حيل ذكية في المطبخ هتسهل حياتك ..

كل ست نفسها تكون مرتاحة في مطبخها ومتشيلش هم الحاجات الصعبة، وعشان كدا في شوية حيل ذكية في المطبخ هتسهل حياتك قررنا إننا نعرفهالك. 

والحيل ده مش صعبة ولا محتاجة منتجات خذعبلية، كل ما عليكي إنك تستخدمي الأدوات الموجودة في مطبخك وتسهلي على نفسك كل حاجة.

وفي التقرير ده، هيعرفك موقع "فودو" حيل ذكية في المطبخ هتسهل حياتك وإزاي تستخدمي أبسط الحاجات اللي عندك عشان متتعبيش. 

اقرأي أيضًا: طريقة عمل الفشار - في المنزل بطريقة سهلة وبسيطة

حيل ذكية في المطبخ هتسهل حياتك

الميكروويف

مشكلة تسخين الأكل في الميكروويف مشهورة جدًا؛ لإن الجهاز ده بيسخن الأكل من الطرف بس ومش بيسخنه من النص. 

والسبب في كدا بيرجع لإن الموجات الدقيقة اللي فيه ب ولكن لا تسخنها متروح للأكل اللي ظاهر، ومش بتروح ليه من تحت.

وبالتالي عشان تتخلصي من المشكلة اعملي حلقة مع الأكل، وده هيخلي الأكل سخن من تحت ومن فوق.

البطاطس

البطاطس من المنتجات اللي بتحتاج عناية خاصة عشان متبوظش، وبالتالي حطي معاها تفاحة لما تيجي تخزنيها عشان متبوظش بسرعة.

ولازم متحطيش جنبها البصل، ومن الأفضل إنك تحطيها في مكان بارد ومظلم.

فصل بياض البيض عن الصفار

ممكن تعملي كدا باستخدام شوكة بسهولة كدا، بدل ما تبهدلي المطبخ بدون داع.

تنظيف المبشرة

ممكن لقطعة من البولي إيثيلين العادي مش الرقيق، إنها تقوم بمهمة تنظيف المبشرة.

كمان ممكن تغطي معدات الطبخ بيها وافركي المنتجات اللي عايزة تبشريها عليها، ثم اتخلصي البوليثين وسيبي المبشرة نضيفة. 

حيل ذكية في المطبخ هتسهل حياتك

سن السكين

والسكاكين الباردة من أكتر الحاجات المزعجة في المطبخ، وكمان مش كل الستات بتعرف تسنها أو عندها مسن.

وبالتالي ممكن تاخدي كوباية عادية واقلبيها، وسنّي السكينة على حافتها بزاوية 45 درجة. 

الفراولة

عشان تخلي الفراولة فريش لأطول فترة ممكنة، انفعيها في 8 أكواب ماء وكوب خل أبيض.

بعد شوية خدي الفراولة وصفيها واشطفيها، وبكدا هتطول فترة صلاحتيها ومش هتبوظ بسرعة.

حيل ذكية للمطبخ 

الروايح الكريهة 

عشان تخلصي من روايح البطرمانات، خدي أوراق الجرايد ولفيها وحطيها جواها، بعد كدا سبيها من 24 لـ48 ساعة.

الروايح الكريهة في الثلاجة

لو بتعاني من روايح غريبة في الثلاجة، فما عليكي إلا إنك تحطي علبة صودا خبز فيها.

وصودا الخبز بتعمل على امتصاص الروايح بشكل كبير، وهتخلي ريحة الثلاجة جميلة. 

واقي إصبع

كما إنه ممكن تصنعي واقي للإصبع أثناء تقطيع الخضار بشكل سهل، عن طريق استخدام زجاجة بلاستيك وشريط مطاطي.

أول حاجة، هتاخدي الإزازة وقصي قطعة من الأعلى، بعد كدا اعملي فتحتين على الحواف ودخلي الشريط المطاطي.

ومن ثم تقدري تستخدمي الأداة دي كواقي لصباعك أثناء التقطيع. 

تعرفي على طريقة عمل الكنافة - في المنزل بطريقة سهلة وبسيطة

حيل ذكية للمطبخ 

أفكار ذكية للمطبخ للمرأة العاملة

صلصة الطعام

لو هتحضري وصفة فيه صلصة طماطم، فبننصحك إنك تضاعفي الكمية، وخدي اللي تحتاجيه وشيلي الباقي.

بس لازم تسيبي الصلصة لحد ما تبرد، قبل ما تحطيها في الثلاجة أو الفريزر، وممكن تعملي كمية كبيرة وتشيليها عادي.

