الحفاظ على البسكويت والكوكيز طازة لاطول فترة

من المعروف عن المصريين إنهم بيعشقوا الحلويات ويمكن البسكويت والكحك من اكتر الحلويات اللي مشهورين بيها، وفي الموضوع ده هنعرفكم أفضل طرق الحفاظ على البسكويت والكوكيز طازة لاطول فترة .

ومع بداية المدارس ستات بيوت كتير بيبدأوا يعملوا الكوكيز والبسكويت عشان يتحط في اللانش بوكس بتاع الأولاد، وبالتالي لازم يعرفوا إزاي يحافظوا على الحاجات دي طازة عشان متضطرش تخبزهم كل يوم.

اقرأي أيضًا: طريقة عمل الليزي كيك بسهولة

أفضل الطرق للحفاظ على البسكويت والكوكيز طازة لاطول فترة

فيه شوية خطوات لازم على كل ست بيت تعرفها عشان تضمن تالحفاظ على البسكويت والكوكيز طازة أطول فترة ممكنة:

  • أول حاجة لازم تعرفي إن ممنوع تخزني حلى الكوكيز في الثلاجة من غير ما تحطيه في علبة مقفولة كويس جدًا.

وده عشان الهوا البارد اللي في التلاجة لو دخل العلبة هينشف الكوكيز، ودي حاجة مش مستحبة طبعًا. 

  • كمان لازم تحطي شريحة من العيش الأبيض مع الكوكيز في العلبة قبل ما تحطيها في التلاجة.

والشريحة دي هتقوم بامتصاص الرطوبة اللي ممكن يتعرض ليها الكوكيز، وبالتالي هتخليها ناعمة وطرية. 

  • ولو عملتي أكتر من نوع من الكوكيز ونكهات مختلفة، متحطيهمش مع بعض في علبة واحدة.

لازم تحطي النكهات المختلفة في علب منفصلة، عشان الكوكيز بيمتص النكهات من بعضه وبالتالي هيخلي الطعم غريب. 

  • لو لسة عندك كوكيز بالشيكولاتة أو السكر، ومش عارفة تقدميه إزاي بشكل هش كأنها لسة صابح، متقلقيش،

في الحالة دي هتحطيه في صينية خاصة بالفرن، وهتدخليه الفرن على درجة حرارة 300 درجة لمدة 3 دقايق بس أو أقل لكن مش أكتر من كدا. 

أفضل الطرق للحفاظ على البسكويت والكوكيز طازة لاطول فترة

أفضل الطرق للحفاظ على البسكويت

أول حاجة ممكن تسيبي البسكويت في درجة حرارة الغرفة العادية لفترة تصل لـ3 أيام كحد أقصى.
 
وده بيحصل عن طريق إننا نحطه في صينية الفرن ونغلق الصينية بورق الفويل أو الألومنيوم ونحفظها في الفرن.
 
يجب على كل ست بيت إنها تاخد بالها من إنها متحطي البسكويت والكوكيز في نفس الصينية، ولكن تفصل بينهم.
 
أما لو حطيناه في الفريزر فممكن يفضل صالح للأكل لمدة تصل إلى 3 شهور، وده ليه طريقة تانية. 

لازم نحفظ قطع البسكويت في علب أو أكياس مقفولة كويس جدًا، ونحطهم في الفريزر، بس نسيبه يبرد الأول في درجة حرارة الغرفة قبل ما نشيله في الفريزر.
 
لازم نفصل النكهات والاطعمة المختلفة من البسكويت في علب منفصلة ومنحطهمش مع بعض.
 
كمان لازم نحط ورق الزبدة بين حبات البسكويت المختلفة، عشان ميلزقوش في بعض أو يتكسروا.
 

أفضل الطرق للحفاظ على البسكويت

أفضل طريقة للحفاظ على البسكويت والكوكيز 

بالنسبة للكوكيز فلازم نعرف برده إزاي نحفظه بشكل يمنع إنه يبوظ أو ينشف أو يحصله أي حاجة. 

أول حاجة هنسيب الكوكيز تبرد تمامًا بعد خبزها، عشان لو حطيناها في علبة وهي سخنة البخار هيتكثف ويبللها.

وطبعًا لا يستحب إننا ناكل الكوكيز وهي مبلولة أو ناشفة جدًا، وبالتالي هنسيبها تبرد تمامًا في صينية التبريد أو طبق عادي.

بعد كدا هننقله في علبة مقفولة كويس جدًا بحيث ميدخلهاش أي هواء بارد عشان متبقاش لينة وتتفتت.

كمان ممكن نحطها في أكياس بلاستيك مقفولة كويس، لكن العلب هي الخيار الأسهل والأقل تكلفة.

وبالتالي لازم تختاري علبة كبيرة وواسعة عشان تكفي الكوكيز من غير ما تضطري لتكديسها، لكن برده متسيبيس مساحات كبيرة فاضية فيها.

وزي ما قولنا قبل كدا، لازم تحطي كل نوع أو نكهة مختلفة في علبة مختلفة، وبلاش يتحطوا مع بعض.

