افضل طريقة لحفظ الخضروات الورقية

ازاي نقدر نخزن الخضروات وايه هي افضل طريقة لحفظ الخضروات الورقية ؟ دي الأسئلة اللي بتسألها سيدات كتير لنفسها وعايزة تعرف إجابات ليها.

وفي التقرير ده، هنعرفك من خلال موقع "فودو" إزاي تحفظي الخضروات في التلاجة او الفريزر بالخطوات التفصيلية، وافضل طريقة لعمل ده.

اقرأي أيضًا: طريقة عمل النوتيلا في المنزل بطريقة سهلة وبسيطة

افضل طريقة لحفظ الخضروات الورقية

أول حاجة لازم تعرفي أساسيات حفظ الخضار سواء كنتي هتحطيه في الثلاجة أو الفريزر.

لما تجيبي الخضار من السوق، أول حاجة تعمليه تنضيف وتشيلي الفاسد منه، بعد كدا اغسليه فورًا ومتسيبهوش فترة برا التلاجة أو في التلاجة بدون غسل.

وإنتي بتغلي الخضار حاولي متفركيهوش أو تدعكيه، وبعدين انقعيه في مية بالخل لمدة 5 دقائق قبل ما تصفيها.

بعد كدا هتجففي الخضار عن طريق إنك تحطي على فوطة المطبخ النضيفة وسيبيه لحد ما ينشف، مع تقليبه كل شوية.

واتأكدي إنه نشف من كل الجهات قبل ما تخزنيه، وخزني كل نوع لوحده.

وممكن تخزني الخضار في أكياس الثلاجة بعد ما نلفها بالمناديل الورقية، وضروري نفرغ الهوا من الكيس قبل ما نشيله.

والطريقة دي هتخلي الخضار يتحفظ لمدة أسبوعين لـ3 أسابيع بالنسبة للبقدونس، بينما 10 ايام بس بالنسبة للشب والكزبرة.

كما إنه من ممكن نقطع الخضار ونلفه بمناديل المطبخ وبعدين نحطه في علبه ثم الثلاجة، وبالطريقة دي هنحفظه لشهر.

كمان ممكن نقطعها ونحطها على صينية لحد ما تنشف تمامًا لمدة 3 أيام مع التقليب، وبعدين نشيلها في كيس بلاستيك.

أخيرًا ممكن نقطع أطراق الخضار ونحطه في برطمان فيه مية، عشان يبقى فريش لكام يوم.

افضل طريقة لحفظ الخضروات الورقية

 

حفظ الخضروات الورقية في الثلاجة

كل ست بيت تقدر إنها تحافظ على الخضار الورقي فريش لأطول فترة في الثلاجة، عن طريقة شطفها ولفها في مناديل ورقية.

بعد كدا تبردها في أكياس الثلاجة المغلقة، و على سبيل المثال ممكن نعمل كدا مع الخس الأخضر، والكرنب، واللفت، والسبانخ.

ونقدر نبرد الخضار الورقي بعدة طرق، زي إننا نشطفه بالمية بعد تنظيفه بعناية حتى لو كانت مغسولة من قبل.

بعد كدا نجففها كويس بالمناديل الورقية، ونلفها بالمناديل ونحطها في علبة محكمة الغلق أو أكياس بلاستيك، ثم الثلاجة.

وكتير بينصحوا إن منحطش خضار كتير في العلبة الواحدة أو الكيس، عشان ميبوظش، وبكدا نقدر نسيبه فريس لمدة أسبوع.

وفي حاجات بتدوم لفترة أقل زي الخس اللي بيفضل لـ5 أيام كحد أقصى، وكمان لازم نتفقد الخضار ده بين فترة والتانية.

وكمان ناخد بالنا إذا تحولت لونها إلى البني أو ظهر عليها نسيج لزج، نعرف ساعتها إنها باظت.

قد يهمك طريقة عمل المقلوبة في المنزل بطريقة سهلة وبسيطة

افضل طريقة لحفظ الخضروات الورقية بالتجميد

زي ما ممكن نحفظ الخضروات الورقية في الثلاجة، نقدر كمان نحافظ عليها بالتجميد في الفريزر وده بيفضل فترة أطول.

ومن ضمن الخضروات اللي ينفع تتحط في الفريزر على سبيل المثال : السبانخ، واللفت، والسلق، وخضار البنجر.

وكل الأكل ده بيفضل لشهور في الفريزر من غير ما يبوظ، ولكن لازم نعرف طريقة التخزين الصح كالآتي:

في البجاية هننقي الخضار الفريش اللي لونه أخضر بيلمع، وبعدين هنضفه كويس جدًا.

بعد التنضيف هنغسل الخضار كويس تحت الماء البارد الجاري، عشان نشيل كل الأتربة والأوساخ الموجودة فيها.