قلي البصل

اقلي كمية من البصل في الزيت، و بعد ما يبرد قسميه لعدة طبخات، وشيليه في الثلاجة.

ووقت ما تحتاجيه طلعيه وحطيه على النار وطبقي طبختك بسهولة وممكن تستعمل صودا الخبز عشان تسرع تسوية البصل.

كريم الثوم

استخدمي المبشرة عشان تصنعي كريم الثوم، وممكن تعملي كدا عن طريق استخدام كيس نايلون.

كل ما عليكي إنك تدخلي المبشرة في الكيس ومرري حبات الثوم عليها كأنك بتبشري وهتحصلي على كريم الثوم في ثوان.

تغطية البوتوجاز بورق النيلون 

عشان متتعبيش كل شوية في تنظيف البوتوجاز، غطيه بورق النيلون أو أوراق الألومينيوم التي تتحمل السخونة.

و بعد ما تخلصي الطبخ ارمي الورق وسيبي البوتوجاز نضيف.

المياه الفوارة لتسريع طهي الخضار

ضيفي المياه الفوارة للخضار أثناء الغلي، عشان تسرعي عملية الطهي وتخلصي في وقت وجيز.

نقع الحبوب طوال الليل

لو نقعتي البقوليات طويل الليل في المياة الساخنة، مش هتاخدي وقت كبيرة في التسوية.

التخلص من ريحة القلي بسرعة 

عشان تخلصي من ريحة القلي، لازم تعملي شوية حاجات سهلة هتخلي المطبخ ريحته كويسة.

أول حاجة افتحي الشبابيك قبل ما تبدأي القلي، وشغلي مروحة الشفط عشان تتخلصي من الرائحة.

بعد كدا اقفلي أبواب الغرف اللي في الشقة عشان الريحة متدخلش ليها، ولو المطبخ مفتوح على الصالة، افتحي شبابك الصالة. 

من أهم الخطوات أيضًا إنك تنظفي المقلاة علطول واتخلصي من الزيت بعد عملية القلي.

ونضفي الأواني من خلال نقعها في المية الدافية والخل، عشان تسهلي عملية إزالة الدهون منها.

كمان لازم تمسحي البوتوجاز والرخامات والحاجات اللي جه عليها دهون وأوساخ، وكذلك امسحي الأرضية بالمنظف المناسب.

وبرده اغسلي المناشف اللي فيها ريحة القلي، وارمي أكياس القمامة اللي محتوية على حاجات خاصة بالقلي.

وانتي بتقلي، اخلطي ملعقة من الخل وكوب ماء وحطيهم في إناء صغيرة واغليه على النار.

أو كمان ممكن تغلي قشر الليمون أو أعواء القرفة مع الفانيليا عشان تخلي ريحة المطبخ أفضل.

ولزيادة الاطمئنان، حطي شوية قهوة على الرخامة طول الليل عشان تمتص أي ريحة موجودة لسة.

بالإضافة إلى ذلك ممكن إنك تحطي كمية من صودا الخبز في قطعة قماش واربطيها وسيبيها في المطبخ.

قد يهمك طريقة عمل القشطة - في المنزل بطريقة سهلة وبسيطة

التخلص من ريحة القلي بسرعة 

التخلص من ريحة الكرنب بعد سلقه 

إزاي تتخلص من ريحة الكرنب بعد سلقه؟ دي مشكلة بتقابل كل الستات بسبب ريحة الكرنب النفاذة.

وممكن تتغلي على المشكلة دي، عن طريق إنك تحطي فوطة مبللة بالخل الأبيض فوق غطاء حلة الكرنب عشان تمتص البخار والروائح.

كما إنه ممكن تحطي شريحة خبز فوق الماء خلال طهي الكرنب، وده هيمتص الريحة القوية برده. 

من ضمن الحاجات كمان، إضافة عصير ليمون للماء اللي بتستخدميها في السلق وده هيقصي على ريحته.

وكذلك ممكن تضيفي التوابل لماء السلق زي القرفة أو الكمون أو أوراق اللوري، أو حبة جوز بقشرها.

المصادر:  منها "سن السكينة بالكوباية".. 9 حيل ذكية تحل لك مشاكل المطبخ

/home/ahmed-gouda/workspace/main-system

أي ست بيت محتاجة تعرف إزاي ترتب مطبخها وإزاي تستخدم كل حاجة بسهولة، وكمان محتاجة تتغلب على الصعوبات اللي بتواجهها فيه زي ريحة القلي، والسكاكين اللي مش حامية، وبالتالي عرفناكي كل حاجة في التقرير ده.

 

مواضيع ذات علاقة