والخطوة دي مهمة عشان الأنواع والنكهات متكرفش على بعضها ويصبح طعم كل حاجة غريب ومش منفرد بذاته.

أما لو هتحفظيه في كيس بلاستيك، فلازم تبقي متأكدة إنه مصنوع مخصوص لحفظ المواد الغذائية.

إذا كنت تخطط لتخزين الكوكيز في حاوية بلاستيكية، تأكد أولًا أنها مصنوعة من البلاستيك المصمم لحفظ المواد الغذائية.

أما إذا كان البسكويت اللي هتشيليه من نوع صلب ومقرمش جدًا، حطيه في برطمانات البسكويت اللي بتسمح بتدفق الهواء.

كمان خدي بالك من إنك تحطي ورق الزبدة أو عيش التورتيلا بين طبقات الكوكيز لو كمية كبيرة، وده عشان ميلزقوش في بعض. 

 
ولازم نحط قطعة خبز أبيض أو التوست الأبيض في العلبة اللي فيها كوكيز أو الكيس، عشان يساعد على امتصاص الرطوبة.
 
وبالطريقة دي هنحافظ عليه مقمرش وصابح لفترة طويلة، وكمان ممكن نستخدم خبز التورتيلا كبديل عن التوست. 

هنسيب العلبة في درجة حرارة الغرفة عادي ومش هنشيلها في التلاجة أو مكان، وهيفضل الكوكيز أو البسكويت صابح لـ3 أيام، أو أسبوعين لو اشتريناه من برا.

حاجة أخيرة لازم نخلي العلبة بعيدة عن أشعة الشمس عشان نحافظ على طعم ونكهة الكوكيز في أفضل حال.

 
أفضل طريقة للحفاظ على البسكويت والكوكيز 
 
 
 

أفضل الطرق للحفاظ على البسكويت والكوكيز طازة لاطول فترة مجمد  

أما بالنسبة لتجميد الكوكيز وحفظه في الفريزر فده ليه خطوات تانية، فهنسيب الكوكيز تبرد في درجة حرارة الغرفة.
 
بعد كدا هنشيلها في كيس بلاستيك أو كيس نايلون قبل للغلق وكبيز كفاية عشان يتحط فيه كل الكوكيز مفرود.
 
الكيس ده هيحافظ على الكوكيز من امتصاص أي نكهات أخرى في الفريزر، أو بمعنى أصح مش هيكرف عليه حاجة. 

والطريقة دي تنفع مع الكوكيز السادة اللي مش متزينة، ولو عايزين نزينها هيكون لما نيجي ناكلها بعد ما نطلعها من الفريزر.

وده عشان يحافظ على مظهر الزينة وعلى طعمها الطازج.

كمان لازم تحافظ على الكوكيز في أكثر من كيس لو مكفاش كيس واحدة لاحتواء طبقة واحدة.

بمعنى أصح لو كمية الكوكيز كانت كتيرة ومينفعش تترص في طبقة واحدة مسطحة، هنقسمها على أكتر من كيس قابل للغلق عشان متلزقش في بعضها.

بعد كدا هنحط الكيس المقفول كويس جدًا في الفريزر لمدة توصل لـ5 شهور، لإن بعد كدا طعمها هيروح.

بالتالي اكتبي التاريخ على الكيس بقلم ثابت قبل ما تحطيه في الفريزر عشان تعرفي مر قد ايه عليه ومدة صلاحيته.

لما تطلعيه، أول حاجة دوبيه في درجة حرارة الغرفة لمدة 15 دقيقة، وبعدين طلعيه من الكيس وحطيه في طبق.

وبكدا يكون جاهز للأكل بدون فرن أو ميكروويف، وممكن تحطي على الشيكولاتة أو السكر الباودر.

كمان ممكن تغطيه بقماشة نضيفة لو اتجمع الذباب حوله أثناء تبريده، ولو عايزاه سخن حطيه في الميكروويف لمدة 10 ثوان.

لو مش هتاكلي الكوكيز بعد ما دوبتيها، فممكن تسيبيها في الكيس أو العلبة مقفولة لمدة 7 أيام.
 
لكن لو مر 7 أيام من غير ما تتاكل، فارميها فورًا عشان مكوناتها هتكون فسدت، وطعمها هيبقى غريب.
 
 
أفضل طريقة للحفاظ على البسكويت والكوكيز طازة لاطول فترة مجمد  
 

مدة حفظ الحلويات في الثلاجة والفريزر

لازم نعرف مدة صلاحية تخزين الحلويات في الثلاجة أو الفريزر عشان متبوظش مع الوقت. 

فالحلويات بشكل عام والكوكيز بشكل خاص ممكن يتساب من أسبوعين لـ3 أسابيع في درجة حرارة الغرفة.

ولو اتحفظ في التلاجة فممكن يتساب لمدة شهرين، بس نحفظه بالطريقة اللي قولنا عليها قبل كدا عشان ميبوظش.

بالنسبة للفريزر، فممكن الحلويات تتساب من 8 شهور إلى 12 شهر، بس مش كل حاجة ينفع تتساب. 