ولازم نغسل الخضار أكتر من مرة لحد ما المية تنضف تمامًا وبالتالي هنعرف إن الخضار نضف هو كمان.

بعد كدا هنقطع الأوراق الكبيرة ونقدر نجمد الأوراق الصغيرة زي ما هي بشكل طبيعي.

طبعًا لازم نسلق الخضار قبل ما نجمده ودي خطوة مهمة جدًا عشان يحافظ على خضاره ونضوجه. 

وهنسلق الخضار عن طريق إننا نحط 4 كوبايات من الخضار مع 4 لتر مية إلا ربع، ولازم تبقى المية مغلية.

وأول ما تبدأ المية تغلي هنسيب الخضار من دقيقة إلى 3 دقائق حسب الخضار اللي بيتسلق.

على سبيل المثال إذا كنتي بتسلقي سبانخ فهتسيبيها دقيقة ونصف، أما لو كرنب هيتساب 3 دقائق، وبقيت الخضار هيفضل دقيقتين بيغلي.

بعد ما تخلص المدة هنحط الخضار في مية مثلجة على الفور بنفس المدة الزمنية اللي اتسلقت فيها.

وخدي بالك لو مسلقتيش الخضار بالشكل الصح هيفقد نكهته وهيبوظ بسرعة في الفريزر، وكمان من الخطأ إنك تسلقيه على البخار عشان ده هيدبل الورق.

أخيرًا هنحط الخضار في العلب المخصصة للتجمد أو الأكياس البلاستيكن ونقفلها كويس، وبعدين ندون عليه نوع الخضار وتاريخ التجميد.

والخضار ده هيفضل كويس وناضج من 8 لـ12 شهر، وتقدري تستخدميه عند الحاجة، بس لما تطلعيه من الفريزر اطبخيه فورًا مينفعش تدوبي التلج من عليه.

افضل طريقة لحفظ الخضروات الورقية بالتجميد

سلق الخضار 

معظم الخضروات الورقية بتحتاج إنها تتسلق بس مش كلها، والسلق ده بيحافظ على لونها الأخضر ونكهتها لتفرة طويلة.

وبتتم عملية السلق عن طريق غمر الخضار في المية المغلية لفترة من الوقت، وده بيدمر الإنزيمات اللي بتتسبب في تلفها.

ولازم قبل ما نخزنها إننا نجففها وننشفها كويس جدًا بالمناديل الورقية، قبل ما نحطها في علب الثلاجة أو أكياس الثلاجة.

إليكي أيضًا: طريقة عمل الفول في المنزل بطريقة سهلة وبسيطة

تجفيف الخضار والأعشاب

أول حاجة هنشطف الخضار والاعشاب من الأوساخ بالمية الجارية، وبعدين هنجففها كويس جدًا.

بعد كدا هنفردها على مناديل ورقية أو قماش نظيف عشان تنشف أكثر ونتخلص من الرطوبة اللي جواها.

وممكن نجففها كمان بالميكروويف، عن طريق إننا نحط الأوراق الصغيرة أو قطع الأعشاب على مناديل ورقية ونسيبها 30 ثانية في الميكروويف.

كمان لازم نفحصها باستمرار لحد ما تبقى هشة بس بدون ما نحرقها، ونكرر الموضوع لحد ما تنشف تمامًا.

أما الأعشاب السميكة والقوية زي إكليل الجبل، والزعتر، والبقدونس، وغيرها، فبتنشف بتعليقها داخل المنزل.

وبيتم ده عن طريق ربط السيقان على شكل عناقيد وتعليقها رأسًا على عقب في مكان ضملة لا يدخله ضوء الشمس.

ممكن نجفف الأعشاب الناعمة والرطبة مثل: النعناع، وأوراق الغار، والريحان، وغيرها في الفرن المنزلي.

وده عن طريق نزع أوراقها من الساق ونحطها بين المناديل الورقية بحيث يمكن تكديس 5 طبقات من الأوراق بالتناوب.

بعدين نحطها في صينية بالفرن، وضبطه على أقل درجة حرارة ممكنة، والطريقة دي هتجيب نتيجة في 8 ساعات تقريبًا.

ولازم مننورش المصابح الداخلي للفرن طول المدة، ونحطها بعد كدا في برطمان مقفول لحد ما نستخدمها.

المصادر: طريقة حفظ الخضار الورقية

/home/ahmed-gouda/workspace/main-system

بتحتاج معظم ستات البيوت لأنها تخزين الخضار الورقي أو أي نوع من الخضار، وبالتالي بتبقى عايزة تعرف ايه هي افضل طريقة للتخزين سواء في التلاجة أو الفريزر، والخطوات الصح اللي تخلي الخضار ميبوظش.

 

مواضيع ذات علاقة