طرق حفظ اللحوم بسهولة ومدة التخزين المسموح بها

حفظ اللحوم ممكن بيسبب لنا أزمة بسبب إننا مش عارفين  إيه الخطوات اللي مفروض نعملها عشان نخافظ علي اللحوم، عشان كدة "Foodo" في الموضوع ده هيقدملك كل حاجة تخص حفظ اللحوم بأكثر من طريقة سهلة جدًا، وكمان هنقدملك نصائح مهمة جدًا وانتي بتختاري نوع اللحمة المناسب وازي تنضفي اللحمة علشان تقضي على البكتيريا والميكروبات.

طرق حفظ اللحوم

كتير من الناس ميعرفوش طريقة حفظ اللحوم سواء في الثلاجة أو الفريزر، وده ممكن يؤدي لعواقب وخيمة زي إصابة أي فرد من العائلة بعدوى بكتيرية أو تسمم غذائي.

ومعروف طبعًا إن اللحوم بتفسد بسرعة لو اتأخرنا في التخزين، وبتكون بيئة مناسبة لنمو البكتيريا والميكروبات.

ضروري جدًا عدم ترك اللحمة خارج الثلاجة سواء بعد شرائها أو ذبحها لأكثر من ساعتين؛ علشان تتجنبي زيادة البكتيريا فيها.

حفظ اللحوم

ما الأفضل في حفظ اللحوم الثلاجة أم الفريزر؟

نيجي هنا لسؤال مهم جدًا وهو نحفظ اللحوم فين في الثلاجة ولا الفريزر، والإجابة على السؤال ده بتعتمد على نوع اللحمة نفسها وكمان مدة حفظها.

يعني مثلًا ممكن تحفظي اللحمة في الثلاجة لمدة 5 أيام، وممكن كمان لو عاوزة مدة أطول تحفظيها في الفريزر لمدة من 4 إلى 6 أشهر.

لكن بالنسبة للحمة المفرومة والكبدة واللسان ممكن تحفظيهم في الثلاجة لمدة يوم ليومين بس، وممكن تحفظيهم في الفريزر لمدة 3 أو 4 شهور.

لو عاوزة تحفظي اللحمة المطبوخة عندك اختيارين الأول هو إنك تحفظيها في الثلاجة لمدة 3 أو 4 أيام، والاختيار التاني هو إنك تحفظيها في الفريزر لمدة من شهرين إلى 3 شهور.

قد يهمك أيضًا اختيار لوح التقطيع المناسب لك وكيفية تنظيفه والحفاظ عليه

خطوات حفظ اللحوم

  • أول حاجة لازم نعملها إننا نقطع اللحمة و نقسمها حسب جاجتنا اليومية، قبل وضعها في الثلاجة أو الفريزر. وطبعا الخطوة دي مهمة جدًا لإنها بتجنبنا إخراج اللحمة كاملة من الثلاجة وإدخالها تاني، بكدة تقللي من نسبة تعرضها للبكتيريا.
  • كمان من الحاجات المهمة جدًا هي إنك لما تحطي اللحمة في الفريزر ضروري وضعها في كيس نظيف، وفرغي الكيس من الهواء واقفليه كويس. وده طبعا علشان تحافظي على جودة اللحمة وطراوتها، وكمان شيء مهم جدا وهو أنه قبل ما تحطي اللحمة في الفريزر حطيها في التلاجة الأول لمدة لا تقل عن 6 ساعات.

نصائح تخزين اللحوم في الفريزر بعد الذبح

هنقدملكم مجموعة نصائح ضروري جدًا لتخزين اللحوم في الفريزر؛ وده طبعًا علشان تحافظي على اللحمة من التلف وعلشان متفقدش عناصرها الغذائية.

أول حاجة مهمة جدًا لازم ننظف اللحوم من الدهون والشوائب قبل تخزينها في الفريرز أو الثلاجة، ممكن تحفظي الدهن كله مع بعض، وممكن تحطي قطعة واحدة من الدهن مع كل كيس لحمة، بس في الحالة دي خلي بالك كويس من وضع طبقة الدهن في قطع اللحم على الوش.

وبعد كدة تقطيع اللحمة حسب رغبتك.

كمان نفصل اللحم اللي في عضم عن اللي مفيهوش.

من الحاجات المهمة جدًا إنك تقطعي اللحمة وتوزعيها على أكياس بلاستيك حسب الاستهلاك اليومي.

كمان حاجة مهمة جدًا وهي عدم غسل اللحمة قبل حفظها في الفريزر؛ علشان متفقدش طعمها ونكهتها.

مهم جدًا التأكد من سلامة الفريزر ودرجة حرارته المنخفضة، درجة الحرارة المثالية لحفظ اللحوم المجمدة من 12 إلى 18 درجة تحت الصفر.

لازم نحفظ اللحمة في أكياس نظيفة وجافة علشان تتضمني سلامتها لأطول فترة ممكنة.

خطوة مهمة كمان وهي التأكد من أن الأكياس مفيهاش هواء وتقفليها كويس جدًا.

كمان من الحاجات المهمة جدًا حفظ أكياس اللحمة بعيدًا عن الخضراوات والأسماك أو أي أكل آخر.

نصيحة مهمة جدًا في حفظ اللحوم وهي إننا تخلي فراغ بسيط بين كل كيس والتاني.

يمكن حفظ اللحم النيء في الفريزر لمدة 9 أشهر، ومش هيحصله أي ضرر، وكمان مش هيفقد أي عنصر من عناصرها الغذائية.

