حيل لقلي السمك بدون الروائح المزعجة

قلي السمك من الحاجات اللي بتشيل همها كل ربة بيت، عشان بياخد خطوات كتير وبيعمل ريحة مزعجة في الشقة، وبالتالي هنوريكي حيل لقلي السمك بدون الروائح المزعجة.

والسمك من الأكلات المحببة لكتير من المصريين وخاصة في المدن الساحلية، وبالتالي هنقولك من خلال التقرير ده التكات المناسبة لقليه في البيت.

اقرأي أيضًا: طريقة عمل أرز السمك

حيل لقلي السمك بدون الروائح المزعجة

من هنا ورايح مش هتشيلي هم الريحة اللي بيسببها السمك في البيت لما بنقليه، وده لو طبقتي الخطوات اللي هنقولك عليها.

أول حاجة لازم تفتحي الشبابيك والأبواب الموجودة في البيت، عشان الهوا الموجود في المطبخ هو المسؤول الرئيسي عن التخلص من الريحة. 

تاني حاجة اغلي شوية قهوة أثناء عملية قلي السمك؛ عشان القهوة بتشرب الريحة المزعجة والكريهة في البيت.

ثالث حاجة حضري طبق من الحلويات بالريحة الجميلة، واخبزيها وانتي بتقلي السمك وبتحضريه.

بعد كدا ممكن تغلي برده القليل من أعواد القرفة مع الهيل في الميو؛ وده هيعمل على إزالة رائحة قلي السمك.

كمان تقدري توزعي شرائح من قشرة الليمون في المطبخ عشان تشرب الريحة، أو حطي وعاء من الخل قريب من النار عشان يمتص الريحة دي.

كل الطرق ده هتقلل ريحة قلي السمك والزفارة اللي بيسببها، وكمان تقدري تفتحي الشفاط لتغيير الهواء. 

واستمتعي بأكلة سمك جميلة مع أسرتك بدون أي ريحة مزعجة، ومتنسيش ترمي القمامة بعد الأكل مباشرة. 

حيل لقلي السمك بدون الروائح المزعجة

 

إزالة رائحة قلي السمك من البيت

ريحة قلي السمك بتسيب أثر في المطبخ وفي الهدوم وفي الأسطح وكل مكان؛ لذلك لازم نعرف إزاي نشيلها من كل ده.

أول حاجة نستخدم المبيض، لإنه عنده قدرة على امتصاص ريحة السمك أثناء قليه في المطبخ.

وهنقوم باستخدام المبيض لإزالة أي ريحة أو وسخ على الأسطح والحاجات اللي استخدمناها في التقطيع أو التنظيف.

وده بيتم عن طريق إننا نملى وعاء صغير بالسائل المبيض ونحطه على المطبخ بعيد عن البوتوجاز.

الخلطة دي قادرة على إنها تمتص ريحة قلي السمك من المكان، ولازم ناخد بالنا إننا منتحركش جنبها عشان متدلقش علينا.

وبرده ممكن نستخدم التفاح أثناء قليّ السمك للحد من ريحته النفاذة والقوية، عن طريق تقطيع التفاح لشرائع وتغليف مقلاة السمك بيها قبل القلي.

تنظيف رائحة الأسماك بعد الوجبة

ننصح في الحالة دي بإننا نفضي سائل التبييض في مصرف المية بعد ما نخلص غسيل الأطباق.

وده هيخلينا نتخلص من الريحة اللي قد تعلق في المواسير أو مصرف الحوض أو أيًا كان.

من ضمن الحاجات اللي تخلينا نتخلص من آثار ريحة قلي السمك، هي إعداد أكل بروائح مميزة بعد السمك.

على سبيل المثال ممكن نحضر القهوة لأن ريحتها شهية وقوية وهتغطي على ريحة السمك.

كما إنه ممكن نصنع المخبوزات الشهية أو الحلويات لإن ريحة المخبوزات هتغطي على ريحة السمك في البيت.

بالإضافة إلى ذلك ممكن تغلي قشور الليمون أو البرتقال، وده هيساعد برده على إزالة ريحة السمك من المطبخ.

