تجميد الاكل المطبوخ .. خطوات تفريز الطعام المطبوخ

تجميد الاكل المطبوخ من الحاجات اللي بتضطر كثير من النساء لعملها، سواء بسبب الوقت الضيق لتحضير الاكل، أو الظروف الطارئة. 

وبالتالي بتلجأ النساء دي لإنها تجمد الأكل في الفريزر بعد ما طبخته، وطبعًا الخطوة دي ليها أصول وخطوات لازم نعملها عشان منبوظش الأكل.

وفي التقرير ده، هيعرض موقع "فودو" خطوات تجميد الاكل المطبوخ وإزاي نستفيد بيه لأطول وقت من غير ما يفسد.

اقرأي أيضًا: طريقة عمل الفول في المنزل بطريقة سهلة وبسيطة

تجميد الاكل المطبوخ

فيه خطوات لازم كل ست تعملها عشان تجمد الأكل المطبوخ، ولو عملت حاجة غلط منها ممكن يتسبب في إن الأكل يبوظ.

أول حاجة لازم نبرّد الأكل المطبوخ لحد ما يوصل لدرجة حرارة الغرفة قبل التجميد، وممكن نحطه على رف التبريد لمدة تلت ساعة ثم الفريزر.

كمان لازم تاخدي بالك من تبريد الأكل بشكل كامل في الثلاجة وتخليه في درجة حرارة باردة ومتغطي عشان نحافظ عليه من التلوث.

بالإضافة إلى ذلك لازم تحطي الاكل في أكياس الفريزر السميكة قبل تجميدها، وده عشان تحافظي عليها فريش لفترة طويلة.

وبرده لازم تفرزي الأكل بشكل مسطح عشان يتجمد بسرعة ويتدوب بسرعة، وكمان عشان مياخدش مساحة في الفريزر.

قبل ما تحطي الأكل في الفريزر، لازم تكتبه اسمه وتاريخ التخزين على الكيس أو على ستيكر وتلزقيه على الكيس وكل البيانات بتاعت الأكل.

ومش لازم خالص تدّوبي الأكل لما تيجي تطلعيه عشان البكتيريا متجيش عليه، وبالتالي يحصل أمراض.

ولكن ممكن تدوبي الأكل في الثلاجة مش في درجة حرارة الغرفة، ده هيبقى أنسب وأفضل للأكل.

أخيرًا لازم تكوني عارفة إن إذابة الأطعمة في المايكروويف بيساعج على نمو البكتيريا وده خطر على صحتك.

تعرفي على طريقة عمل السمبوسة في المنزل بطريقة سهلة وبسيطة

تجميد الاكل المطبوخ

أطعمة مطبوخة للتجميد 

بعد ما عرفنا إزاي نجمد الأكل المطبوخ في الفريزر، لازم نعرف إيه الأكل اللي ممكن يتجمد.

المكرونة

تعتبر المكرونة من الأكلات اللي تتحفظ في الفريزر لمدة طويلة وهي مسلوقة، ما عليكي إلا إنك تحطي شوية زيت زيتون على المكرونة قبل تجميدها.

بعد كدا حطيها في إناء مغلق وخزنيها، ولما تيجي تستخدميها ذوبي الثلح وسبيها شوية وبعدين حطي مية سخنة عليها.

الأرز

بالنسبة للرز فهو برده ممكن يتجمد وهو مستوي نص سوى، وبيوصل الوقت بتاعه في الفريزر لـ 4 شهور.

كل اللي عليكي إنك تطفي النار على الرز قبل ما يستوي بشكل كامل أو قبل مايستوي بنص ساعة.

بعد كدا سبيه يبرد من غير ماتغطيه، وبعدين حطيه في أكياس حفظ الطعام واقفليه كويس.

لازم تكوني متأكدة من تفريغ الهوا من الكيس قبل ما تحطيه في الفريزر، ولما تطلعيه حطيه في الميكروويف 3 دقايق.

الصلصات

الصلصات بكل أنواعها من الحاجات اللي ممكن تتشال في الفريزر، فمثلًا ممكن تسبّكي كمية كبيرة من الطماطم وتشيليها في أكياس وتفرغي الهوا منها، وبعدين تحطيها في الفريزر.