أما الشوكولاتة الداكنة فبتتساب من 12 لـ18 شهر تقريبًا، أما الشوكولاتة اللي بحليب فتتساب من 6 لـ10 شهور تقريبًا. 

والشوكولاتة البيضاء فبتتحفظ لمدة 12 شهر تقريبًا، وبالنسبة للمكسرات زي الجوز واللوز والزبيب والبندق فبيتساب 4 شهور تقريبًا. 

وأخيرًا الحلويات الشرقية زي (البسبوسة، والكنافة، والبقلاوة، واللقيمات) فبتتحفظ لمدة ثلاثة أشهر تقريبًا.

قد يهمك طريقة عمل النوتيلا في المنزل بطريقة سهلة وبسيطة

طريقة تقديم الحلويات بعد تخزينها

بعد ما عرفنا طرق الحفاظ على البسكويت والكوكيز طازة في التلاجة أو الفريزر، لازم تعرفي إزاي تقدميها بعد ما تطلعيها تاني عشان تبقى زي الطازة بالظبط.

أول حاجة البقلاوة المخزنة في الفريزر، ودي بنخرجها ونسيبها تدوب في درجة حرارة الغرفة بس.

بعد كدا هندخلها الفرن كام دقيقة لحد ما ترجع مقرمشة تاني وجميلة، ونقدمها في أطباق التقديم مع الشاي.

أما لو خزنا عجينة البقلاة اللي مش مخبوزة، فدي هنخرجها من الفريزر ونحطها في التلاجة لحد ما تدوب. 

بعد كدا هتحطيها في صينية مدهونة بالسمنة في الفرن على درجة حرارة متوسطة لا تتجاوز 160 درجة مئوية، لمدة نص ساعة.

كمان ممكن تستخدمي الكريم شانتيه المخزن في الفريزر، عن طريق تجميده في قوالب صغيرة في الثلاجة حسب استخداماتك.

وبعدين تطلعيه عادي حسب الكمية اللي محتجاها وحطيه في التلاجة لحد ما يدوب تمامًا.

بعد كدا اخفقيه تاني ولو عايز سكر أو كاكو زوديه حسب الرغبة، واخفقيه لحد ما يوصل للقوام اللي عايزاه واستخدميه.

أما بالنسبة للمخبوزات الغربية زي الكورواسون أو الباتية السادة أو المحشي، فممكن نخزنها في الفريزر بمختلف أنواعها.

ولما نحتاجها هنطلعها ونسيبها في التلاجة لحد ما التلج يدوب من عليها، ويبقى في درجة حرارة الغرفة.

كمان ممكن نسخنها لمدة 30 ثانية في الميكروويف عشان تبقى زي الطازة بالظبط، كأنها لسة طالعة من الفرن.

طريقة تقديم الحلويات بعد تخزينها

أفضل الطرق للحفاظ على البسكويت والكوكيز كعجينة  

زي ما نقدر نشيل البسكويت أو الكوكيز في التلاجة أو الفريزر، نقدر نشيل العجينة بتاعتهم برده بسهولة.

وبنحط العجينة في أكياس بلاستيك قابلة للفتح والغلق، وبنعدين في التلاجة وبتفضل 5 أيام فيها، وبتفضل لحد 6 شهور في الفريزر.

وأول حاجة في عملية تخزين العجينة هي إننا بنفرد ورق زبدة بحجم مناسب في العبوة اللي هنحط العجينة فيها.

بعد كدا بنقسم العجينة لكرات أو بأي طريقة حسب ما بنخبزها، ونرتبها فوق ورق الزبدة. 

وبنحط من 6-10 كرات من عجينة الكوكيز على كل ورقة زبدة، ونجمع العجينة المحطوطة على كل ورقة معًا ونلفها بشكل رول، ونقفل أطراق ورقة الزبدة لإغلاقها. 

ولو هنستخدمها في غضون أيام قليلة (أقل من 5 أيام) هنحطها في التلاجة عادي، أما لو أكتر من كدا فهنحطها في الفريزر.

وبتفضل العجينة في الفريزر لمدة 6 أشهر، وبينصح بكتاب تاريخ وضعها في المجمد على ملصق ولزقه عليها عشان نعرف تاريخ صلاحيتها. 

بالنسبة للكوكيز المحطوطة في التلاجة فبتتخبز أول ما بنخرجها من التلاجة ومش بنسيبها برا التلاجة، وده بعد ما بنقطعها لشرايح وترتيبها في الصينية المبطنة بورق الزبدة. 

أما لو العجينة طالعة من الفريزر، فبنسيبها تدوب في التلاجة قبل يوم من خبزها، عشان نقدر نقطعها ونحطها في الصينية.

المصادر.. كيفية حفظ الكوكيز

طريقة حفظ الكوكيز بعد الخبز

/home/ahmed-gouda/workspace/main-system

في التقرير قدمنا طرق تخزين الكوكيز والبسكويت في الفريزر أو الثلاجة وإزاي نحافظ عليها لأطول فترة ممكنة، وكمان عرفناكي إزاي تطلعيها وتستخدميها بعد التجميد عشان تبقى زي الطازة بالظبط.

 

مواضيع ذات علاقة