 

حجر الخبز مقابل حجر البيتزا

في بدايل كتير لحجر البيتزا، ومنها حجر الخبز وهو عبارة عن سطح طهي محمول بنستخدمه للخبز.

ويمكن حجر البيتزا هو أحد أنواع أحجار الخبز، بس هو مصنوع للبيتزا بشكل خاص ومينفعش يستخدم لحاجة تانية.

وأحجار الخبز ليه أنواع وأشكال كتير بتعتمد على استخدامها، ومصنوعة من مواد متعددة زي السيراميك والحجر والملح.

في العادي، فغن مواد الخبز ووأحجار البيتزا مصنوعة من موصلات حرارية رديئة جدًا، بس كويسة بالنسبة للخبز على موصلات تانية زي المعدن أو الزجاج.

والأحجار دي أفضل بسبب إنه ممكن نستخرج منها الرطوبة على مدى فترة أطول من غير ما نحرق العنصر.

كمان المواد دي بتوصل الحرارة بشكل متساوي، وده أفضل إنه يخلي الحاجة المخبوزة متوازنة ومش محروقة.

والأحجار دي بتشبه إلى حد كبير أوراق الخبز أو ملفات تعريف الارتباط، والفرق إنها بتمتص الرطوبة الإضافية وده بيخلي قاعدة البيتزا أو الطعام هشة أكتر.

بدائل حجر البيتزا 

في بدايل كتير لحجر البيتزا زي صواني البيتزا، وعلى الرغم من الحجر أفضل لكن سعره غالي ومش متوفر لكتير من الناس إنها تشتريه.

وبالتالي في بدايل تانية ليه الاس بتلجألها، بدل ما تشتري الحجر الأرخص واللي هيتكسر بسرعة وجودته مش عالية.

كما فيه أسباب تانية تخلي الناس متستخدمش حجر البيتزا زي إنهم مش بيحبوا قاعدة البيتزا المقرمشة.

وبالتالي الناس بتدور على البدايل اللي بتدي نفس النتيجة أو حتى نتيجة قريبة جدًا لحجر البيتزا. 

بدائل حجر البيتزا 

صواني بيتزا

صواني البيتزا من بدايل حجر البيتزا اللي بتدي نتيجة قريبة للتسوية منه، وفيه منها نوعين "مثقبوبة وغير مثقوبة".

والصواني اللي مش مثقوبة بتشبه ورقة الخبز اللي مش مبتلزق جدًا، والفرق الوحيد إنها مدوّرة مش مستطيلة.

وأحيانًا بتيجي الصواني دي بمقبضين عشان تعرفي تمسكيها من الجنبين بسهولة. 

أما الصواني المثقوبة، فدي عبارة عن صينية مدوّرة برده بس فيه ثقوب صغيرة من جميع النواحي. 

الثقوب دي ليها أهمية معينة زي إنها بتسمح بتوزيع الحرارة كويس على العجينة كلها، لإنها بتلمس بشكل شبه مباشر مصدر الحرارة.

وكمان مفيش سطح بيحتاج لتوصيل ونشر الحرارة قبل طهي القاعدة، لإن الطهي أصبح بشكل مباشرة.

وليها فايدة تانية برده إنها بتسمح برطوبة أكتر يمكن استخراجها من العجين وبالتالي بتخلي القاعدة مقرمشة زي حجر البيتزا.

صواني البيتزا هي الخيار الأفضل لكتير من الناس وبالفعل بتعتمده كتير من ستات البيوت لعمل البيتزا، وكمان رخيصة ومنتشرة في السوق.

بشكل عام فالصواني المش مثقوبة بتضمن إن البيتزا حجمها دائري وشكلها ثابت ومش بتلزق وسهلة في التنضيف ورخيصة.

لكنها مش بتخلي العجينة مقمرشة ومش بتسوي القاعدة بشكل متساوي، ومش ممكن تخبز على نار مفتوحة. 

أما الصواني المثقوبة فبتضمن شكل دائري برده وقواعد هشة وبتوزع الحرارة كويس ومش بتلزق وكمان تنضيفها سهل ورخيصة، لكن مش ممكن خبز البيتزا فيها على نار مفتوحة.

إليكي أيضًا: طريقة عمل البان كيك بسهولة

ورقة الخبز

ورقة الخبز من بدايل حجر البيتزا برده، وهي أسهل البدايل، وغالبًا لإن ممكن يكون عندك واحدة فعلًا في البيت.

أي صينية مدوّرة عندك ممكن تستخدميها للبيتزا، عن طريق قلبها ووضعها في الفرن ووضع البيتزا عليها.

وسبب إنك تقلبيها عشان تبقى سهلة في إنك تتحكمي في البيتزا والعجينة بسهولة واختبار مدى سواها. 

ولو خبزتيها في الجانب الصح، فطرف الصينية هيمنعك من تحريك البيتزا بسهولة أو الكشف عليها. 