تنظيف رائحة السمك بعد الوجبة

حيل لقلي السمك بدون الروائح المزعجة على الأسطح

ريحة السمك بتفضل برده على ألواح التقطيع أو على الأسطح، وبالتالي لازم نلاقي طريقها ونشيلها بيها.

وده بيتم من خلال غسل الألواح دي بالمية الباردة ثم تنظيفها بالمية السخنة وسائل غسيل الأطباق.

كمان ممكن نستخدم محلول التعقيم المنزلي لتعقيم الأسطح والأواني، عشان نشيل ريحة السمك المُزعجة عنها.

تعرفي على طريقة عمل السمك السنجاري في المنزل

تنظيف الثلاجة من رائحة السمك

الثلاجة من الاماكن اللي ريحة السمك بتفضل فيها فترة كبيرة، وده بيضايق أي حد في البيت.

وبالتالي نقدر إننا نشيل ريحة زفاة السمك منها عن طريق الخطوات التالية:

أول حاجة هنخرج كل الأكل والعلب والأطعمة المجمدة من الثلاجة أو الفريزر.

ثاني حاجة هنتخلص من الأكل الفاسد، و قبل كل ده هنفصل الكهربا عن الثلاجة.

بعد كدا هنخرج الرفوف والأدراج الموجودة في الثلاجة وننضفها كويس بالماء والصابون.

وبعدين هنعمل محلول لتنظيف الثلاجة، مكون من مية سخنة و5 نقط من صابون تنظيف الأطباق.

بعد كدا هنضف الثلاجة كويس من الداخل باستخدام إسفنجة، لحد ما نضفها كلها ونضف الأبواب كمان.

ومن ثم هنطهر التلاجة بمحلول مطهر مكون من نص لتر مية وكوباية من المبيض، أو مية وخل، أو لتر مية مع ربع كوب من صودا الخبز.

ومن ثم هنطهر التلاجة، وبعدين نجففها كويس بطقعة قماش، وهنسيب التلاجة والفريزر مفتوحين ساعتين على الأقل.

هنحط كما المواد الخاصة بامتصاص الروائح بعد ما نحط الرفوف والأدراج فيها، وبعدين هنرص الأكل فيها تاني ونشغل الكهربا. 

حيل لقلي السمك بدون الروائح المزعجة على اليدين

التخلّص من الرائحة العالقة بالملابس

بالنسبة للريحة اللي بتفضل في الهدوم بعد ما نخلص قلي السمك، فدي ليها خطوات تانية.

أول حاجة هنضيف نص كوباية من صودا الخبز في وعاء من الماء الدافئ، وننقع الهدوم فيها مدة ليلة كاملة. 

بعد كدا هنغسل الهدوم كويس في الغسالة وباستخدام المنظمات العادية، وننشرها في الهواء الطلق مباشرة.

إليكي أيضًا: طريقة عمل السمك الفيليه

التخلص من رائحة السمك على اليدين

بالنسبة للايدين فدي بنصنع مطهر منزلي ليه من الخل والليمون، اللي هيخلي ريحة الايد جميلة ومنعشة.

أول حاجة هنجيب كوباية خل مع ربع كوباية من عصر الليمون، ونقطة من صابون غسل الأطباق.

وهنخلط كل حاجة مع بعضها ونسيبها لمدة نص ساعة قبل ما نستخدمها على الايد.

بعد كدا هنغسل الايد بالخليط ده، وناخد بالنا لو الايد مصابة بجرح أو بتعاني من حساسية، ومن ثم هنغسل ايدينا بالمية العادية لإزالة الريحة تمامًا بل ونخلي ايدينا ريحتها منعشة وجميلة. 

المصادر: كيف أزيل رائحة السمك من البيت

/home/ahmed-gouda/workspace/main-system

ريحة السمك المقلية من الحاجات المزعجة اللي بتفضل في البيت فترة بعد ما ناكل السمك، وبالتالي هنعرفك إزاي تتخلص من الريحة دي سواء من الأطباء أو البوتوجاز أو الثلاجة أو الملابس.

 

مواضيع ذات علاقة