وطبعًا ده هيحصل لو اتبعتي كل خطوات الحفظ اللي اتكلمنا فيها قبل كدة.

نيجي بقى على حاجة مهمة وهي إنك عاوزة تطلعي اللحمة علشان تطبخيها.

أول حاجة نخرج كيس اللحمة من الفريزر، ونحطة في رف الثلاجة علشان يفك شوية.

و بعدين نطلعة من الثلاجة و نطبخة بالطريقة اللي احنا عاوزينها.

طريقة حفظ اللحوم في الثلاجة

ممكن نحفظ اللحم النيئ في الثلاجة لحد 3 أيام، بس في معايير وتعليمات لازم تمشي عليها الأول علشان اللحمة تفضل سليمة.

إليك هل يجب عليك شراء خلاط أم محضر طعام؟

خطوات خفظ اللحوم في الثلاجة

أول حاجة مهم نعملها  قبل حفظ اللحوم في الثلاجة، هي تقطيع  اللحمة بشكل يناسب حاجتك اليومية، والتخلص من الشوائب والدهون.

لو محتاجين الدهن، لازم نخلي طبقة الدهن فوق اللحمة بمعنى أنها تكون أول طبقة ونقفل الكيس عليها، والكيس طبعا يكون بلاستيك جاف ونظيف.

كمان من الحاجات المهمة جدًا عزل اللحوم النيئة عن باقي الأكل، وده بيكون عن طريق تغطيتها كويس و يفضل حفظها في رف لوحدها.

برضه من الحاجات المهمة أوي فصل  كل نوع من أنواع اللحوم عن بعض، و مانحطش أكثر من نو ع لحمة في كيس واحد.

يعني مثلًا نحط اللحم السليم لوحده، والمفروم لوحده والريش لوحدها وهكذا.

كمان من الحاجات المهمة أوي تجنب وضع لحوم طازجة مع لحوم مطبوخة في طبق واحد.

لازم نطبخ اللحمة على حسب أسبقية حفظها، يعني تستخدمي اللحمة اللي حفظناها الأول.

درجة الحرارة المثالية لحفظ اللحوم الطازجة في الثلاحة من -1 حتى صفر درجة مئوية.

كمان من الحاجات المهمة أوي اننا مانطلعش اللحمة من الثلاجة ونرجعها تاني، وكمان من الحاجات اللي ممكن تبوظ اللحمة فتح باب الثلاجة كتير بدون داعي.

وتأكدي من إن إطار الثلاجة الكاوتش سليم، والباب مقفول كويس.

حفظ اللحوم

حفظ اللحوم من غير ثلاجة

في كمان طرق لحفظ اللحوم من غير ثلاجة أو فريزر، لكن ده طبعا بيعتمد على حاجات معينة وظروف لازم تكون متوفرة في المكان مثل:

طريقة التدخين

التدخين من الطرق القديمة في حفظ اللحوم، وهي طريقة معروفة لكن في المناطق اللي فيها كميو كبيرة من الرطوبة، وكمان مفيهاش هواء جاف.

ملحوظة

في دراسات كتير بتحذر من استخدام اللحم المدخن؛ لأن الدخان ممكن يحتوي ع على مواد مسرطنة.

لكن في ناس كتير بتفضل الطريقة دي في وقت الطوارئ.

طريقة حفظ اللحوم بالتدخين تناسب الناس اللي عندهم مساحة واسعة تسمح لهم بحفظ اللحوم بالطريقة دي.

حفظ اللحوم

قد يعجبك أيضًا أفضل عبوات تخزين المواد الغذائية

طريقة التمليح في حفظ اللحوم

كمان ممكن نتبع طريقة التمليح في حفظ اللحوم، لكن الطريقة دي بتحتاج وقت وجهد كبير، لكنها سهلة أوي ورخيصة هنعرفك ازاي تنفذيها:

  • أول حاجة تقطيع كيلو لحم لشرائح.
  • وبعد كدة تذويب 3 ملاعق من الملح الخشن في كمية ماء قليلة، وبعد كدة اضافة اللحمة.
  • نضيف بعد كدة البهارات والفلفل الأسود والحبهان المطحون للحم.
  • ترك اللحمة في الخليط لمدة 6 ساعات.
  • بعد كدة لف اللحم في حبل طخين نظيف وجاف، و تعليقة في مكان جاف بعيدًا عن الشمس، مع تغطيتة بقطعة قماش نظيفة.
  • ترك اللحمة لمدة أسبوعين، وبعد كدة نقلعا لوعاء زجاج و قفلها باحكام.

حفظ اللحوم

بكدة تكون اوضحنا لكم كافة الطرق لحفظ اللم سوا في الثلاجة او الفريزر، بالإضافة للطرق الاخري زي التجفيف او التمليح، اي كانت الطريقة اللي هتتبعوها، لازم اتباع النصائح لتجنب نمو الباكتيريا عليها و اللي ممكن يسبب تسمم.

 

/home/ahmed-gouda/workspace/main-system

قدمناك في الموضوع ده طرق حفظ اللحوم بسهولة سواء في الثلاجة أو الفريزر أو حتى من غير استخدام ثلاجة عن طريق تجربة طريقة حفظ اللحوم بالتدخين أو التمليح وهي طرق جيدة لكن تحتاج أماكن واسعة وحذرنا كمان من طريقة التخدين لتجنب المواد المسرطنة

 

مواضيع ذات علاقة