أما أوراق الخبز فبتناسب فرنك على أي حال، على عكس أحجار البيتزا اللي صعب تلاقي واحد مناسب للفرن.

وكمان ممكن تستخدمي ورقة ملفات تعريف الارتباط لتحضير البيتزا، واللي هي عبارة عن صفائح خبز بدون حافة.

لكن العيب الوحيد في ورق الخبر او ملفات تعريف الارتباط، إنها هتخليها طريقة ومش مقرمشة. 

بشكل عام فإن الورق ده هيناسب الفرن وهيسهل تحريكك للبيتزا ومساحته كبيرة ومش بيلزق وسهل التنضيف ورخيص.

لكن مش هيمنضلك إن البيتزا تكون متساوية الحجم أو مقرمشة أو إنها تتخبز بالتساوي، وكمان مينفعش تسويه على نار مفتوحة. 

 صواني بيتزا
 

أواني الطبخ من الحديد الزهر

أواني الطبخ المصنوعة من الحديد الظهر من الخيارات المفضلة للبيتزا المقرمشة، وشرطها الوحيد هي استخدامها على نار مفتوحة.

والأواني دي متينة جدًا وأسعارها كويسة وسهل نلاقيها في السوق، على عكس حجر البيتزا اللي ليه وظيفة محددة بس ومش سهل نلاقيه في السوف.

فمثلًا لو اشتريتي فرن هولندي من الحديد الزهر، فهتعرفي بسهولة نخبزي البيتزا والعيش وتقلي اللحمة وتعملي حاجات كتير فيه.

وفيه أشكل كتير وأحجام مختلفة للأواني المصنوعة من الحديد الزهر، وبالتالي تقدري تختاري الحاجة المناسبة ليكي. 

ميزة كمان للأواني المصنوعة من الحديد الزهر، هي إنها ممكن توحدي وصفتك بدون ما تغيري فيها كل شوية. 

وتقدري تستخدميها على نار مفتوحة، هتديكي أفضل النتايج كما لو كنتي بتحضري البيتزا على الحطب. 

كمان ممكن تستخدميها جوا الفرن بشكل طبيعي، بس البيتزا مش هتطلع مقرمشة ولذيذة. 

بشكل عام فإن مميزات أواني الطهي المصنوعة من الحديد الزهر إنها هتخلي البيتزا متساوية الحجم والقاعدة مقرمشة.

وكمان هتوزع الحرارة بشكل متساوي، وتقدري تحضري البيتزا على نار مفتوحة أو الفرن، وليها استخدامات كتيرة. 

أما سلبياتها فهي بتسبب الصدا لو متمش صيانتها بشكل صحيح، وكمان غالية.

تعرفي على طريقة عمل الجلاش باللحمة المفرومة بسهولة

فولاذ الخبز

ده كمان أحد البدايل المعروفة لحجر البيتزا، وهو بيشبهله لحد كبير، بل قد يكون هو حجر بيتزا ولكن مصنوع من الفولاذ.

وفولاذ الخبز عبارة عن صفايح معدنية كبيرة وتقيلة بتشتغل زي حجر البيتزا. 

وكمان نقدر نخبز فيها في درجة حرارة أعلى بكتير؛ لأنها أكثر قدرة على توصيل الحرارة وأكثر مقاومة للحرارة من الأحجار.

نقدر كمان نلاقيها بأشكال وأحجام مختلفة، وبتدي نتيجة البيتزا المقرمشة، بس ممكن متناسبش فرنك. 

ومن عيوبها إنها أغلى بكتير من كل البدايل التانية وحتى أغلى من بعض أحجار البيتزا.

بشكل عام فإن إيجابية تشمل إنه بيضمن شكل البيتزا متاسوي الحجم وبيدي نتيجة البيتزا المقرمشة.

كمان هو بيوزع الحرارة بشكل متساوي، وممكن نخبز فيه على نار مفتوحة أو في الفرن، وهو منتج دائم.

لكن سلبياته بتشمل إنه تقيل جدًا وغالي جدًا وصعب تلاقيه في أي مكان، وممكن ميناسبش الفرن. 

كلمة أخيرة

في التقرير ده عرفناكي إيه هو حجر البيتزا وإزاي تستخدمي وإزاي تنضفيه ومميزاته وعيوبه، وما عليكي إلا إنك تختاري هتستخدميه أو لأ.
 
وكمان عرفناكي إيه البدايل المشهورة لحجر البيتزا واللي بتدي نفس النتيجة أو نتيجة قريبة منه، وكل سلبياتها وإيجابياتها. 
 
 
المصادر.. 
 
/home/ahmed-gouda/workspace/main-system

في التقرير ده عرفناكي إيه هي حجر البيتزا وإزاي تستخدمي وإزاي تنضفيه ومميزاته وعيوبه، وكمان عرفناكي إيه البدايل المشهورة لحجر البيتزا واللي بتدي نفس النتيجة أو نتيجة قريبة منه.

 

مواضيع ذات علاقة