الدجاج المشوي

بعد ما تشوي الفراخ وتبرديها في درجة حرارة الغرفة، حطيها في أكياس حفظ الطعام في الفريزر، واستخدميها لما تحتاجي.

الخضروات والفطر

الخضار المطبوخ ممكن يتجمد بشكل بسيط، زي البامية أو البسلة، فمثلًا بعد ما تخلصي طبخ وتبردي الأكل، حطيه في أكياس ثم الفريزر.

كمان ممكن تحفظي المشروم في الفريزر بعد طبخه، ما عليكي إلا إنك تحطيه مع الزبدة وبعدين حطيه في أكياس ثم الفريزر.

أطعمة مطبوخة للتجميد 

أكل لا يمكن تجميده 

على الرغم من إن فيه أكلات كتيرة ينفع نجمدها سواء نية أو مطبوخة، لكن فيه أكلات برده مينفعش نجمدها.

ومن ضمن الأكلات دي أي حاجة مقلية، عشان الغلاف المقرمش بتاعها بيتحول إلى هريسة ويدوب بسبب الثلج.

كمان القشطة الحامضة مينفعش تتجمد عشان بتفصل بس ممكن نستخدمها في الأكل المطبوخ.

واللبن برده مينفعش نجمده عشان بيتكتل بس ممكن نستخدمه في الطبخ برده.

ومن ضمن الأكلات اللي مينفعش تتجمد، هي الأطباق اللي بيبقى فيها فتات عشان التلج بيحوله لهريسة.

مدة تجميد الاكل المطبوخ في الفريزر

أي أكل فيها لحم أو صواني الفرن باللحم واللي تم طبخها بالفعل، بنحطها في الفريزر لمدة لا تتعدي الـ3 أو 4 أشهر عشان متفسدش.

أما بالنسبة للدجاج المطبوخ وأكلات الدواجن بشكل عام، فممكن نحفظها في الفريزر لمدة 6 أشهر لكن مش أكتر من كدا عشان ميبوظش.

إليكي أيضًا: طريقة عمل ورق العنب - في المنزل بطريقة سهلة وبسيطة

طريقة حفظ المحشي المطبوخ في الفريزر

المحشي من الأكلات الشعبية في مصر ومعظم الناس بتحبه بجميع الأنواع، وبالتالي لازم نعرف إزاي نجمده وهو مطبوخ.

أول حاجة بعد تقوير المحشي وتنظيفه ممكن نشوحه بالزيت سريعًا، وبعدين نسيبه يبرد، قبل ما نحطه في أكياس التخزين.

وبعدين نتأكد من تفريع الهوا من الأكياس ونحطه في الفريزر، ونخرجه على الحشو علطول.

كمان ممكن نخزنه بعد الحشو، عن طريق إننا نحطه في علب تخزين ونقفلها كويس جدًا، ونحطها في الفريزر.

ولما نيجي نسويه، نطلعه ونحطه في الحلة وهو مثلج، ومنسيبوش لما يدوب، ونحط الشوربة المغلية عليه ونسويه عادي.

مدة تجميد الاكل المطبوخ في الفريزر

طريقة حفظ اللحم المطبوخ 

بالنسبة للحم المطبوخ فده ممكن نجمده بطريقة عادية جدًا، فممكن تحطي كل التوابل والأعشاب عليها وسويها حتى درجة ما قبل الغليان.

وبعد ما تستوي اللحمة نصف سوى، اطفي النار عليها وارفعي الحلة.

بعد كدا صفي اللحمة من الشوربة بشكل كامل وضعيها في علب نظيفة واقفليها كويس جدًا.

كمان لازم تاخدي بالك إنك تقسمي اللحمة لأقسام حسب حاجتك عشان تجمد بشكل أسرع.

قد يهمك طريقة عمل القلقاس في المنزل بطريقة سهلة وبسيطة

المصادر:  حفظ الطعام المطبوخ في الفريزر

 

/home/ahmed-gouda/workspace/main-system

لازم على كل ست بيت إنها تعرف إزاي تجمد الأكل الني والمطبوخ، وإيه الخطوات الصح اللي تخليها تعمل كدا بدون ما تسبب نمو البكتيريا أو تلويث الأكل وبالتالي يأثر على صحتنا، وفي التقرير ده عرفناكي كل حاجة عن طرق تجميد الاكل المطبوخ.

 

مواضيع ذات علاقة